انتصار جديد للمرأه المصريه

القاهرة : في حدث هو الأول من نوعه في العالم الإسلامي ، عقدت المصرية " أمل سليمان " أول عقد قران بعد تعيينها مأذونة بمصر.
وشهدت محافظة الشرقية الحدث الذي حظي بتغطية إعلامية واسعة، إذ حرصت 50 قناة تليفزيونية محلية وعالمية إلي جانب عشرات الصحف والمجلات علي متابعته.
وعقدت القران أمل سليمان عفيفي 33 عاما أول مأذونة شرعية يتم تعيينها في تاريخ مصر والعالم الإسلامي ، ولم تتقاض أجرا من العروسين داليا سمير عبد السلام 23 عاما وأحمد مختار محمد حسين الفقي 25 عاما، وهما محرران بإحدي الصحف الاقليمية بمحافظة الشرقية ، حسب ما ورد بجريدة "الراية" .
وامتلئت قاعة مناسبات مسجد الفتح بمدينة الزقازيق، التي شهدت عقد القران، بمئات المواطنين الذين حرصوا علي متابعة هذا الحدث، حيث وصفوه بأنه انتصار جديد للمرأة وتأكيد علي قدرتها وجدارتها بتولي مختلف الوظائف وتحمل المسئولية في كافة المحافل.
وأكدت أمل عفيفي أن هذا اليوم هو أسعد أيام حياتها بعد أن تحقق حلمها الذي سعت من أجله موجهة الشكر للسيدة سوزان مبارك رئيس المجلس القومي للمرأة علي مساندة المجلس لها منذ تقديم أوراقها للعمل كمأذونة حتي مارست عملها بشكل رسمي.

*انتصار جديد جدا للمرأه بس مثير للدهشه ....
*لاننا لم نتعود علي ان يكون المأذون امرأه,,ولكن طبعا المرأه تستطيع ان تبرع وتتفوق في اي مجال او اي وظيفه تحصل عليها.....
**شكرا نورا .....

فعلا انتصار جديد يضاف الي انجازات المراه العصريه وازدهارا لها وتحقيق شموخها
لكن السوال هو ده اقصي اماني المراه واللي حصل ده فعلا انجاز جديد ولا انتكاسه ؟؟؟؟؟؟؟؟

الف مبروك للمراءه العصريه ووداعا لربه المنزل والام و الزوجه

انا اول ما قرات عنوان الموضوع قلت اكيد المراءه اكتشفت اكتشاف علمي خطير او يمكن تكون ابتكرت ازياء جديده
او مايوه جديد للسباحه لكن طبعا لما عرفت انها اصبحت مازون قلنا عليه العوض ومنه العوض الله يرحم ام احمد وام محمد وربني يكون في عون اطفالنا اللي لسه متولدوش

الف مبروك لانجازات المراه وفي انتظار انجازات اكتر وتحطم اسر اكتر واكتر

لواء عدد الرسائل : 1180 تاريخ التسجيل : 30/05/2008

ايه الهجوم ده كله بدل ما تفرحو معانا بتتريقو ومش عاجبكم
فعلا اللي حصل انجاز كبير يضاف الي حياه المراه

شكرا جنا يا حبيبه قلبى هو ده الكلام

لو كان عمل الرجل فى تصميم الازياء
وفى مسابقات الطبخ العالميه
وفى صالونات التجميل
انتكاسه يكون عمل المرأه ماذونه
انتكاسه برضو يا عادل
وهاتفضل برضو المراه هى ربه البيت
والام والزوجه يا مازن
معلش يا رنا هانقول ايه
هى دى غيره الرجاله
ملهاش حل هايفضلوا كده

سورى يا مندى ماكنتش لسه
شوفت الرد العبقرى
ولكن تفتكر ان ام احمد وام محمد اختفوا من
امتى من ساعه ما اصبحت المرأه مأذون
ولا من اول ما اصبح الرجل يعتمد عليها فى كل
شىء واصبح هو يادوب مجرد لقب او ضل
حيطه يا جماعه نفسى تقولوا الحق مره

الاخت الفاضله نورا
بجد انا بسعدنى تواجدك ونشاطك
لكن اعتب عليكى اختى العزيزة وكل الاعضاء
لاننى كتبت فى نفس الموضوع قبلك تحت عنوان
أول عقد زواج مصري على يد امرأة..والمأذونة رفضت لمس يد العريس
الشكر كل الشكر لك نورا
لكن اتمنى منك الاطلاع
ولكى وكل الاعضاء وافر الاحترام والشكر

