بالـهــــنـــــــــــا و الـــــشـــــــفــــــــــــا( طبق اليوم نرفين 6)

السلام عليكم ورحمه الله وبركاته
انا ماليش دخل حاتم اللى طلب منى انى اقدم لكم طبق اليوم
لوحد تعب يبقى العيب فى التنفيذ انا قلت من اولهااااااا

انا هقولكم النهارده كيفيه عمل الأرز بالخلطه والفراخ المحشيه والكشك والملوخيه وشوربه لسان العصفور.
نبدء اولا بالفراخ المحشيه لأستخدام شوربتها:
1- تغسل الفرخه جيدا وتدعك بالملح والليمون من الخارج والداخل لأزاله اثار الزفاره ثم توسعى باستخدام يدك والماء بين الفرخه والجلد لكى تتمكنى من حشوها.
2-اضربى بصله كبيره فى الكبه ثم ارفعيها على النار مع معلقه سمن كبيره وضعى عليها كوب ارز بعد غسله واضيفى لهما الملح والفلفل الاسمر وقليل من البهار وقليل من القرفه والقرنفل المطحون وورق لورى على حبهان مطحونين وقلبى جيدا ثم اضيفى قليل من الماء ليتشربه الارز وابدئى فى حشو الفرخه به
من الداخل ومن المناطق التى وسعتى لها بين الجلد واللحم ولا تكترى من الأرز حتى لا يخرج منها عند السوا ثم ارفعيها على النار.
3-حمرى لسان العصفور واضيفى له عندالتحمير قليل من ورق اللورى والحبهان المطحون مع فص مستكه تركى ثم اسقيه الشوربه واغلقى عليه عند اول غلوه ولا تكشفى الغطاء حتى يستوى مع البخار المكتوم .
4-بعد تنظيف الملوخيه وغسلها وخرطها ضعى عليها قليل من الشوربه وقلبى وزودى عند الحاجه حتى تحصلى على القوام المناسب لها وارفعيها على نار هادئه ثم ضعى فى طاسه صغيره ملعقه كبيرة سمن وملعقه ثوم مفرى وملعقه صغيره كزبرة ناشفه وحمريهم جيدا ثم ضعيهم على الملوخيه .
5-لعمل الكشك اسلقى نصف كوب من الارز فى الشوربه وضعى الملح والقليل من الفلفل الاسمرحتى يستوى تماما ثم ضعى كوبان لبن عليهم حتى الغليان ثم دوبى ملعقتان من الدقيق فى نصف كوب من الشوربه أو اللبن وقلبيهم جيدا واضيفيهم للكشك مع التقليب المستمر حتى يصبح متماسك القوام..ان كنتم تحبون التقليه على وجه الكشك فقومى بتحمير بصله مفرومه فى معلقه سمن وحمريها جيدا ثم انشليها على ورق زبده على مصفاه حتى تصفى من الزيت وضعى السمن فوق الكشك ليعطى له طعما.
6-الأرز بالخلطه:حضرى اولا المكسرات وكسريها نصفين ثم ضعى السمن على النار وضعى فيها المكسرات لتحميرها ثم انشليها من السمن وضعى معلقه كبيره من السكر لو الكميه كيلو ارز وحمريها جيدا ثم ضعى الأرز وقلبيه جيدا فالسكر هو الذى يعطيه اللون البنى ولا يؤثر على طعمه ثم ضعى الملح والفلفل الاسمر وقليل من القرفه والقرنفل المطحونين ثم سوى الارز..
احضرى نصف كيلو من الكبد والقوانص (لو الكميه كيلو ارز)وقطعيهم قطع صغيره ثم ضعى سمن على النار وضعى القوانص اولا تحمر وقلبيها جيدا وضعى الملح والفلفل الاسمر والبهار وورق اللورى والحبهان المطحونين وقلبيها ثم اتركيه على نار هادئه تنزل مائها وتشربه حتى تدخل فى السوى ضعى عليها الكبد وقلبيها واتركيها حتى السوى وتذكرى ألا تضيفى لها ماء او شوربه اجعليها جافه لاتملك سوى السمن
ثم اتى بسلطانيه شيك او قالب جيلى كبير وضعى قليل من المكسرات وقليل من الكبد والقوانص وفوقهم الأرز وساوى شكل السلطانيه او القالب ثم ضعى فوق منه الطبق المسطوح واقلبيه عليها حتى يصبح شكل الطبق جميلا ولاتنسى شريحتين من الخيارالمقطع بزاويه وشريحه من الخس وقليل من المايونيز بجانب الطبق لأعطائه الشكل الجمالى ولأن البعض يفضل المايونيز فوق الخلطه...
وبألـــــــــف هــنــــــــــــا وشـــــــفـــــــــــا

