مطلوب تدخل الادمن علي الفور

يا ريت يا استاذ حاتم توضحلنا ايه اللي بيحصل وازاي عضوه انا معرفهاش تنزل خبر عني غير صحيح انا طالبه منك التدخل السريع وتعملي تكذيب للخبر ده

استجواب للعضوه همسه في شان الخبر المنشور عن زواج رنا


مطلوب من العضوه همسه توضيح للخبر الذي تم نشره عن زواج العضوه رنا ومصدر الخبر

*اولا بحيي كل الاعضاء ,
*انا عرفت من حاتم ان موضوعي عمل مشكله دون قصد وانا حبيت اوضحه,
الموضوع ببساطه ان رنا اخبرت احدي صديقاتي بخبر زوجها وانجابها وبعتت ليها رساله بتاكد ده وانا شفت الرساله بنفسي وسمعت معاه الخبر .
*بس الظاهر ان ده كان هزار من رنا وانا بعتزر عن سوء التفاهم اللي حصل,
*بس من فضلك يارنا المره الجايه
تبقي توضحي انه هزار مش حقيقه.

*وعلي فكره ياجماعه انا كتبت الخبر علشان ابعت تهنئه لرنا لما تصورت انه حقيقي,
وكون ان الخبر مش حقيقي فده خطأ رنا ,مش خطأي لان الهزار ماينفعش يكون في المسائل دي.
*بس اولا واخيرا ما اقدرش الوم رنا علي الهزار بس هي اللي اخطأت اللي ما وضحتش انه كان هزار.
*وبعتزر تاني عن سوء التفاهم ده.

انا بعتزر لاعضاء المنتدي اني نزلت خبر اتضح انه مش صحيح.

انا من رايي ما دام الموضوع مجرد سوء تفاهم كفايه الاعتزار ونديلها فرصه تانيه

انا مش شايفة ان الموضوع يستحق وقف عضوية همسة وهية اكيد كانت تقصد خير بدليل انها كانت بتهنىء رنا ولما عرفت ان الموضوع غير صحيح جاءت واوضحت الموقف وانا باحيى همسة على ذوقها وأدبها فى التعامل وانا طبعا بارفض وبشدة الغاء عضويتها
واكرر ثانيا انا بارفض الغاء عضوية همسة لانها لم تقترف خطأ تحاسب علية
واسمحى لى يارنا ان اقول ان الخطا من عندك لانك لم توضحى ان كلامك هذار وغير صحيح
واحنا جميعا فى المنتدى اخوات واصدقاء
شكرا
ايناس

همسه اناشفت انك موجوده من فتره كبيره فى المنتدى لكن مش متواجده دائما احنا كلنا فى المنتدى اصدقاء واخوات رغم اننا ممكن نكون مش بنعرف بعض كويس بس ده احساسنا ببعض وانتى رغم عدم تواجدك معانا دائما الا انك من المنتدى برضه يعنى صديقه واخت ليناواحنا متعودين مع بعض ان لو حد غلط او اساء لحد ولو بدون قصد بيعتزر للى اساء ليه مش لأعضاء المنتدى حتى فى تعليقاتنا على الموضوعات وفيه رأى قاسى لازم بنعتذر قبل ما ننهى الرد.....شوفى همسه الأخوات اللى يخافوا على بعض لازم ينبهوا بعض لأخطائهم .....انتى اللى غلطى مش رنا....انتى قلتى رنا بعتت رساله لصحبتها يعنى شئ يخصها هى فى حياتها الخاصه تهزر او لأ هى حره يارب حتى تقول فيها انها انجبت 10 اولاد ده حاجه تخصها هى بس مش من حق حد انه ينشرها كده لكل اللى يعرفوها ولا ايه همسه حتى حبيبتى لو انتى قصدك تهنئه كنتى استأذنيها والاستئذان كمان لو الرساله كانت ليكى انتى مش لصحبتك وانتى اللى اطلعتى عليها.....ومنطقيا كده ازاى امبارح تدعو ليها فى موضوعها حلم صغير والنهارده تقولى الكلام ده يعنى حتى لو كده المفروض حبيبتى انك تستفسرى قبل ما تكتبى
والأغرب بجد انك كتبتى التهنئه رغم انها اول شئ تكتبيه ويعتبر موضوع ..ده بعد حوالى 10 مرات او اكثر قليلا ردود على الموضوعات .....والمفروض برضه انك عارفه ان نزول اى تهنئه ده اختصاص الأدمن واحنا بنقدم التهنئه بعد كده يعنى برضه ده غلط تانى ...(ارجو انك مش تزعلى من كلامى انا قلتلك من الاول احنا كلنا اخوات وأصدقاء وبنبه بعض لو كنت اعرف ايميلك كنت كلمتك عليه لكن برضه بكررها تانى احنا كلنا وااااااحد وزى ما انا شايفه ان ده حق رنا عليا انى ادافع عنها كده لانى شايفه انها مش غلطانه ودى حريتها فى حياتها هو برضه حقك عليا انى اوضحلك انك غلطى وانك ممكن تكونى مش واخده بالك من ده فعلا وارجو انك تقدرى معنى كلامى ليكى واحنا كلنا بنقبل النصيحه ولو شفتى حد فينا غلط فى شئ من حقه عليكى انك تنبيهه ومن حقك عليه انه يتقبل ده) اكيد انتى فهمتينى واكيد برضه انتى هتتصرفى الصح......