هو واضح يا ابو حنفى انك انت
اللى مش بتتطلع على موضوعاتك كويس
هو يمكن يكون فعلا نفس الموضوع
ولكن انا يادوب نزلت الخبر من وجهه نظرى
وانت كنت منزل حوار كامل مع
المأذونه الجديده
وعموما ان كان يزعجك ان يشارك احد الاعضاء
بموضوع او خبر فى قسم نشره الاخبار فا انا بعتذر
واوعدك ان دى تكون اخر مشاركه ليه فى القسم
وشكــــــــــــــــــــــــرا

كنت لا ارغب فى التعليق
ولكن بعد ان وقعت فى الخطى مثلك اعلق
واقول لكى اختى الفاضله الخطىء وارد للجميع
ولكن المنتدى ملك للجميع ولا داعى للعصبيه اختى الكريمه فى الرد
فباب نشره الاخبار يتشرف بكى دائما وبكل الاخوة الاعضاء
فمن منا يملك ان يحرم اخت فاضله نشيطه مثلك من باب يشرف عليه ان تكون اسهماتك بداخله
اعتقد ان يكون جنون

ميرسى يا نـــــــورااااا
على الخبر الجميل
فعلا انتصار جديد للمرأه
يثبت قدرتها على تحمل المسئوليه
ربنا ينصفنا كمان وكمان يارب
بس الرجاله اللى زعلت اوى كده
علشان المرأه اشتغلت مأذونه
مزعلتوش ليه على المرأه لما الظروف
اضطرتها تشتغل سواق تاكسى
ومحزنتوش ليه عليها لما اشتغلت بياعه انابيب
تشيل الأنبوبه على كتفها وتطلع بيها عاشر دور
علشان تساعد فى الظروف الصعبه للمعيشه
ولا هو الزعل لما ربنا ينصف المرأه بس
يتزعلوا منها لكن عليها لأ
يا خسااااره على نظره الرجل للمرأه

انا بشكر نورا على الخبر الجميل

والله ياجماعه مش فرقه تشتغل مازون تشتغل كومسرى

احنا اتبهدلنا يا ناس

انتصار جديد للمرأه المصريه Baby_a10

حلو اوى العنوان يا نورا
مشكورة على الموضوع
وانتصرتو ا على مين يا ترى
ومين اللى اتغلب؟؟؟
والنتيجة كام كام
والا اقلك
انا هشوف اعادة الاهداف
فى نشرة الجزيرة

مبروك
زغروتة يا شباب
يووووووووووه يا بنات
والله مش فاهم حاجة
الدنيا اتلخفنت فى بعض اوى
مين اللى بيزغرت دلؤقت يا جماعة
ما دام الست بقت شيخ ماذون
اقلكم نستورد صينيات يزغرتوه
ولللى؟؟؟؟؟؟؟؟؟؟؟

يووووووه يا حسااااام
هو انت معرفتش ولا ايه
محدش قالك ان الدنيا اتلخفنت
من يوم ما المرأه اشتغلت
علشان تساعد فى المعيشه
وتقدر تساعد زوجها
على المصاريف وتربيه الاولاد
وبالرغم من كده الراجل بيفترى عليها
ويفرحش ليها ابدا
ماتبطلوا بقى نظرتكم دى
خدوا بالكم شويه وافهموا
الحقيقه الوحيده اللى فى حياتكم
ان المرأه دى بتمثل دلوقتى
اكتر من نصف المجتمع
وانها فى حياتكم كل حاجه
يعنى بتبقى شغاله وطالع عينها
زيها زيكم
وبالرغم من كده ترجعوا
من اشغالكم تلاقوا الاكل
والشرب والغسيل
ايه ارحموا
ومستكترين عليها توصل لمكانه كويسه
مش استكترتوا ليه عليها
تشيل الانابيب على كتفها يا سى حسام
ولا تشتغل سواق تاكسى
انصفونا بقى حرام عليكم
بدل التريقه انت وهو
ده انتــــــم
ولا بلاش
انتم برضه
اساس المجتمع
اللى المرأه متقدرش تعيش
الا فى ظله وحماه

شكراااا على الهجوم على المراااه
ولكن المراه والرجل يكملان بعض
ولكل منهم دوره وضروره وجوده
اما اصبحت المراه ماذون او اى شيىء اخر
اعتقد يجب درااااسه الاسباب اولا ومن الذى اسهم فى نجاحها
واكيد فشل بعض الرجال فى تحمل المسئوليه
شكراااا نورااا على موضوعك
وخلى الرجاله تزغرد اهو يعملواااا حاجه احسن

» قراءه سريعه للصحف المصريه
» حصري المحافظون الجدد: دخول طارق رمضان إلى أمريكا انتصار للإخوان المسلمين
» الكرامه المصريه
» البوم صور عن القريه المصريه
» مظاهرات ضد السفارات المصريه فى بعض الدول العربيه