ملحوظه (لو حد تعب عيب تنفيذ ماليش دخل)

(الـــــــــــــحـــــــــــــــلــــــــــــــو)
بـــــســـــــــبــــــوســـــــــــه بـــــالـــــــــقــــشــــــطـــــــــــه:

احضرى كيس حلو الشام وافرغى محتوياته فى طبق وضعى عليه 3 ملعقه سمن كبيره وكوب زبادى كبير وقليل من اللبن ثم اخفقيهم جيدا ثم ضعى معلقه دقيق ابيض كبيره لكى تتماسك البسبوسه بعد السوا فلا تصبح لينه عند التقديم .
ادهنى صينيه متوسطه الحجم سمن وصبى البسبوسه فوقها وضعيها فى درجه حراره متوسطه حتى السوا

شربات البسبوسه كوبان من السكر على كوب ونصف ماء مع قليل جدا من الفانيليا واول مايتم الغليان اقفلى عليه ولا تتركيه يتقل ثم اسقيها فور خروجها من الفرن
ولا تتركيها حتى تبرد فلو بردت لاتشرب الشربات..وبعد ان تبرد قدميها فى الأطباق مع تجميلها بالقشطه....

بألف هنا ويارب اكون قدرت أفيدكم
كـــــــــل ســـــــنــــــــــه وأنــــــــــتــــــم بألــــــــف صــــــحـــــة وســــــــــعــــــادة وخــــــــيـــــــر
شـــــــــــــــــــكــــــــــــــــــــــــــرااااااااااااااااااااااااااا

الحقونى بااهل الخير الخقونى

بطنى اه هاتو الاسعاف وكمان المطافى تطفىء النار اللى جوة معدتى

وهاتو الحكومه لنيرفين
000000000000000

بجد هااعمل كل اللى انتى قلتى عليه وانا ونصيبى اما ابعت لك ربع جنيه واما مهاب يدعى عليكى

وليكى كل الشكر على مجهودك

نور

هههههههههههههههه
كده برضه يابوحنفى........
عملتها يانـــــــــــــــور..ههههههههههههههه
لأ اعمل لنفسك بس وسيبك من مهاب والنبى عدت على خير أكله معاك بألف هنا...
لو بعد الشر معدتش أفتكر عيب تنفيذ ماليش دخل......هههههههههههههه

تسلم ايدك يا نرفين ريحه الاكل تجنن
ده انا من اول مادخلت المنتدى
وانا شامه ريحه الملوخيه
بجد خلتينى عايزه افطر قبل الادان
بس هو فى حاجه عايزه اسألك عليه
عربيه الاسعاف اللى على الباب بره
دى بتاعه مين دى راحه جايه تشيل فى الاعضاء
بتوع المنتدى انا كنت بحسب حاتم اشترها وهايشغلها
اجره لاعضاء المنتدى بدل التوك توك
بس لاقيت مازن صوته طالع منها وبيقول
منك لله متعرفيش يقصد مين ؟؟؟؟؟؟؟؟؟

هههههههههههههههههههههههههه
انا قلت من الأول لو حد تعب يبقى عيب تنفيذ
يستاهلوا حد قالهم يخلوكى تـــــنــــفــــــذى......
وسمعتى ماااااازن قال منك لله ومسمعتيش لما قال يا نورااااااااااا.......
ورينا شطارتك ياقطتى بس انصفينا والنبى مره...مش هيبقى عملى ونظرى كمااااان
ربنا معاك ياللى فى بالى.....

احلى ما فى الاكلة ان فيها فراخ ولسان العصفور انا بحبهم اوى انا ضعيف قدامهم تسلم ايدك نرفين بجد اكلة جنان خالص

يسلم ايدك ياحبيبة قلبى طبعا انتى ست بيت قبلنا فاحنا هنتعلم منك بقى ونبقى واثقين ان الاكل مضمون هيطلع جميل
بجد انا كان نفسى اعرف طريقة السمبوسة بس انا بحبها اكتر باللحمة المفرومة
ميرسى ياقمر

**وصفك دقيق نيرفين ومنظم......
**وتسلم ايديك .............

مشكووووووووووووووووورة

» مسابقه من انا 5( العميل نرفين)
» رساله الي المشرفه نرفين
» حكمة اليوم زى مطباخ اليوم كده
» طبق اليوم (1- رنا :2- سحر:3-سماح:4-روني:5- ملك)
» حكمة اليوم زاى مطباخ اليوم كده