أيهما تفضلون الزواج عن حب أم الزواج التقليدي ؟

Admin عدد الرسائل : 1869 تاريخ التسجيل : 29/05/2008

الحاجة إلى شريك العمر ثابتة لا تتغير ولا تتبذل لكن الطريقة التي نترجم بها هذه الحاجة هي التي تخضع للتغيير والتبديل وحين يتعلق الامر باتخاذ قرار الزوج فاننا نجد أنفسنا واقفين أمام طريقتين لا ثالث لهما يختلفان بقدر ما يتشابهان يفترقان بقدر ما يلتقيان طريق الحب أى الزواج المبني على خيار القلب وطريق العقل أى الزوج التقليدي المبنى على حسابات اجتماعية مدروسة غالبا مايكون للا هل دور فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ فاى طريق ذاك الذي يفضل جيل اليوم أن يسلكوه ؟ ارجو التفاعل من الشباب والفتيات عايز رايكم وبصراحه

والله يا حاتم هو سؤال صعب اوى
لان الجواز ده زى الموت مفيش حد بيختاره
ولكن ان عن نفسى كنت الاول شايفه ان الجواز لازم
يكون العقل هو الاساس فى وان الاختيار لازم يكون بالورقه والقلم
وديما كنت شايفه ان الزوج هايكون اب وعلشان كده لازم اختار اب كويس
وظروفوا الماديه مناسبه
لكن بقه مع وجود الحب كل شىء اتغير ولاقيت نفسى بحب من غير اى سبب
وعندى استعداد اتجوز بأقل الامكانيات .........بجد االزواج عن حب ده احسن
شىء فى الدنيابس لازم يكون الحب متبادل
وعموما زى ما قولت فى الاول انا شايفه ان فى حاجات فى حياتنا
خارج اى قرارمننا زى الحياه والموت والزواج كل دى حاجات بتحصل من غير اختيار
بنحب ناس ونفراقهم وما بنحبش ناس ونضطر نعيش معاهم
زى بنموت من غير ما نختار ونتولد من غير ما حد يسألنا

انا رأيى انه مش موضوع تفضيل ده قدر ومكتوب من قبل وجودنا فى الدنيا.......
لكن انا كان رأيى الأول ان الزواج عن حب اقوى لأنه الحب يجعلنا نتحمل كل الصعاب...
لكن مع الوقت ولما تفهمت الحياه شويه اتغيرت نظرتى وتفكيرى لأن الزواج والعشره شئ غير الحب خالص انا مع حبيبى كام ساعه فى اليوم ..وكام يوم فى الاسبوع ...مفيش الخلطه والعشره اللى تخلينى اتفاعل اوى فى حياته...
بعد الزواج العشره والخلطه وضغوط الحياه بتبين الطباع بل وبتصعبها فتصبح الصوره مختلفه عن ما كانت...تحدث الخلافات وممكن الصدمات توصل لليأس او الفشل فى بعض الحالات.......
لكن الزواج التقليدى زواج عقل ...اقتناع عقلانى بشخصيه وظروف وبعد الزواج تظهر الطباع التى لم تعرف عنها اى شئ فلابد من تقبلها او التفاهم فى تعديل مشترك بين طباع الزوج والزوجه لأن الهدف هو بناء اسرة...والحب هنا حب عقلانى اى حب عشره واتفاق ..طباع جديده مهيئه لها لكن غير مصدومه بها...فأنا رأيى ان الزواج التقليدى أصح....
وان كان اى منهم سواء زواج عن حب او زواج تقليدى أى منهم معرض للفشل او النجاح...هذا قدر من المولى......
والأنسان لايأخذ سوى المكتوب له.....
ميرسى على موضوعك جداااااا........ربنا يوفقك...............شكراااااااااااا

الزواج عن حب شىء مطلوب والتعقل فى الزواج شىء اكثر من مهم ويجب ع كل انسان وانسانة محاولة الجمع بين الطريقين بقدر الا مكان فمن لا يصلح زوجا لا يصلح حبيبا وكذلك من لاتصلح زوجة لا تصلح حبيبة وعموما تكشف الايام والعشرة بعد الزواج صحة الاختيار وذلك من طبيعة الامور لانه لايمكن ان ينجح الانسان او يفشل الا اذا خاض التجربة ودخل المعمعة وربنا معانا كلنا ونحسن اختيار شريك الحياة

**سؤال مهم ادمن .........
**وردك حسام جميل وانا متفقه مع رأيك........

سؤالك مهم اوى ياحاتم وانا سالته لابو حنفى قبل كده
بس خلينا نكون واقعين اكتر فى ناس تقول لأ مفيش حاجه اسمها حب واول ماتقع فى الحب تقول لأ ياجماعه المفروض ان يكون الجواز مبنى على حب
وفى ناس بتحب ولما تفشل فى حبها تقول لأ مفيش حاجه اسمها حب وكله وهم والجواز التقليدى هو اللى بيدوم علشان كده انا شايفه ان دى مساله نسبيه لكن اهم حاجه ان كان فى حب او مفيش انه لابد من وجود التكافؤ فى كل حاجه وبالذات تكافؤ الافكار لازم يكونوا تفكيرهم واحد او قريب من بعض علشان ميتعبوش مع بعض وده طبعا بيبان اكتر فى فتره الخطوبه
لكن فى الاخر كله نصيب والجواز عامل زى البطيخه حب او تقليدى محدش عارف مين اللى هيستمر

» رد على اخى الحبيب مندى على رده فى (هل الخيانه احياناتكون افضل من الزواج)( فائده الزواج ) من ابو حنفى
» افتني في هذا :ما هو الحكم الشرعى فى الزواج العرفى أو الزواج .....
» من غرائب الزواج في نيجيريا الإنجـاب أولا ثم الزواج
» أيهما أصعب خيانه الحبيب أو خيانه الصديق
» قبل الزواج وبعد الزواج