يا مشرفين فضفضه اجيبوني الادمن يستاهل منكم كده ؟

بصراحه انا مش عارف ايه اللي حصل لمشرفين المنتدي
في الاول نورا تقول مش هاشترك في مسابقه الافضل وبعدها نرفين تاييدها الراي ونلاقي مندي عايز ينسحب من المنتدي وفي الاخر ابو حنفي عايز ينسحب من الاشراف بزمتكم يا جماعه الادمن يستاهل منكم كده 0لما تكونو انتم يا مشرفين اللي مصدر ثقه لحاتم وليكم امتيازتكم وصلاحياتكم في المنتدي تعملو كده امال الاعضاء الجدد يعملو ايه0
سوال وجاوبوني عليه بصراحه ؟؟؟؟؟؟؟
يبقي ليها حق العضوه الجديده اللي دخلت بتقول المنتدي كله هرجله 0
فين الثقه يا جماعه اللي ادهالكم الادمن كمشرفين ليكم سلطه وليكم صلاحيات كل واحد في اشرافه 0
بدل ما كلنا نعمل اللي فيه خير للمنتدي ونشارك انه يكون افضل منتدي موجود نقوم نتخلي عنه ونقوله انا مش هاشترك في الافضل وانا هانسحب من المنتدي وانا هانسحب من الاشراف 0
تفتكرو احنا كده علي قد المسئوليه اللي ادهالنا حاتم
بصراحه انا شايفه انه ميستاهلش كل اللي بنعمله
يبقي هو بيحاول علي قد ما بيقدر في اظهار المنتدي في احلي صوره
واحنا بنحاول علي قد ما نقدر اننا نظهر روح التخلي وسياسه كل واحد مع نفسه ويعمل اللي يريحه وما يعملش اي حاجه تعمله مشكله
انا عايزه ما تفهموش كلامي غلط لاني بحبكم كلكم يا مشرفين المنتدي

الحقيقه ياباتى بعد كلام نيرفين انا مش عارفه اقول ايه
هى قالت تقريبا كل حاجه
وبصراحه انا مش شايفه رساله لوم او عتاب
انا شايفه انك يتهدى النفوس
وبترمى على الاشراف كل السلبيات
مش ناقص غير انك تقولى ان احنا اللى
بنمنع الاعضاء اللى مش بيظهروا غير فى المناسبات
واللى متسجليين قبلنا بكتير واسهمامتهم بتتدل على
عدم الاهتمام بالمنتدى
اظن دول ياباتى اللى المفروض نوجهى ليهم اللوم
واللى انتى عضوه منهم
واظن اننا كامشرفين مش معناه اننا نفضل فى المنتدى
ليل ونهار واننا نشارك فى
كل شىء حتى وان كان على غير رغبه مننا
وعموما لو انتى شايفه اننا مقصريين فى الاشراف
ان احنا سبب الهرجله والفوضى اللى اتكملت عنها ريم
يبقى انا عن نفسى الاشراف مسئوليه انا مش ادها
ومش ملزمه بدخولى المنتدى كل يوم
والرد وترتيب كل الموضوعات فى القسم بتاعى
وهابقى من الاعضاء اللى بيظهروا كل خميس وجمعه
وبرضو مهمين وبنحبهم
وعلى الاقل مفيش حد بيحملهم مسئوليه اى خطـأ
ده طبعا لو ده كمان رائى حاتم
ولو كان شايف انا لانستحق الثقه
شكرا باتى على النصيحه
وفى انتظار رائى الادمن

