هل الخيانه احياناتكون افضل من الزواج

تخون مفيش مانع تتجوز نصيبه
الحقيقه غريب اوى طبع اى زوجه
بعد الزواج مباشره
نجدها دائما تبحث وراء زوجها
وتفتش فى كل ما يخصه وتكتشف احيانا
علاقات تبدأ وعلاقات تتطور
وغالبا تقول بكره يعقل
ومره تفوت ولا حد يموت
وبكره البيت والاولا د يشغلوا
ولكن الطامه الكبرى
لو عرفت انه اتجوز
هنا بقى يبدأ التخطيط والخناقات
والمناورات
علم بأن الزواج حلال شرعا
والعلاقات الغير شرعيه
من كبائر الذنوب
ولكن يرتكب الرجل فى اليوم الف ذنب
عند زوجته اهون من ان ينفذ الحلال مره واحده
حتى وان كان الحلال ده هو الطريق الوحيد
اللى ممكن يبعده عن العلاقات الغير الشريعه
فكلنا نعلم جيدا ان من النوادر ان يكتفى الرجل بأمراه واحده
هما الرجاله كده
ولا ايه رأيكوا يا جماعه
يتجوز مره ولا يخون مائه مره؟؟؟؟

موضوعك فى غايه الاهميه
نورا
اشكرك جدا عليه
------------------
واسمحى لى ان اقول
الخيانه اسوء ما فى الوجود
والزواج بالطبع حلال
ولكن؟
ان خفتم الاتعدلو فواحده
وكيف يعدل الانسان
ونبى الرحمه
بكى
واشتكى
الى ربه
وقال
يارحمن
انا اعدل فيما املك
فسامحنى
على مالا املك
اعتقد نورا ان كلامك بنسبه كبيره جدا صدق وتلك هى المصيبه الكبرى
يجب على الانسان ان يراعى ربه فى كل شىء حياته بيته زوجنه اولاده وان يقترب من الله
اذا البعد عن طريق الله هو السبب
نعم
لان الرجل اذا احب الله ورسوله
كان طريقه مرسوم بخطى الحبيب
وايضا الزوجه
ان كانت تؤمن بالله ورسوله
لعلمت ان المكتوب مكتوب
والا تغفر لزوجها اى نوع من انواع الرزيله او الخيانه
والعين تخون واللسان يخون
فمن الاول
لاتسمح لزوجها ان ينظر مجرد النظره
وان لا تسمح لزوجها بان يقول لغيرها كلمه ليست فى محلها
ولاتبحث له عن مبرر سازج وتقول اهى كلمه
او
اهى نظره
تتمسك بحقها وتتمسك بكل شىء احلو الله لها
ولكن بشرط
ان تراعى هى ايضا ربنا فى زوجها وفى بيتها
وتقرا وتتعلم كيف كانت زوجات الصالحين
وتتعلم
من صديقاتها
كيف يعيشون
فان كانوا سعداء تبحث فى طريقه حياتهم وتحاول ان تجعلهم مثل وقضوة
وان كانو يملؤن البيت صراخ وحزن
تتعلم منهم حتى لاتخطىء نفس الاخطاء
ويكون مصيرها نفس المصير
----------------------
وفى نهايه كلامى
انظرى اختى الفاضله
الى
اصابع يدك الواحده
واحكمى ماذا ترين؟
بالله عليكى
انظرى واتاملى
هل صوابعك الخمسه متشابهين؟
كيف بالله
تحكمين على الرجال انهم يهون النساء
ويفضلون اكثر من واحده
الرزيله صفه
من صفات الشيطان
يكتسبها ادم
وتكتسبها حواء
ولكن من يملك الروح الطاهره
ويزكى نفسه
يكون من الناجين
ومن بستسلم
لشهواته
يكون من الهالكين
اللهم اغفر لنا وارحمنا وتوب علينا يا ارحم الراحمين
والله
العين تبكى من كثرة الذنوب
فادعوا الله
ان يتقبل توبتنا
وبسامحنا
ويرحمنا برحمته
هو نعم المولى ونعم المصير
وبالله التوفيق
--------------------------
شكرا اليكى اختى نورا
اخوكى نور

