فارس احلام ولا الاوهام

زمان , و الله عال و بقيت اقول زمان,المهم زمان ايام الثانوى و كنا بنات بس , و انتوا عارفين البنات, كان فيه سؤال مهم اوى, وقتها طبعا ,المهم تانى كان السؤال " ايه مواصفات فارس احلامك؟؟؟" لو كان جه فى بالى كنت قلت " عاىزاه بانتيوم 4 مثلا او ممكن عايزاه بالشكولاته !!!!! هو فى كل الاحوال ردى معجبش

اولا مفيش حاجه اسمها فارس احلام دلوقت الا لو ولحدة عايزة تحب واحد عربجى , بحكم ان عنده حما .. قصدى حصان و حتى دول مبقوش متوفرين
ثانيا موضوع الاحلام داه مش مضمون , ممكن يقلب بكابوس و هى مش واخدة بالها

اى حد طبعا حايقرا الكلام داه حيقول " هى البنات جرى لها ايه؟؟؟ يا ساتر خلاص مبقاش فيه رومانسيه !!!"
بص بقى اى واحده حتبقى عايزة واحد فيه كل الصفات الكويسه , يعنى مفيش حد حيتمنى حد فيه عيوب و داه فى المشمش طبعا فاكيد حاقول " ممممممممم عايزاه طيب و حنين و امور , احمد عز مثلا ااااااااااااااااه, دي تنهيدة على الماشىكده, و غنى و طويل و رومانسى و كريم , يا سلام لو كريم عبد العزيز الخ الخ الخ ........ لكن طبعا فى الواقع الاليم اللى احنا عايشينه مفيش حد مالوش عيوب فيا حرام البنات , و الرداله طبعا, دايما بينسوا موضوع العيوب داه, كلنا لينا مميزات و عيوب ,ماعدا البنات طبعا مميزات و مميزات,احنا كلنا بنى ادمين لا فرسان ولا ملايكه , مش لازم الصفات تبقى واحده احب اللى تحبه و اكره اللى تكره , و على و على اعدائى , مينفغش اقول عايزاه كذا و كذا و كذا , بس فيه حاجه اسمها هارمونى , انسجام فى التفكير , التصرفات مهما اختلفت الصفات و العيوب



,
داه بينقلنى , حلوة بينقلنى ديه,لحاجة اسمها
( soul mate)
مش عارفة مش بحسها بالعربى
فين ناس بتصدق و ناس لأ و ناس معندهاش فكرة اصلا . تفتكروا فيه حاجة اسمها فعلا ( رفيق روح )؟؟؟؟ المفروض
تدور عليه ولا تستناه؟؟؟و لا انتوا الاتنين تدوروا على بعض ؟؟؟ فيه ناس تقول " انا عارف انه موجود و حاسس بوجوده بس مش شايفه و اكيد حاقبله , معرفش شكله و لا اسمه و لا صفاته و لا طبعه بس عارف انه موجود و هو داه اللى حيكملنى , وجودى مش حايكمل الا بيه " على الجانب التانى فيه ناس تقول " ايه العبط داه!!! خليك مستنى "

زى ما فيه فكرة ممكن تسيطر عليك و تحركك و بتاخد خطوات على اساسها, فيه احساس كمان ممكن يسيطر عليك بس المشكله انك بتبقى تايه لانه مجرد احساس مش حاجة حقيقية شايفها , فيه ناس عايشة بالاحساس داه , تفتكروا داه عبط رسمى؟؟؟؟

و فيه ناس تالته تعبانين , الاحساس مسيطر عليهم بس دماغهم مش قابل الفكرة حاسس ان فيه رفيق لروحه بس و بعدين حافضل مستنى لامتى يعنى ؟؟؟

نسيت اقول ان في ايه فى القران فيما معناها ان ربنا خلق من كل نفس زوجها لتسكن اليها و جعل بنهم المودة و الرحمة و السكن , تفتكروا
ده اللى بنقول عليه
soul mate
؟؟؟ ...............

ممكن يامايا يكون هو
بش موضوعك جميييييييييييييل جدا وواقعى
مشكوووووووووووره

موضوعك جميل جدا يا مايا بس انا عايز اقولك على حاجه انا شايفك لسه صغيرة جدا وانتي ممكن تعيشي قصه حب في السن ده ولما تكبري هتلاقي نفسك بتتغيري وهتقولي ازاي انا كنت بعمل كده انا اللي شايفه انك تخلي بالك من مذكرتك ومستقبلك وان شاء الله فارس احلامك هتشوفيه في الجامعه ان شا الله بتمنالك التوفيق