تعالوا

تعالوا نغير الدستور
ونكشف عورة المستور
ونعشق شكلنا فى النور
ولو طالت ليالينا
***
تعالوا نهدم الأسوار
ونهزم دستة الأشرار
ونضرب نفسنا بالنار
إذا كان العطب فينا
***
تعالوا نرفع التكليف
ما بين العدس والروزبيف
ونجمع شملنا فى رغيف
نضيف من قمح ماضينا
***
تعالوا خطوتين قدام
نعوض غفلة الأيام
ونرفض صحبة الأنعام
ولو كانوا أهالينا
تعالوا نسأل الجلاد
يغادر أرضنا بميعاد
ومين فات لجل وشه بلاد
يعود يصلح أراضينا
***
تعالوا نحتمى بالله
ونسعى للسبب مسعاه
ونسأل نفسنا مين تاه
وناخد إيده فى إيدينا
مدحت أنور نافع

**كلمات فيها تحفيز كبير للهمم ,,بس ازاي نعمل ده ؟؟؟
**والمقطع الاخير جميل ......
-تعالوا نحتمى بالله
-ونسعى للسبب مسعاه
-ونسأل نفسنا مين تاه
-وناخد إيده فى إيدينا
**شكرا ابو حنفي........

مشكور ابو حنفي علي الخاطره الرائعه

رائد عدد الرسائل : 269 تاريخ التسجيل : 05/07/2008

مشكور ابو حنفي علي الخاطره الرائعه

شكراااا نور قصيده رااااائعه

» تعالوا نجرب الصراحه دقيقه!!!!