انا رأى ان الخلاف حصل وخلاص وبطلب ان همسه تاخد (فرصه تانيه )معانا تقرب لينا من خلال موضوعاتنا وردودنا ........شكراااااااااااااا

انا شايفه يا جماعه ان حكايه التصويت على وقف العضويه دى حاجه مش حلوه خالص مش لمجرد خطأ غير مقصود نكبر الحكايه كده وبلاش نحس كل شويه ان الموضوع يشبه التهديد كفايه اوى الاعتزار
وهمسه فى اول الكلام قالت ان الموضوع سؤ تفاهم بلاش نتصيد لبعض اخطاء وانا طبعا مع وجود همسه فى المنتدى وبارحب بيها

#انا بس حبيت اشكر جنه ,واحب اكتب شكر خاص لايناس ونورا ..
#وكمان بشكرنيرفين علي النصيحه وسعيده بيها جدا ,لان "الدين النصيحه"..
#واحب ارحب بيكم جميعا وشكرا مره تانيه للجميع.

انا شايفه اني همسه غلطت مرتين انها تنزل تهنئه من نفسها بدون الرجوع للادمن
وثانيا انها تبعمل تهنئه من خلال رساله جت لواحده صاحبتها يعني متخصهاش ويا تري العضوه معانا في المنتدي ولا من خارج المنتدي
وانا مش من راي ايناس ونورا في اني الموضوع مش محتاج واحب اقولهم اني ينفع حد ينزل تهنئه او تعزيه بدون الرجوع لصاحبه الموضوع نفسها وكمان محدش بيعمل تهنئه من نفسه والادمن هو اللي بيقوم بالموضوع ده
والكلام عن وقف العضويه مجرد عقاب ادبي مشروع لاي حد يخالف لوائح المنتدي زي ما حصل مع العضو مش انا
في النهايه انا مش بعفي همسه من الغلط ومن راي اني عضويته تتوقف اسبوع علشان بعد كده تحافظ علي الخصوصيات بتاعت الاعضاء وشكرا اني طولت عليكم

انا مع راي ايناس ونورا.
وبما اني سجلت رايي بعد هدي فاحب انبها انها نسيت تغير الاسم في المره التانيه

انا مع بقاء همسه وكفايه انها قامت بالاعتذار وتقبلك النصيحه من نرفين وبعد كده همسه هتظهر اكتر من مساهمتها

انا من راي ندي همسه فرصه تانيه

الموضوع كله كان سوء تفاهم حصل وهمسه اعتزرت ووضحت انه مكنش قصدها
هيه كان قصدها انها تهنى رنا وممكن الادمن يشيل توبيك التهنئه لسوء التفاهم اللى حصل
وندى همسه فرصه تانيه لانه كان غلط غير مقصود