رأى بنوتة فى مواصفات فارس احلامها

لكل بنت لهامواصفات فى فارس احلامها او الشخص اللى بتتمناه انه يكون شريك حياتها
فى بنت تقول انا عاوزاه عنده عربية وموبايل وفيلا ياما كده ياما بلاش
وفى بنت تقول انا ميهمنيش المظاهر احنا بنشترى راجل عاوزة شبكة بكذا وعفش بكذا ولازم يجى من دمياط وفرح فى المكان كذا عشان صحابى عاملين فيه افراحهم بالذمة ده كلام .
وانا من رايى كبنت ان كل ده كلام فاضى ومظاهر كدابة لا تودى ولا تجيب هى بتتجوزه هو ولا الفيلا والعربية اهم حاجة التوافق النفسى والارتياح القلبى .
وانا بصفة شخصية مواصفات فارس احلامى انه يكون متدين ومستوى ثقافته زى مستوى ثقافتى او اعلى انما اقل لاء طبعا وومستواه الاجتماعى زى مستوايا الاجتماعى .
اما من ناحية المستوى المادى انه يكون عنده طبعا عمل له دخل دائم ويعيشنى عيشة تكون عيشة كريمة لى ولاولادنا ان شاء الله.
اما من ناحية الشكل يكون شكله مقبول لى بحيث اشوفه احس ناحيته بارتياح قلبى .
ده كان رايى الشخصى ومستنية اى رد او تعليق وياترى اللى بقوله ده فعلا اللى بيحصل ولا لاء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا بشكرك على رايك الايجابى ده وفعلا لو كتير من البنات فكرت بالشكل ده هتتحل مشاكل كتيربين كل اتنين ممكن يكون بينهم مشروع الزواجواتمنى يجى اليوم اللى تتحل فيه مشاكل الزواج فى مصر وتبقى مصر كلها متجوزين عشان ربنا يكرمنا ونكتر كمان وكمان

رايك جميل ياحنين وانا متفقه معاكي علي نفس الراي
واهم شئ طبعا هو التدين والاخلاق كما قال رسول الله :
"اذا جاءكم من ترضون دينه فزوجوه"

انا معجبة جدا برأيك يا حنين وربنا يرزقك الزوج الصالح الذى يعينك على الطاعة دايما وكمان يكون ميسور الحال علشان يكثر من العطاء والصدقة ويزداد معة ميزان حسناتكم باذن اللة.ايناس

انا كمان بتفق معاكى فى الراى ياحنيين مش فى كل حاجه نحط الماديات قدمنا ونقيس عليها شخصيه اللى قدمنا فى حاجات كتيره تانيه لازم ناخد بالنا منها زى مانتى قلتى التدين والثقافه والاخلاق والاحترام وانه يكون انسان طموح وعمر ما الماده لوحدها كانت سبب رئيسى فى ان حد يبنى بيت سعيد ولو على سؤالك ان دا بيحصل ولا لا فدا فعلا وللاسف بيحصل كتير

على فكرة رايك فى كلامك حنين جميل وصحيح
لازم الشخص الذى سوف ترتبطين بة يكون فى نفس مستواك الفكرى مش اقل
ومستوى مادى مقبول فى العيش

:

انا من رايك حنين في مواصفات فارس الاحلام
مشكوره

اهم حاجة فى فارس الاحلام انه يكون مخلص ومتدين ومحترم وانه يكون بيحبنى علشان يخاف عليا بس الماديات بتبقى مطلوبه بس مش بالشكل دة يا حنين لانك بتبقى عايشة فى مستوى مش هتعرفى تتاقلمى على اققل منه بس صدقينى الفيلا والعربية عمرهم ما بيجيبوا حاجة غير المشاكل وكترة الفلوس اساسا

nourhan

علي فكره ده راي كل البنات

واهم شئ طبعا هو التدين والاخلاق
مشكووووره

موضوعك جميل حنين
وانا من ضمن الاراء اللي بتايد اني اهم شئ طبعا هو التدين والاخلاق

مشكوره

فعلا يا حنون كلامك صح بالنسبة للفيلا والعربية كل دى حاجات هتروح مع الزمن وهيفضل الشخص اللى انتى اختارتية اى نعم لازم يكون فى توافق فى المستوى الاجتماعى والثقافى عشان يقدروا يفهموا بعض لكن مش لازم الغنا الفاحش اوى دة وبالنسبة للشكل يكون مقبول مش جميل بس لو جميل ومش مقزز يعنى

انا معاكى ياحنين فى الى قولتيه بس انا معايه كليه اداب وخطيبى معاه دبلوم وانا حاسه اننا فاهمين بعض هوه اى نعم ساعات بنتشاكل بسبب ساعات يفتكر انى اظهر انه قلل منى يفهمنى فهم غلط بس بنتجاوز ده وكفايه انى حاسه انه بيحبنى وبيخاف عليه ومتدين بس انا باحس دايما انه عنده ثقافه عاليه جدا والحمدلله وطبعا الماده شئ مش ببصله اشاشا لانه فانى وشكرا حنين على موضوعك الجميل

طبعا انا معاكى جدا
بس زى مقلت فى فتاه الاحلام
ياريت يكون هو ده فعلا اللى انتى ناوية تختارى بيه
مش كلام وبس

كلام جميل جدا وعجبني طريقه بنت نفسها في انسان يكون متديين عشان الزمن اللي احنا فيه ده البنت بتطلب فارس احلامها يكون مبسوط ويكون معاه فلوس ده تفكير معظم البنات رغم ان ممكن اللي يكون غني ممكن يبص بره لكن الانسان المتواطع اللي ممكن يخليكي سعيده وفرحانه مش بلغنا لا المهم يكون بيحبك وبيخاف عليكي زي نفسه بتمنالك التوفيق مع شريك حياتك