التصويت علي بقاء العضو ( مش انا) بالمنتدي

انا في الاول مكنتش اعرف ان رجل او بنت لاني اسمه كان ملوش معني
وبعدين لما قريت بعض الموضوعات اللي كتبها اتخنقت منها ومردتش ارد عليها
لا ارغب في وجوده

ان كمان رغم اني رجل مثله ولكن اثارني ايضا موضوعه تحت عنوان( ممكن الرجال والستات يزعلو علي نفسهم) فانا لا ارغب بوجوده بالمنتدي

انا كمان فى مواضيع كتير ماكنتش يتعجبنى وماكنتش برد عليها
انا لا ارغب فى وجوده

فى البدايه احب اعرفكم من هو (مش انا) هو دكتور هانى صيدلى من بور سعيد عمره 34 سنه .اتعرفنا من الشات وبصراحه هو شخصيه محترمه جدا عمل مدونه خاصه بيه وطلب انى اشترك فيها كنت اشتركت فى المنتدى ووقتى الفاضى بدخل المنتدى بس فكل ما يكلمنى بيكون كلامى على المنتدى فمن كتر ما انا بشكر فى المنتدى والاعضاء طلب انه يشترك فيه بلغت الادمن لكن وقتها مش اشترك لانه ربنا رزقه بمولود فأنشغل وبعدين اشترك ...اكيد ان الموضوعين اللى كتبهم مش صح وبعض ردوده مش صح انا مش فى صفه وده واضح من ردى عليه لكن انا هاجمته عن موضوعه الاول (لكن ماذا)مضمون الموضوع ان ده سؤال مش معروف اجابته رغم ان الحقيقه ممكن تكون معروفه لكن هو هيحاول يوصل للاجابه وبعدين قال انه حائر وكلام مش فاكره بالظبط صراحه لكن اللى فهمته انه عاوز يوضح انه تائهه وحائر يعنى فضفضه ليه وان كانت اتكتبت فى باب غلط ..رديت عليه بانه توهنا لدرجه انى نسيت اسمى وردت سندريلا طلبت منه التوضيح فكان رده انه سؤال ميعرفش اجابته غير حد واحد بس ..لا قال فى المنتدى ولا قال بره المنتدى علشان نقول انه بيوجه رساله محدده لحد معين لما استفسرت منه عن المعنى قال انه (سؤال ممكن تسئله لاى حد ومش يجاوب عليه وهو الوحيد اللى بيبقى عارف اجابته فبيسبب حيره وبنبقى عاوزين نعرف الاجابه ولازم نعرف ففهمت من كلامه انها فكره عاوز يوصلها وخانته قدرته فى توصيلها) ده بالنسبه لموضوعه الاول ....اما الموضوع التانى واللى هاجمناه فيه جدا ورد ووضح رأيه برضه بالمناقشه معاه قال انه لما قرء موضوع مازن ورنا ولقى ان الشباب منحاز للشباب والبنات للبنات حب يوضح انه لا يستطيع الرجل او المرأه الاستغناء كلا منهم عن الاخر وان كان اوضح بأسلوب او عبارات غلط بينت ان ده فكر خاص بيه وهو مش يقصد ده خالص ..ده كلامه و اللى فهمت منه انه حابب انه يوضحه ليكم من خلالى ...المهم انا شايفه ان عضو اشترك معانا واخطأ فى موضوعات او ردود يبقى لازم ننبهه ولا التواصل والافاده هتيجى ازاى هو احنا بنرد على موضوعات بعض بغرض ايه مش نفيد بعض بارائنا وكل شخصيه بتستفاد من طبيعه واسلوب الشخصيه الاخرى ولا انا فاهمه غلط ولا ايه!ّ!!فى النهايه انا حبيت انقل الكلام زى مافهمته وياريت ترجعوا لموضوعه وتعلقاتنا ورده عليه(ليا تعليق يا توتا بعد اذنك انتى قلتى انا فيه موضوعات كتير مش حبيت ارد عليها كتير ايه يا توتا دول موضوعين بس ) بلاش نتحامل على حد من غير مانسمع ونفهم يا جماعه .. على كده اى حد فينا ممكن يعبر عن فكر ليه بأسلوب غلط هيصوتوا عليه ويقولوا لا نرغب فى وجوده...اسفه للتطويل بس كان لازم اوضح موقفه زى ما طلب...شكراااااااااااااا

