تعالوا نجرب الصراحه دقيقه!!!!

اكيد كل واحد فينا عنده عيب فى شخصيته
بيحاول كتير انه يغيره وبيفشل وفى ناس كمان
بتيأس من انها تعرف تغير العيب ده وتعايشت معاه
وعملت نفسها مش واخده بالها منه لاوكمان ممكن
تحسبه من المميزات مثلا اللى عصبيته زياده
بيشوف ان ده رد فعل طبيعى والانسان البارد
بيشوف ان ده هدؤ وعقل بس انا شايفه ان
الانسان الطبيعى لازم يعترف بعيوبه حتى لو
مش عارف يغيرها
ايه رأيكوا لو كل واحد فينا يعترف بالعيب اللى فى شخصيته
ااه بس ياريت بلاش الناس بتاعه انا عيبى طيبه قلبى وحنيتى والعيوب اللى يارب تكون فينا كلنا
ها هانقدر نعترف بعيوبنا الحقيقيه

جميل يا نورا موضوعك بتدعى بيه للوقفه مع النفس والاعتراف بالعيوب بس فيه ناس كتير مش بتشوف عيوبها وناس اكتر مبتعترفش بأن ده عيب......ربنا يهدى الجميع انا رأيى ان الانسان البصير بعيوبه هو اللى بيبقى عنده الاستعداد لمعالجتها....والانسان لازم دايما يتقبل المواجهه من الاخرين له بعيوبه مادامت المواجهه بعيده عن التجريح انا بعتبر ده حب من الاخرين......
انا بقى اشد عيوبى واللى بحاول على اد ما اقدر انى اعالجها لكن برضه الطبع بيغلب فربنا يساعدنى بقى ويقوينى..... عصبيتى الشديده وعدم تحكمى فى نفسى وقت انفعالى ربنا يعفى عنى .....وحساسيتى الزياده وده شئ مش حلو لانى بفسر الموضوع غلط باخده بحساسيه جامده ممكن تخلينى اغلط فى حكمى بس انا حاولت والحمدلله اتغيرت شويه ادعولى بقى اتغير اكتر من كده .......انتى بتقولى يا نورا ياريت محدش يقولى الطيبه والحنيه دول مش دايما بتكون صفات كويسه دول اضرارهم اقوى لان الطيبه والحنيه بتجيب وراها الخيبه فى الزمن ده بتتفهم غلط وتتفسر غلط والمصايب والتجريح هما اللى بيجى من وراهم بس برضه انا رأيى وهو ده اللى انا تعلمته وبقيت امشى عليه فى حياتى انى اعامل ربنا من خلال الناس ماليش دخل بنوايا اللى بكلمهم اتعامل بضميرى انا ونيتى واحتسب عند الله .....ميرسى يا نورا على موضوعك...ربنا يوفقك...........شكرااااااا

انا عيبى اولا العصبية ودة عند كل الناس بس فى حاجة تانية
انى بتخدع فى اللى قدامى ودة بيحصل كتييييييير
nourhan

انا من عيوبى انى عصبيه ووقت عصبيتى بغلط بسرعه
وعيب تانى الخجل الزايد عن اللزوم
ميرسى يا نورا على موضوعك الجميل ده...........

موضوعك جميل جدا اجمل شئ فى الدنيا ان الانسان يعترف بعيوبه
وانا من عيبى عدم تحمل القرارت
الطيبه الزائده مما يؤدى الى الخداع
العصبيه الزائده
والله اعلم (اللهم انت اعلم بما فى نفسى ولنل لااعلم بما فى نفسك)

بصى يانورا انتى عارفه ان مفيش انسان كامل والكمال لله وحده عز وجل وطبعا فى كل انسان عيوب كتيرة
طبعا يانورا انا عيوبى كتيييييييييييير بصى ياستى
انا عصبية جدا جدا جدا وكل حاجة بخدها على اعصابى لدرجة انى لما بتعصب عينى بترف وايدى بتترعش ادعيلى ربنا يشفينى يانورا، وبعدين حساسة جدا لدرجة تخنق ، مترددة جدا فى كل حاجة ،صوتى عالى جدا خصوصا لما بتعصب محدش بيقدر يهدينى وبينى وبينك بابا مخنوق منى بسبب الصوت العالى،وكمان غيورة جداجدا على اللى بحبهم اوى سواء كان فى الحب او على صديقاتى بس المقربين اوى ليا
بس يانورا كفاية كدة لحسن قربت اكره نفسى

مشكووووووووووره نورا علي الموضوع الرئع
فعلا كل واحد فيه عيوب وانا اكتر حاجه مش بحبها فيا اني بسكت
ومش بتعصب بالعكس انا دايما ساكته والكل بيعتبره ضعف مني
لكن انا بفضل السكوت ودمعتي قريبه مني جدا لدرجة العشق
ولما بضايق باخد قرارات كلها غلط في غلط وبحاول اقنع نفسي انها صح
واتمني اني اعالج الموضوع ده مع اني ماعتقدش انه ممكن يتغير

هو برضو كان المفروض انا اللى ابدأ واقول على عيوب شخصيتى
انا بقه عصبيه اكتر منك بكتيريا سندريلا وكمان بغلط جدا وانا متعصبه يعنى ممكن فى الوقت ده اخسر اى حد المشكله بقه انى كمان مش سهل اعتذر لاى حد حتى لو كنت متأكده انى غلطانه
العيب التانى بقه انى متردده جدا واصعب حاجه فى حياتى انى اخد قرار حتى لو كان القرار مش مهم او مش هايفرق معايا كتير ............ وكفايه فضايح كده بقه هو مين اللى فتح الموضوع ده ؟؟؟؟
واضح يا جماعه ان الشباب اللى فى المنتدى خايفيين يقولوا عيوبهم اصل بعيد عنكم
عيوب الرجاله دى بتبقى بلاوى اللى بخيل واللى عينه زاغيه بصراحه حاجه تكسف
وليهم حق ما يتكلموش

» اصعب 12 دقيقه فى حياتنا
» تعالوا