**سجن فضفضه الثقافي....

تذكير بمساهمة فاتح الموضوع :

الفكره دي شفتها وعجبتني

إن شاء الله تعجبكم.

الفكرة عبارة عن سجن ثقافي

شرح :

أنا مثلا أختار عضو من الأعضاء وأدخله السجن
وعشان يطلع لازم يدفع فدية

والفدية ستكون عبارة عن كتابة موضوع + 3 ردود
أو كتابه 5 ردود

وعنده مهلة 48 ساعة عشان ينفذ وإلا بيتعاقب.

لما يخلص المطلوب منه
يتم احتيار عضو ثاني

الهدف :

تنشيط المنتدى وجلب مواضيع جديدة

ملحوظة: لا يتم إختيار نفس الشخص إلا بعد مرور 5 مرشحين على الأقل

**وأنا هختار مندي يفتتح السجن وهيخرج لما يدفع الفديه....

الفكرة دى يا جنا هايلة وروعة علشان بتخلى الناس اللى احنا مش بنشوف لهم مواضيع يدخلوا ويردو غصب عنهم

شكر ابن حميدو
انا نفذت الفديه
انا مضطر احبس شخص
معلش

جنا
وفديتها
خمس مواضيع و10 ردود
انا عارف انك نشيطه
من غير زعل

اطمن يا فارس جنا عسوله ومش هاتزعل
وعلى فكرة جنا قدها ونص
ومن غير اى سجن ولا حاجه
دايما منورة المنتدى

**شكراااا جداااااا ايناس علي كلامك الجميل...
**وزي ما ايناس قالت مش هزعل فارس ,,
**والحمد لله دفعت الفديه ,,ونزلت 4 مواضيع في فضفضه وموضوع في منتدي الشباب,,
**والردود طبعا تمت ...

**انا بقي هختار ,,
**مازن...
**وفديته 3 مواضيع وخمس ردود.....

طبعا مازن قدها وقدود

انا نفذت الفديه المطلوبه
وكتبت 3 مواضيع وهما (ازاي تخلي البنت تقولك يا عمري --الواد ميدو بيقولكم الموضوع ده للشباب فقط --مشاكل تطرح نفسها )
الدور علي مين

طبعا نورا
فديتك يا نور خمس مواضيع وعشر ردود

يا سلام لو تتاخري علشان يبقو عشره

ههههههههههههههههههههههههههه

وماتجيش غير منك يا مازن

ماكنش العشم ابدا

وايه الموضوعات والردود اللى بالكيلو دى

وكمان عايزنى اتاخر

علشان تزودهم

مكانتش اعرف ان كده يا مازن

حتى انت يا مازن
دا كنت فاكراك طيب
خمس مواضيع ليه؟؟
الرحمه حلوة
وبعدين نورا مش مقصرة
طيب كنت شوف عضو مش بيدخل بقاله سنتين
وخليه يدخل
معلش يا نورا

هههههههههههههههههههه

معلش بقى يا ايناس خليها علينا النصيبه انه فى الاخر

بيقول انه هايغير اسمه ويخليه يا عمرى

هههههههههههههههههههه
معلش يا نورا بس انتي قدها وقدود وريلو بقى
شطاره البنات ولا بلاش

شطاره ايه بس يا جومانا ده انا اتعميت خلاص

عموماانا نفذت الفديه المطلوبه يامـــــازن

خمس موضوعات
مفتاح الجنه _طرائف زوجيه _المستحيلات العشر فى مصر
_هل يموت الحب كما يموت الورد_قانون جديد
*************
حسبى الله ونعمه الوكيل
ده مش موضوع دى دعوه فى الفجر
************
ها الدور على مين يا جماعه

مين العضو اللى بقالوا كتير مش بيكتب موضوعات

مين

مين

مين

عــــــــادل
وفديته 3 موضوعات و3 ردود

منهم موضوع طبعا فى باب كلام بنات وبس

وكفايه عليه كده علشان عارفين انه مشغول

هههههههههههههههههههه
مبوك
يانورا
كان نفسى يبقو
10
مواضيع
علشان عارف انك شاطرة ومتفرقش معاكى
---------------
وانت ياعادل
كمان
ولايهمك
قدها والله
لكن يارب تدخل قبل مالفديه تضاعف عليك

معلش يا عادل لكن تعمل ايه حكم القوي
قدها وقدود

اعتذر للاخوه الاعضاء لعدم استطاعتي تنفيذ الفديه المطلوبه وباذن الله سوف اقوم بتنفيذها قريبا

يعنى يا عادل الفديه كده تضاعفت ولا لسه زى ماهى؟؟؟
علشان بس نعرف
لو اى عضو غيرك اتاخر
يبقى عادى
ولا هاتتضاعف الفديه؟
زى ماحاتم كتب فى شروط اللعبه
وانا فى الحاله دى بطلب من حاتم يلغى الشرط ده من اللعبه
لان غير سارى على الجميع
يبقى ايه الفايده منه؟؟
ودا طبعا رايى الشخص
وياريت يا عادل مش تتضايق منى
انا بس بحب ان قوانين اى لعبه تسرى على الجميع

يعني ايه سجين ثقافي يا جماعه انا مش عارفه وبتتلعب ازاي وايه هي شروطها

سجين ثقافي يا نور يعني العضو لما يكون عليه الدور بيختار واحد من الاعضاء بيحبسه وعلشان يخرج لازم يقدم فديه زي بالظبط كده نورا حبستني وانا الحمد لله نفذت الفديه وبتاسف علي التاخير
انت يا نورا طلبتي ثلاثه مواضيع انا كتبت خمسه (انا افضل الاعضاء في حد عنده مانع- الفرق بين الصديق الحقيقي والصديق العادي - فوائد المشي حافيا - وفوائد السهر -وماذا تفعل لو كنت في الوسط )وعملت عشره ردود