ميرسى يا نورااااااا
على موضوعك الجميل
الزوجه دايما بتحس بزوجها
لودخلت حياته امرأه اخرى
تغيرات الرجل بتكون واضحه وهذا مايدفعها ان تبحث ورائه
تسامح وتغفر له زلاته تقنع روحها انها نزوات
وتمر بجميع الرجال ولكن الخطأ الذى تقع فيه الزوجه
انها لاتنسب لنفسها نزواته تبحث ورائه ولاتبحث فى اعماقه
قد تكون سببا كبيرا لحاله هذا يجب على الزوجه ان تراجع نفسها
تعدل فى مظهرها وتقسم وقتها حتى تعطيه وقته او بالأدق تعطى الحب وقته
فان فعلت هذا وشعرت بتغيراته فهو من الرجال الذين لايملؤ اعينهم شئ
تحاول ان تتقبل افعاله وكانها لاترى شئ لتستمر الحياه
نزوات تمر وتنتهى ولكن يعود لبيته
اما ان يتزوج باخرى فهذه للمرأه اكبر كارثه وضعت فوق رأسها
فانه سينسلخ من بيته ولن تكون هى الواحده المالكه لقلبه وحياته
ستشاركها اخرى وتدوم ليست نزوه تاخذ وقتها ويعود لحلاله ثانيه
صعب اوى ان يتزوج الرجل باخرى ومعه زوجته
والأصعب خيانته لها
والطامه الحقيقيه جهله بانه يخون دينه ونفسه قبل منها ....
لما لايعطى لبيته وزوجته مثل ما يأخذ لتستقر حياتهم
لما لا ينبها لتقصيرها ان وجد
اللهم اهدى رجال ونساء المسلمين
ولاتفرق شمل الأزواج واعصمهم يارب من الفتن ماظهر منها ومابطن

ميرسى يا نوراااااا على موضوعك كعادتك طبعا
فى موضوعاتك الهدف والمناقشه الايجابيه
روح موضوعاتك
ربنا يوفقك يا حبيبتى

هل الخيانه احياناتكون افضل من الزواج 638973056

مع اعتذاري لكل النساء
بنات حواء مخلوقين علشان يطلعو عين الراجل مش اكتر
هي دي وظيفتهم الاولي
وبستغرب جدا من الزوجه لما تعمل شالوك هلمز علشان تكشف مغامراته شويه تدور في جيوبه علي شعره مستخبيه او تقعد تشم في هدومه اول ما يهل عليها ويا سلام بقا وهي بتدور في منديله علي اثار روج
ويا عيني لو اتاخر علي ميعاد رجوعه البيت محضر وس وج ايه اللي اخرك وكنت فين وبتعمل ايه ناقص تقوله هاتلي فاتوره رسميه بالوقت اللي انت اتاخرته وتكون مختومه من اتنين موظفين 0000000000 حاجه تخنق
ويا سلام لما الزوج يزهق ويطفش ويتجوز عليها تعيط وتستدعي دموع التماسيح لاسترقاق اصحاب القلوب الرحيمه ومفيش غير كلمتين بتقولهم علطول الخاين يجوز عليه وانا قايدلو صوابعي ال 20 شمع ( علي اساس انها بتخدمه بايدها ورجليها ) صحيح ديل المعرفش ايه ومش عارف ايه
الزوجه بتكون سبب الكارثه وتستعبط
لما يجبلها هديه ليه وعلشان ايه وايه المناسبه يبي اكيد ورا الهديه حاجه
ولو كبر دماغه ومجبش ده بيهملني ومطلع عيني ده حتي مفتكرش يجبلي ورده في عيد الحب
في النهايه انا بشوف اني اللي بيجوز اكبر مغفل في العالم قال وايه يهرب من حفره علشان يقع دحديره

مفيش دخان من غير نار يا مندى
ومفيش زوجه بتشك فى زوجها الا لو كان
فعلا يستاهل وبعدين ايه الحكايه ده انت طلعت
عدو المرأه بجد زى ما بيقولوا
وانتى كمان يا نيرفين انتى معانا ولا معاهم
الخيانه ملهاش مبرر حتى لو الزوجه مقصره
وشكرا ليك يا ابو حنفى على رأيك
وشكرا طبعا لحبيبه قلبى نيرفين على رأيها
وحسبى الله قصدى وشكرا يا مندى

شكرا مندى
شكرا ايه
لا والله
انت عاوز رد منفصل
فى رساله خاصه
ههههههههههههههههههههههههههههههههههه
اكتبها لك حالا
يارجل خلتنا مغفلين
هههههههههههههههههههههههههههههههه
فعلا
حسبى الله ونعم الوكيل

**انا متفقه جدا مع نورا,,لان طبعا الخيانه مالهاش مبرر اطلاقا....
**وبالنسبه لسؤال نورا :
يتجوز مره ولا يخون مائه مره؟؟؟؟

**فانا رأيي بان الزواج مره اخري اهون كثيرا من الخيانه لانه يكفي انه يخاف من الله ,,
**اما اذا خان فانه لايخشي شئ ولا يؤتمن علي شئ .....
**شكرا نورا علي موضوعك الهام ...........

الله الله الله ايه الحرب العالميه اللى عاملها على المرأه دى يامندى
ليه دايما شايف المرأه هى سبب كل حاجه والراجل برئ ياعينى وغلبان
وليه مايكنش الرجل ,
وبعدين مش كل النساء وحشه , اكيد فيه الحلو بس انت مش شايف الا الوحش علشان .....
الخيانه فعلا مالهاش اى مبرر مهما كانت تصرفات المرأه مش كويسه
وزي ماجنا قالت الجواز افضل من انه يخون ...
لانه لو خان يبقى بيخون وبيخدع نفسه وربه قبل اى حد وفى الحاله دى هو الخسران وخسران كل شئ
شكرا ليكى يا نورا موضوعك جميل ....

