حكاية عاشق

يروى الاصمعى إنه وجد فى البادية حجرا مكتوب عليه :
أيا معشر العشاق بالله خبروا إذا حل عشق بالفتى كيف يصنع
فكتب الاصمعى:
يدارى هواه ثم يكتم سره ويخشع فى كل الامور ويخضع
فعاد فى اليوم التالى ليجد مكتوبا تحته:
فكيف يدارى والهوى قاتل الفتى وفى كل يوم قلبه يتقطع
فكتب تحته الاصمعى:
إذا لم يجد صبرا لكتمان سره فليس له سوى الوت أنفع
وعاد بعدها الاصمعى ليجد شابا ملقى ميتا تحت الحجر وقد كتب قبل موته:
سمعنا أطعنا ثم متنا فبلغوا سلامى على من كان للوصل يمنع

موضوعك حلو سندريلا هو الحب قاتل بس مش لدرجه القتل الماديه ياله الله يرحمه

ميرسى سندريلا على موضوعك .. هو صحيح ومن الحب ماقتل لكن مش للدرجه دى....ربنا يوفقك...شكرااا

جميل جد جدا واكثر من رائع ويا ريت كل الناس تشوف ان العاشق تحول من شدة الحب والعشق لشاعر
بلغوا سلامى لمن كان للوصل يمنع..............
دكتور هانى

موضوعك يجنن يا سندريلا بس يانرفين الحب لو من غير عقل ممكن يوصل للموت وللجنان كمان

بتقولى (من غير العقل الحب ممكن يوصل للموت والجنان) يانورا الحب اساسه القلب هو اللى بتشعرى بدقاته لما بيهاجمه الحب العقل بيظبط بعض التصرفات معنى كده ان اى قصه حب تفشل يبقى من الممكن ان المحب يموت او يتجنن؟؟؟ جميل ده كده الكثافه السكانيه هتنتهى خالص واحوال البلد هتتظبط طبعا ماهو نصف الشعب هيموت والربع لاحول له ولا قوه فى المستشفيات العقليه... معظم قصص الحب بتفشل وبتموت بس موت معنوى اسبابه بتيجى من الغدر والقسوه لكن لو الفشل جه نتيجه ظروف مفهومه وحصل البعد بمنتهى الحب والاحترام الصدمه بتكون اقل .محدش ممكن يموت ولا ينتحر من اجل حبه الزمن اتغير والمشاكل غطت على الحب بدل ما الحب يهون المشاكل.....ربنا يرحمنا .

موضوعك جميل سندريلا بس انا بعترض مع نيرفين على ان الحب عمره ما يموت بس للاسف الى يحب بجد ويتعلق بالى بيحبه ممكن الموضوع يوصل للموت او الجنان بس ده لما بيكون ادى الى بيحبه كل حبه ومش شايف غيره فى الدنيا وفى الاخر يغدر بيه كده بيعتبر حياته انتهت ولو ربنا ما اردش انه يموت صدقينى نيرفين حيبقى عايش يتمنى الموت وكانه عباره عن نفس داخل طالع وملهوش لازمه يعنى يعتبر مع الاموات وده اصعب من الموت نفسه لانه حيتعب الى حواليه كتير وحيبقى محتاج اى لحظه يقربله فيها الموت او بعزل نفسه عن الدنيا ويعيش مع الماضى فى قصه حبه الى فشلت وده ممكن يادى بيه للجنون بس الحالات دى نادرة وصعب انك تلاقى حب كده صدقينى نيرفين موجود الحب ده بس صعب الى يحس بيه لانه بيبقى حاسس بكل ده لوحده ومش حيقدر يحسس حد بيه مهما حصل مشكوره سندريلا موضوعك جميل اوى

انا معاكى طبعا يا توتا ان الغدر فى الحب صعب اوى وممكن يوصل لابشع نهايه بس الحقيقه نرفين فهمت كلامى غلط انا اقصد ان فى حالات بيكون فيها الحبيب عنده علامات الجنان باينه من الاول
زى انه يبدأقصه حب وهو عارف انها محكوم عليها بالفشل لا وكمان يعيش الدور ويتعذب وهو عارف ان اللى بيحبه ولا على باله ويمكن كمان مش فاكر اسمه ايه هو ده الحب اللى من غير عقل

*جميل القصه اوي سندريلا....
*بس المفروض الحب يمنح لناالحياه وليس الموت..........

موضوع جميل يا سندريلا بس اعتقد انة لو اتكررت القصة دى اليومين دول اكيد اكيد كان الفتى المحب كتب فى ردة
يا لهوى اموت نفسى لية
من قلة البنات ولا اية !
مفيش سعاد
تيجى اعتماد
والحب اليومين دول
يا سلام علية
وكان خد بعضة ومشى ولا موت نفسة ولا حاجة
الدنيا اتغيرت
مشكورة سندريلا

ومن الحب ما قتل
مشكوره علي التوبيك

هو فعلا الحب كان ممكن يوصل للموت بس دة كان ايام زماااااان
لكن دلوقتى اعتقد انه كله بيخدع بعض مش فى حب حقيقى
بس موضوعك جميل سندريلا ونتمنى منك المزيد
nourhan

مشكووووووووووره سندريلا علي موضوعك الجميل
وانا متفقه مع نورهان في الراي ان زمان كان الحب شكل تاني
خالص ........