لماذا يخجل الرجل من هذا الاشياء..........؟؟؟

لــمــاذا يــخــجــل الــرجــل مــن هــذه الأشــيــاء؟؟

[ دعوة للنقاش]

يعزف الرجال عادة عن الأاعمال المنزلية أو مجرد المساهمة فيها ،
بل يتعدى الامر بالبعض منهم الى درجة أنه يعتمد اعتمادا كليا على الأنثى الموجودة في حياته سواء كانت أما أو أختا أو زوجة ....
ما هي أسباب ذلك العزوف ؟!

وهل تتنافى الاعمال المنزلية مع منطق ___الرجولة ______؟!

هل نفسية الرجل وقدراته الجسمية مصممة بحيث يكون صالحا لكل شيء ما عدا خدمة نفسه منزليا ؟!

لقد كان رسولنا عليه السلام يخصف نعله ويرقع ثوبه ويكنس بيته

وهو سيد الخلق والمسلمون اطوع اليه من بنانه ،
وهذا يدل على عدم تنافي الخدمه المنزليه ومنطق الرجوله
او قدراته النفسيه او الجسمانيه .

في عصرنا الحالي قد يكون وجود الخادمات في المنزل سبب في اتكالية وكسل الشباب بل وحتى الفتيات ،
ولكننا مقبلون على ايام صعبه قد لاحت في الافق بوادرها ،
فمستوى المعيشه اصبح اعلى مع ثبات مستويات الدخل .
الحصول على وظيفه اصبح اصعب ، والاجور المعروضه منخفضه .
اذا اصبح لابد من مشاركة الزوجه في تكاليف الحياه ،

في هذه الحاله هل الرجل على استعداد للتنازل عن كبريائه
والمساعده ولو بالشئ القليل !!؟؟

هل لديه الاستعداد للدخول الى عالم المرأه ومشاركتها في اعبائها المنزليه ؟

ام انه يتوقع ( مثل عادته ) ان يكون التنازل من طرف واحد ( طبعا هي المرأه )""؟؟
شكرا لكم جميعا نرجوه المشاركه

للاستفاده وتوضيح الامر

منقول من اجلكم

وشكرا

رائد عدد الرسائل : 272 تاريخ التسجيل : 30/05/2008

انا معاكى فى دعوة الرجل لدخول المطبخ وانه يقوم بواجبات المنزل بس ده محتاج طول بال وشوية صبر ونفسى بجد كل الرجالا يشاركو المراة فى اعمال البيت علشان المفروض ان بينهم حياة مشتركة ولازم كل واحد يساهم فيه ومشكورة على موضوعك

انا معاكى جدا فى الموضوع ده بس المشكله اننا بنتكلم لكن فى نفس الوقت مش بناخد موقف يعنى الزوجه ممكن تكون بتعانى مع زوجها لانه مش بيتعاون معاها فى البيت ولكن فى نفس الوقت بتعود ابنها انه مش المفروض يساعد وان اعمال المنزل من اختصاص اخواته البنات الست هى اللى بتربى الرجل لانها هى امه واحنا مع الاسف بنربى غلط

انا راي في الموضوع ده انه بيختلف حسب الوضع القائم بين الزوجين
لو علي فرض ان الزوجه بتشتغل زيها زي الرجل ممكن الزوج يساعد زوجته في الحاله ديهويدخل المطبخلاني الحياه تعاون
لكن لو الزوجه مش بتشتغل يبقي من البديهي اني الزوج ملوش دور في المطبخ
مشكوووووووووره

المشاركه من الرجل بكل المقاييس رائعه بتعطى جانب لطيف واحساس بالحنيه بمعنى مساعده الابن لوالدته فى المطبخ دى حنيه منه عليها.....ومساعده الزوج لزوجته دى برضه لمسات حب وحنيه مش لازم مشاركه الزوج تبقى يطبخ لا بس يكفى انه يقف معاها فى المطبخ مشاركات خفيفه تشعرها بحنيته ورغبته فى مشاركته ليه ....بصراحه صعب على الست المصريه تسيب زوجها يطبخ وهى موجوده حتى لو بتشتغل لالالالا صعب بجد ..ياجماعه الرجل رجل المشاركه البسيطه ايوه لكن طبخ لا...
وعن المساعده فى اعمال البيت كنس وكده لو هو حب يساعد زوق وحب منه اوكى لو الزوجه تعمل ..لكن لو ربه منزل يساعد ليه لومش عندها سبب ؟هو هيشقى بره وجوه لا حراااااام لكل فرد دوره فى الحياه....ده رأيى اللى لا اقبله على اخويا ولا زوجى.... ميرسى ياقمر على موضوعاتك الجميله

متشكرة على ردروكم وتفاعلكم مع موضوعي بس يعني انا طرحت الموضوع ده شوية عشان في رجالة بتحسس ستاتها انهم جايبينهم عشان يشتغلوا زي الخدامات وبتأسف عالكلمة بس ده الواقع لانهم ولا حتى بيشيلوا حاجة من الارض وحلوا التفاهم بين جوزين وانا ماقلتش في كل حاجة بس يعني يحسسها بكيانها شوية ويارب تكونوا فهمتوا قصدي ومتشكرة مرة ثانية

*هو ممكن الموضوع ببساطه لان البيت مملكه المراه وهي المسئوله عنه ............
*اما الرجل فمسئوليته خارج البيت وصعب نزود ضغوطه ومسئوليته ,هو ممكن بس يساعد مساعده خفيفه............

انا كمان مع مازن وشايفة ان مساعدة الرجل لزوجتة تتوقف على طبيعة عملة وعدد ساعات العمل واذا كانت الزوجة هى الاخرى تعمل ام لا وفى كل الاحوال لا مانع من بعض المساعدات الشرفية من الرجل لزوجتة والتى تسعدها وتجعلها تشعر بحبة ليها وتخليها تشيل الزلط لو حب مش بس شغل البيت
ايناس

انا لااخجل من اعمال المطبخ لكى اعد الطعام لنفسى والى ابنى
وكل انسان يتكيف مع الواقع
وكل رجل يكيف حياته حيب طبيعه اعماله واعمال زوجنه ان كانت تعمل
وعلى فكرة
انا احسن واحد فى العالم
اسلق بيض
مشكورة جدا اختى الفاضله

الرجل شايف ان حاجه زى دى هتقلل من قيمته قدام الناس وهو ده مجتمعنا الشرقى

شكرا ع موضوعك

الرجل لو بيحب مراتة
هيساعدها في كل شيء حتي المطبخ
شكرا

شكرا على موضوعك

لكن لكل واحد العالم اللى يخصه

خصوصا اذا كانت الزوجة لا تعمل ودورها مختصرفى البيت

مثلا لو الرجل تعب ومقدرش يروح شغله
ينفع الزوجة تروح مكانه العمل

خاصة اذا كان موظف او دكتور
ينفع هى وخريجة تجارة تروح تكشف بداله على المرضى

لكنه طبعا لازم الزوج يحافظ على راحة الزوجة

ميبقاش دوره يرمى هدومه فى اى مكان بالبيت او يطفى سجاير فى الارض
واعتقد دية افضل طريقة يساعد بيها الزوج فى البيت

» لماذا يترك الرجل المرأة؟
» لماذا يرفض الرجل الزواج من امراه اطول منه؟؟؟؟؟؟؟؟؟؟
» سوال لماذا تقع الفتيات في غرام الرجل الخطأ ؟!
» الفرق بين تعامل الرجل الغربي و الرجل العربي مع الزوجة
» **لا ... لماذا ... اذن!!! ...