«طلب إحاطة»

أنا بقدم طلب إحاطة لأى مسؤول فى البلد
ع الكوسة وشغل الأونطة وع الناس اللىـ بتنجلد
أنا بقدم طلب إحاطة وبقدم اقتراح
إن الكوسة بتاعتنا نعرضها للسواح
وتبقى الكوسة شعارنا ونباهى بيها الأمم
ونغيظ بيها الأعادى ونكيد بيها الذمم
وندرسها فى المدارس ونرسمها على العلم
ما هى الكوسة بتاعتنا من غير عدل وطابور
مش عارف لو تشوفها كوسه بنت إيه
هتحس إنك جعان حتحس بإيه وإيه
عشان بيوزعوها وتحس إنك مقهور
دى الكوسة بتاعتنا والله رحيتها فايحة
بتنزرع فى ثوانى وحالاً تلاقيها سارحه
وهتعجب أى خواجة وهتبصت أى سايحة
وأنا نفسى يعمموها وتبقى للجميع
ويستفاد عبدالمنعم زى عبدالبديع
ويا سلام لو يبقى شعارنا (الكوسة للجميع)
ويألفو لها أغانى ويكتبو لها نشيد
ونحتفل بيها ويخصصو لها عيد
ويبقى عيد الكوسة شعار الفكر الجديد
وأهى حاجة فيها نسرح وننسى سعر الحديد
ونسألكم الفاتحة على كل من مات شهيد
سواء مات فى غزة أو فى السكة الحديد

مشكور ابو حنفي

انت تستحق الشكر