انا مقتنعه بوجه نظر نرفين اللي وضحته علي لسان العضو
انا موافقه علي وجوده بس بشرط قبل ما يكتب اي موضوع لازم يقرء شروط واحكام المنتد
علشان ما يقعش في نفس الغلط تاني

انا بصراحه يا جماعه قريت رده علي موضوع وكمان في موضوع كتبه وهو ده اللي عمل المشكله
انا من راي اننا نفهم وجهه نظره هو اكيد غلط انه يكتب حاجه من غير ما يرجع لاحكام المنتدي
نديلو فرصه تاني

انا بصراحه الموضوع اللي كتبه استفزني جدا وكمان علشان ما نبخسش حقه انا عجبني رده علي موضوع جنه (زوجه يتمناها كل اخ)وحسيت انه انسان مثقف ولكن طبعا زهلت لما قريت الموضوع اللي كتبه ولكن ممكن نديله فرصه تانيه
لاني ده الهدف من المنتدي مش من مجرد غلطه واحده نسنله السكاكين
بس المهم انه يعرف غلطه ويا ريت يقرء احكام وشروط المنتدي قبل ما يكتب اي موضوع

من وجه نظرى كلنا عايشين فى مجتمع واحد ومش كل واحد فينا تفكيره زى التانى واحنا نفسنا بنقابل فى نطاق تعاملاتنا مع الناس سواء كان فى الشغل او الجامعه او القرايب نفسهم وجهات نظر مختلفه كتيره وفى منها الصح والغلط بس لما اتكلم مع حد فى حاجه من اتنيين ياهو يقنعنى بكلامه ياانا اقنعه بكلامى ومش عيب انى ادى للقدامى فرصه تانيه يمكن ميكنش اخد باله او وصل فكرته بطريقه تتفهم غلط انا راى نديله فرصه تانيه

انا اسفه نرفين لردى على الموضوع ده واسفه للدكتور هانى كمان بس كل الحكايه من كتر ما انا قريت الموضوعين بتاعه عشان افهمهم حسيت انى قريت ليه مواضيع كتير واكرر اسفى لنيرفين وللدكتور هانى انا فعلا مخطا انى تسرعت فى الرد بس كل المطلوب انه يوضح مواضيعه شويه وشكرا ليكى نيرفين على حرصك على تنبيهى لاخطائى وبجد مش زعلانه منك خالص واتمنى دكتور هانى ميزعلش منى واتمنى منك نرفين تقراى كل ردودى وتنبهينى لغلطاتى انا بفرح اوى من نصايحك والله العظيم مش بزعل
شكرا نيرفين

الحقيقه يا جماعه انا شايفه هجوم على مش انا شديد جدا رغم انه كلامه هو ده الواقع اللى احنا عايشينه بس هو احنا اللى مش بنحب نبص فى المرايا اللى بتظهر عيوبناوحتى لو التمسنا العزر للبنات او السيدات الاعضاء فى غضبهم منه لكن الرجال زعلانين ليه علشان واجهم بالحقيقه اغلب الرجال فعلا شايفين الست مجرد سلعه خاضعه للتجربه وحتى الرجال المتجوزين الجواز مش بيمنعهم من التجربه انا طبعا مش بشجع الحكايه دى وشايفه انها بتقلل من قيمه المرأه والرجل ايضا بس ده مش هايمنع انها اصبحت امر واقع وعلى العكس اصبح اللى ملوش تجارب ده شخص متخلف والحمد لله ان لسه فى ناس متخلفين فى الدنيا وانا مع بقاء العضو مش انا فى المنتدى

بصراحه يا جماعه انا مش مع اللي قالو انه يفضل موجود بالمنتدي
ورغم اني قريت تعليق نرفين وتوضيحها لكن ده لاينفي انه اخطيء
اولا كمان الاسم اللي اشتركبيه ملوش اي معني وده مخالف زي ما قريت لشرو التسجيل
وانا مش عارفه الادمن ازي سمحله يسجل بلاسم ده غير كده رده معجبنيش في موضوع نرفين والطامه الكبري الموضوع اللي نزله في الاخر انا بعتبرها مصيبه علشان كده انا مش برجح وجوده معانا في المنتدي

بصراحة ياجماعة احنا لازم نديله فرصة خصوصا انه مكتبش فى مواضيع كتيرة هما موضوعين بس وبعدين دكتور هانى مشكور اوضحلنا بوجهة نظره و انا مع ابقاء العضو مش أنا
سندريلا