جه الدور عليا احب احبس مين انا هاحبس هدي وفديتها موضعين وثلاثه ردود

شكرا يا عادل علي حبسك ليا وشكرا انك اخترت فديه مش كتير
انا تممت الفديه وكتبت موضوعين وهما (الحسد والحاسدين- امثال تركيه) وطبعا رديت علي ثلاثه مواضيع

يبقي انا كده خلصت والدور عليه احبس مين تحبسي مين يا بت يا هدي اه انا هاحبس روني وفديتها ثلاثه مواضيع وثلاثه ردود

شدي حيلك يا روني

انا طبعا مش عايزه اى كلمه اقولها فى الموضوع

ده تتاخد على انها لعضو معين

ولكن انا شايفه ان السجن الثقافى اد ماهو فكره جميله

وبتشجع الاعضاء على التواجد

لكن برضو شايفه ان الحكايه اصبحت كم وليس كيف

والحمد لله المنتدى اتملى بالموضوعات المكرره

وطبعا مش هاعيب على الاعضاء خالص

اصل هو مين فينا ممكن يكتب خمس موضوعات فى يوم

ده نجيب محفوظ نفسه مايعرفش يعملها

علشان كده انا بطلب من الاداره تعديل

الشروط لازم نسيب فرصه للعضو علشان ينتقى الموضوعات

طبعا حكايه خمس موضوعات من رائى انها حاجه خرافيه زى الديناصورات كده

كفايه او انا العضو يكتب موضوع او اتنين ليهم قيمه

و كمان شرط مضاعفه الفديه شايفه انه اصبح

ليس له اى قيمه

لانه ماتطبقش على عادل زى ماايناس قالت

والشروط لابد ان تسرى على جميع الاعضاء

اسفه لو طولت عليكوا لكن شايفه انها ملاحظات لابد ان الفت النظر اليها

شكرا

انا خلاص قدمت فديتي

اسجن مين؟؟؟

هسجن ماريو وفديته 3 مواضيع و4 ردود

فين المواضيع يا روني انا مش لاقيه ولا موضوع

طيب قوللنا اسمائهم

هو فين السجين الثقافي
طبعا مختفي علشان يهرب من الحبس
خليه كده علشان تضاعف ويفضل محبوس
جدعه يا روني انك حبستيه

بصراحه كلامك كله في الجون يا نورا ومعرفتش الموضوع ده غير لما اتسجنت انا عارف مواضيعي اللي بكتبها مش كتير بس لما بكتب بكتب مواضيع في الجون وكلكم لمستم الموضوع ده بس الحمد لله المواضيع اللي كتبتها تنفيذ الفديه اعتقد انها كويسه وهما (سوال للمناقشه - حوار مع النفس - هل تعلم ان اسم الله بداخل جسمك) وطبعا رديت وتنفيذ لفكره نورا انا هاحبس ايمي وفديتها موضوع واحد وخمس ردود شوفتي انا طيب ازاي

والله يا ماريو يا اخويا انت اللى كلامك فى الجون

وموضوعاتك كلها مهمه وليها قيمه

بس انا عايزه اشكرك على زوقك واهتمامك

وكويس ان فى حد شاف كلامى

انا افتكرت انى كتبته لنفسى

شكرا مره تانيه يا ماريو

شكرا يا ماريو
انا خلصت الفديه وكتبت موضوع واحد ( قرب رحيل الماوس والكي بورد) وعملت الردود

وفعلا فكرتك جميله يا نورا لولاها كنت فضلت ادور علي مواضيع ارصها وخلاص من غير ما يكون فيها استفاده
ودلوقتي انا هاحبس ريناد وفديتها موضوع و3 ردود

Admin عدد الرسائل : 1869 تاريخ التسجيل : 29/05/2008

في البدايه تتوجه الاداره بالشكر الي المشرفه نورا علي مجهودها واهتمامها بالمنتدي

الشروط بعد التعديل

في البدايه اتوجه بالشكر الي المشرفه جنا علي مجهودها الواضح والمتميز ورغبه من الاعضاء في تفعيل السجن الثقافي سيتم وضع الشروط الاتيه

1- يتم اختيار العضو المراد حبسه من قبل اخر سجين ثقافي قدم الفديه المطلوبه 0
وان لم يقم باختيار سجين اخر يكون الاختيار من قبل الاداره فقط
2- الفديه المطلوبه من العضو بحد اقصي موضوعين وخمسه ردود
3- في حاله عدم تنفيذ الفديه المطلوبه يستمر حبس السجين الثقافي بعقوبه مضاعفه بحيث لايزيد الحد الاقصي للفديه عن ثلاثه مواضيع وسبعه ردود
4- يطلق علي العضو المحبوس بالسجن سجين ثقافي ويحبس بسجن فضفضه العام

5- المده المحدده لتنفيذ الفديه 48ساعه تبدء من الوقت اللذي تم اختيار السجين فيه 0

» ماذا تقرء هذا المساء (سجن فضفضه الثقافي)
» تضارب تصريحات وزير التعليم العالي والمستشار الثقافي حول طلب ليبيا استيراد جثث مصرية
» فضفضه وبس
» بتك فضفضه للمعلومات
» متاهات فضفضه ج1