قانون المرور حب ولا ؟؟

هو طبعا حاجه حلوه اوى أن الحكومه تتطلب مننا اننا نربط الحزام
ونلبس الخوذه ونركن فى الاماكن المخصصه للعربيات
وكمان الطبيعى لاننا شعب مايعرفش يمشى من غير العصايه
لازم يكون فى عقاب
ولاننا طبعا من الشعوب الفقيره لازم العقاب يكون مادى
لانه هو ده اللى هايوجعنا بجد ويخلينا نلتزم
لكن فى الحقيقه ان قانون المرور ده مش هايعمل اى حاجه
غير انه هايفتح باب الرشوه على اخره
يعنى بدل ما تتدفع خمسين جنيه مخالفه كفايه عشرين من تحت التربيزه ومشى حالك
وده طبعا الحد الادنى للمخالفات
انا طبعا مش مع اى مخالفه للمرور او حتى غيره
لكن المفروض قبل ما نمسك حد العصايه علشان يضرب
نعلمه الاول ان الضرب فى الميت حراااااااااااااااااااااااااااااااااااااااااااام
السؤال اللى هايجننى بقه
هو ممكن يا جماعه اللى يعملنا ازمه فى كل حاجه من اول العلاج لغايه رغيف العيش
يكون بجد خايف علينا من حوادث الطريق
يعنى ممكن يكون قانون المرور الجديد ده حب ولا سبوبه ؟؟؟؟

لا حبيبتى بعد الشر عليكى من الجنان ..تتجننى ليه يعنى ده انتى لسه بتقولى على ازمه العلاج فى المستشفيات هيسيبوكى كده وفى الاخر تلاقى نفسك فى الشارع زى حالات كتير وطبعا انتى مش هيهمك حاجه ماانتى مش هتبقى حاسه بقى لكن احنا الغلابه لما تطلقى علينا هنعمل ايه هتجننينا جنبك...بعد الف شر عليكى يا قمر.....بس عاوزة اقولك هما مش خايفين علينا طبعا ولا حاجه بس زى ماقلتى فى ازمات العلاج والتأمين الصحى والمستشفيات والاهمال الطبى قالوا ننبه الناس وبعد كده حصلت حوادث الناس اللى تبقى مسئوله لانها اهملت ولم تتبع التعليمات تتحمل الاضرار بقى يعنى لا حب ولا حاجه ومنين هيجى الحب فى قلوب متعرفش الرحمه ..متفكريش ياشيخه ولا تحرقى دمك خليكى فى موضوع العولمه وبس كفايه....شكراااااااا

والله انا حاسه انهم نزلوا قانون المرور ده علشان يبقى من ضمن الازمات يعمى ميبقاش مقتصر على زحمه المرور وبس لا تكمل بقانون المرور كمان
والمستشفيات بقى زى مابتقولوا وكمان التامين والمعاشات ورغيف العيش والدوا والاسعار اللى غليت والبنزين اللى هيولع كمان شويه فيعنى نخلى عندنا نظر زى مابيقولوا واكيد مش هيسيبوا المرور تعدى من تحت ايديهم يلا كله على الله
ويمكن يكون خير واحنا اللى مش واخدين بالنا الحمد لله على كل شئ
عمار يامصر ولا هظلم مصر ليه العيب مش فيها العيب فينا بس ياريت بجد تكون الحكومه قلبها علينا
ميرسى يانورا على التوبيك وبعد الشر عليكى من الجنان ولو الجنان كان الحل كنا اتجننا من زمان

سلامتك من الجنان يا نورا وانا شايفة ان احسن حل للموضوع دة هوة عدم التفكير فية اصلا يلا قانون مرور جة قانون مرور راح كل محصل بعضة لا البلد بلدنا ولا الشوارع بقت بتاعتنا احنا مجرد ضيوف وبعدين احب اطمنك واقولك مصر 80 مليون ثلاثة ارباعهم معندوهمش عربيات والربع الباقى طفش وساب البلد وكلة على اللة

مش عارفه يانورا انتى مغلبة نفسك ليه حد يحتار فى حاجة زى دى طبعا الحكومة بتحب الشعب جداااااااااااااا وعايزة مصلحته ، اهى ايناس بتقولك احنا بقينا 80 مليون يعنى زحمة وخنقة الحكومة عايزانا نقل شوية وهما لما يعملوا كدة فى رغيف العيش طبعا الغلابة هيموتوا من الجوع ونرتاح احنا بقى اكمننا من زوى الاملاك ومش محتاجين لرغيف العيش دة ونمشى بقى فى الشوارع براحتنا بالعربيات ونغير كل يوم واحدة ، اصلى معظم الشعب ثرى جداااااااااا طبعا بس فى شوية غلابة بيقولوا عليهم الطبقة التوسطة ، لان طبقة الفقراء خلاص ماتت بالفعل
والدور بقى على الباقى يلا لازم بقى نشكر الحكومة فى الاخر
سندريلا

الموضع حلو جميل اوي اوي خالص بس يا ريت نبتعد عن المواضيع اللى تحتوي على مواد س ي ا .. زي دي لانها مواد قابلة للاشتعال وبلاش بقي كلام كتير
وعلى فكرة اللى كده كده س.ب.و.ب.ه وخلاص باظت

مشكووووووووره نورا علي موضوعك
انا حاسه ان كمان سنه او سنتين هيقولو احنا اضطرينا نضحي بالشعب
علشان الحكومه تعيش ...............