لواء عدد الرسائل : 1180 تاريخ التسجيل : 30/05/2008

فعلا انا من راي جنا وملك في انه يتجوز افضل من انه يخون لاني الخيانه شيء صعب والخاين انسان لايؤتمن
وبعدين ايه يا مندي مش عارفه انت بتجيب كل حاجه علي المراه ليه فعلا انت كده بتثبت انك عدو المراه
استلقي وعدك بقا انت ناسي اني المنتدي معظمه بنات

طبعا الجواز افضل من الخيانه
والنبي يا جماعه حد يشوف حل لمندي وايه سبب العداء ده

مقدم عدد الرسائل : 204 تاريخ التسجيل : 30/05/2008

فعلا يا نورا ان المراة ممكن تغفر خيانة الزوج
لكن متقدرش تعيش مع زوجة تانية
اكيد السبب زى ما نرفين قالت ان الزوجة التانية
هتاخد منها شريك حياتها
لكن الخيانة شىء وقتى ونزوة فى حياةالزوج
عموما الامرين امر من بعض
وربنا ما يكتبها على حد ابدا مننا
ان زوجها يخونها او يتجوز عليها
وبعدين مندى محسسنى ان الرجالة غلابة اوى
ومش بيعملو اى حاجة
وملهمش اى ذنب فى النكد الزوجى
وان خوف المراة على استقرار حياتها
وخوفها على زوجها وبيتها من نزواته
شىء وحش ومكروه
على فكرة كدة مش حلو علشانك يا مندى
است نص الحياة
لو فضلت نظرتك ناحيتها بالشكل ده
هتتعب كتير اوى

يالهووووى يامندى ايه الرد ده
ده احنا لازم نتجمع يابنات
لاهدار دمه حضرى الفوطه وصنيه القلل يا نوراااا
لا فوطه ايه حضرى غرفه الاعدام شنقا
وبعدين نطلق الرصاص عليه لا الحبل يقع بيه وميتمش الشنق
ولا الرصاص يطلع فيشنك حضروا الكرسى الكهربائى يادى الخيبه لا الكهربا تبقى قاطعه
ما انتم عارفين حظه خلينا فى الساطور بقى اوقع واحسن......
ايه ده يابنى ...المهم ماعلينا
************
انا مش معاهم يانورا وكلامى مش معناه انى فى صفهم
لكن انتى بتتكلمى عن بيت مفتوح وخيانه وزواج من اخرى
يبقى لازم الست تأمن نفسها وحياتها كويس قبل ماتقول ده خانى
وتجيب كل اللوم عليه وبعدين تتفاجأ انها الملامه بتقصيرها
وتاخد فرصه هى وهو علشان يظبطوا حياتهم وتعيش معاه
فى شك والم متلحق تظبط دفتها من الاول بدل الانكسار
طبعا اللى مندى بيقوله ده
كان بيحصل زمان فى الافلام العربى
لكن دى حياه وعشره وممكن اطفال والمثل بيقولك الست بتعشش والراجل بيطفش
عمر الراجل مايهمه صعب عليه خراب بيته لكن نزواته لما بتتحكم فيه بتفقده توازنه
لازم الست تحتوى ده كويس انا قلت تدور فى اعماقه على نفسها وتقصيرها
وان كان من النوعيه اللى مش بيملى عينه التراب فعليها يا التحمل يا الفراق
مقدره نسبيه من زوجه لاخرى
انتم بقا بتقولوا لا الزواج افضل من الخيانه جنا وملك ونورا
ورايكم صح طبعا انه احسن حاجه انه يتجه للحلال
لكن ليه يوصل لحد تانى غيرها
حلال ولا حرام اساس كده ايه
انا بقول لازم تدور فى نفسها ليه هو بيعمل كده
تقصير منها تصلح من نفسها
هو كده يبقى بالسلامه بره بقا ياتتحمل حسب مقدرتها
ده بيت مفتوح وحياه وعشره
يعنى خراب بيت لازم نوجد كل الحلول قبل مانوصل لنهايه ممكن تدمر حياه
دى مش علاقه حب ولا خطوبه ولا صداقه
فهمتينى يا نوراااا
لكن انا معاهم برضه ده كلاااااام يا أختى
مانتى عارفه بقا
لكن برضه يامندى
هتشوف معانا ايام
ده انت حسستنا انك ولا بلاش
ههههههههههه

انا من راي اني الخيانه لاتبررباي فعل لاني الخيانه جريمه بشعه في حق الزوجين
مشكوره نورا علي اثارتك لهذا الموضوع

الخيانه ملهاش مبررات علي الاطلاق الخيانه هي الخيانه

مشكوره نورا علي موضوعك وفعلا الخيانه ملهاش مبرر

» رد على اخى الحبيب مندى على رده فى (هل الخيانه احياناتكون افضل من الزواج)( فائده الزواج ) من ابو حنفى
» الخيانه
» الخيانه الزوجيه
» أيهما تفضلون الزواج عن حب أم الزواج التقليدي ؟
» .....@@@شوفوا الفرق بين قبل الزواج وبعد الزواج@@@.....