انا ببعث شكري وتقديري لكل مشرفين المنتدي
وخصوصا كل تقديري للمشرفه نرفين واحب اقولك انتي اخذتي كلامي علي محمل خاطيء
انا مقصدش كل اللي انتي فهمتيه 0
وشايفه كمان انكم بتبذله اقصي جهدكم في المنتدي وكل واحده في قسمها ابدعت فيه ونورا انا بحييها علي اشرافها علي باب كلام للبنات وبس وانها تستحق وعن جداره افضل مشرفه لاني دي حقيقه
انا كلامي يا جماعه ليه منستحمش بعض
وعلشان اصغر مشكله نتخلي عن كل حاجه
انتي زعلانه يا نرفين لاني بقول انتي انسحبتي من مسابقه الافضل وفسرتي كلامي علي انك مش اهل للثقه واخذتي موقف وطلبت ان تنسحبي من الاشراف لانك حسيتي اني كلامي جرحك وده مش قاصدي اطلاقا لاني انا بحبك وبقدرك وكن ليكي كل احترام 0
مستحملتيش كلامي واخذتي قرارك 0
انا كل هدفي اننا نكون ايد واحده وبالزات المشرفين لاني المفروض هما مكان الادمن في غيابه 0
انا عايزه اننا نتحمل بعض ولما يجي عضول يقول عايزانسحب يكون المشرف مكان الادمن في الرد عليه وعلي اي مشكله موجوده 0
ازاي يحصل ده واحنا يا مشرفين بنقول ننسحب
انا ارجو من كل المشرفين انهم يفهمو كلامي لاني بحبهم وبكنلهم كل احترام ومقدرش اجرح اي حد فيهم لانهم كلهم اخواتي ومش بعرف ازعل اخواتي0

تحذير شديد اللهجه الي العضو بوسي
من غير اللائق ان تقومي بتوجيه اي لوم اوعتاب علي لساني لاي عضو في المنتدي
وقد اندهشت تما ما من هذا الاسلوب المهين التي تحدثتي به
فكيف لك ان توجهي مثل هذا الحديث للمشرفين اللذين اعطيتهم ثقتي وهم يستحقونها بجداره فكل مشرف يقوم بعمله وواجبته علي اكمل وجه ولا يوجد منهم من ليس هو اهل لهذه الثقه 0
فهم يعملون باجتهاد ونشاط يحسدون عليه 0ولكن مايحدث منهم لايؤثر علي الاطلاق في مهام عملهم كمشرفين فعندما طلبت نورا ونرفين عدم الاشتراك في مسابقه الافضل كان لهم اسبابهم الخاصه وقد ذكروها علي المليء وهذا خارج علي كونهم مشرفين وكذلك عندما حدث سوء تفاهم بين الاعضاء في ردهم علي مندي مما قرر علي اثرها الانسحاب ليفاجاء بحب الاعضاء له ورفضهم لفكره الانسحاب مما جعله يتراجع عن قراره ويعود لنا ليستكمل مسيره العطاء وكذلك ابو حنفي وانتي تعلمين تما م العلم انه مشرف مجتهد وكلنا نشهد له بذلك ولا يقلل من شانه في شيء ان يطلب التنحي عن الاشراف 0
فكيف تقولين عليهم سلبيين فليس لك الحق ان تنعتيهم بهذه الصفه التي تقلل من شانهم وتبخس حقهم 0
بوسي انا اعلم تمام العلم بمدي حبك للمنتدي فلهذا يجب عليكي ان تقومي بالاعتذار الي المشرفين اللذين وجهتي اليهم حديثك الذي اساء لهم 0
والا تقومي بتوجيه اي حديث لاي عضو او مشرف علي لساني فان كان لديك نقد عليك ان تذكريه علي لسانك ودون الاساءه لاي مشرف او عضو

انا بوجه اعتذاري الي حاتم لاني فعلا كان لازم اتكلم عن لساني انا ويا ريت يقبل اعتذاري 0
لكن بالنسبه للمشرفين انا لم اوجه لهم اي اساءه انا كل الحكايه اني بوضح شيء حصل فعلا
وعايز ه اعرف سببه واعتقد اني من حقنا كاعضاء نعرف اللي بيحصل ده سببه ايه
وانا عارفه انتم هاتقوله اني مش بدخل كتير ومش متواجده بصفه مستمره بس ده علشان ظروف دراستي واعتقد مش انا لواحدي كده في عضوات كتير 0
وانا لم اقم بتجريح اي مشرف انا علشان بحبهم عايزاهم يكونو موجودين وميتخلوش عن اي قسم من اقسام المنتدي سواء كان اشراف او مسابقه لانهم قدوه لينا
وارجو اني المشرفين يفهمو وجه نظري فانا لم اتعمد الاساءه لاي منهم
والراي الاول والاخير للادمن حتي لو كان وقف لعضويتي 0