حوار بين الجد والحفيده 2

الحفيده: ومين الست دى ياجدو؟؟
الجد:فىحد ميعرفش الست نانسى عجرمطبعا
الحفيده : وبعدين
الجد:وبعدين كنا نسمع على حاجه اسمها اسطوانات الليزر و دى صحيح انقرضت بس كان ليها طعم عن دلوقتى ياسلام لما كنا نحطها فى الوكمان ونعلقه فى حزام البنطلونونمشى فى الشارع كده كانت ايام جميله
الحفيده: حكاويك ممتعه اوى ياجدو وبعدين؟
الجد:احلى ايام بقى كانت ايام الدراسه الفصل كان على ايامنا رايق وعدد التلاميذ فيه ما يزيدش عن 60 او70 تلميذ وكنا ساعتها بنعرف نفهم الدرس كويس مش زى دلوقتى وكانت الشوارع فاضيه لان مصر كلها كانت 70 مليون تخيلى الروقان؟؟؟
الحفيده:70مليون بس؟؟
الجد:امال ايه؟؟عشان كده كانت كل حاجه رخيصه يعنى مثلا كان كيلو الحمه يوم مايضربه الدم يبقى ب45جنيه وكان اتخن جوز جزم ب250 جنيه وكان الواحد يقدر يشترى شقه ب350 الف جنيه بس....
الحفيده: ماهو علشان كده الجواز عندكم كان سهل خالص
الجد:امال ايه الواحد كان بمجرد انه يوصل 35سنه يبدا يفكر فى الجواز على طول يابنتى احنا ايامنا كان البنت لايمكن ان تتاخر عن 4 صباحا ده باباها كان ممكن ساعتهايخاصمها
الحفيده:ده انتو كنتم متزمتين جدا يا جدو
الجد:يابنتى احنا اتربينا عن العادات والتقاليد والاخلاق الحميده...يعنى كان الواحد منالما يدخل اسانسير ممكن يفكر يسلم عليه او حتى يساله عن احواله
ولا المذيعات كانو يقعدو جنب الضيف مش على رجله زى دلوقتى..هييييييييه الله يرحم دى ايام.
(نحمد الله اننا من ابناء هذا الجيل وليس جيل2080)