الدنيا أحلى مع اليهود

ليه الدنيا أحلى مع اليهود

دول أهم عشر أسباب مخليين العيشة فى وجود اليهود أحلى

1)
حسن الجوار.. اليهود بقالهم 62 سنة متواجدين فى المنطقة بصورة رسمية, الحق
لله ما شفناش منهم حاجة وحشة فى يوم.. وكون فى خلافات شكلية زى (حرب
فلسطين 48- العدوان الثلاثى- نكسة يونيو 67- حرب أكتوبر المجيدة 73-
الاعتداءات المتكررة فى فلسطين وجنوب لبنان- حرب لبنان 2006- العدوان على
غزة 2008/2009).. فـ دى كلها خلافات بسيطة بتحصل بين اى اتنين اخوات فى بيت
واحد على حتة اللحمة الكبيرة اللى فى حلة البامية.

2) توحيد صفوف
العرب.. اخواننا اليهود مهما عشنا هنفضل مدينين ليهم بالفضل الكبير فى
توحيد صفوف العرب لأول مرة فى التاريخ.. اليهود فعلا قدروا يجمعوا العرب
على كره.. فلسطين.

3) التكييف.. دى بقى من أهم أفضال اخواننا اليهود
علينا.. استقرار أسعار الحشيش فى السوق العربى عموما والمصرى خصوصا وتوفير
أجود أنواع بذور الحشيش لضمان الماكسيمم افيكت.

4) تعميق جذور
الإيمان عند الحكام العرب.. ما شاءالله.. اليهود قدروا يخلوا حكامنا العرب
من المحيط للخليج يطبقوا السنة النبوية الشريفة بحذافيرها.. وده بنلاحظه فى
تعامل القادة العرب مع اليهود.. لو اتأملنا فى طريقة التعامل وشكل العلاقة
هنلاقى ان كل الملوك العرب(أصل مفيش رؤساء فى المنطقة) بيتبعوا أحاديث
شريفة زى:
i. "حب لأخيك ما تحب لنفسك"
ii. "من كان يؤمن بالله واليوم الآخر فليكرم جاره"
iii. وكمان آيات قرآنية زى: "ولا تعاونوا على الاثم والعدوان"
iv. وكمان الرسول-عليه الصلاة والسلام- وصى على سابع جار.

5)
الثقافة.. محدش يقدر أبدا انه يقلل من دور اليهود الماسونيين الرائد فى
نشر "الثقافة" فى كل مكان فى العالم.. انترنت وتليفزيون وكمان عملوا منها
كتب ومجلات.. لا والجديد "ثقافة صوتية" عشان حق الأعمى فى انه يسمع.. "فيلم
ثقافى"
ويرجع ليهم الفضل فى التأثير فى ثقافة المجتمع العربى والمصرى
بشكل كبير.. وده يمكن باين فى ازدياد عدد السكان فى مصر من 40 مليون فى عهد
السادات الى أكتر من 80 مليون فى وقتنا الحالى.. وده وان دل, فانما يدل
على اثراء ثقافة الشعب المصرى بالجديد فى عالم البطيخ.

6) الترفيه..
فى دى بقى.. استنوا شويتين.. أنا أحب أوجه خالص الشكر للإخوه اليهود
القائمين على صناعة السينما فى هوليوود.. طبعا انتوا عارفين ان كل شركات
الانتاج الكبيرة فى هوليوود أصحابها يهود زى “WB” و "paramount pictures" و
"Columbia pictures" و "Fox" و غيرهم.. والشركات دى هى المسؤلة عن انتاج
روائع الأفلام اللى اتفرجنا عليها وحبيناها وخير مثلا على ذلك "كل الأفلام
الغربية اللى اتعملت".. أنا شخصيا شاكر جدا لجهودهم فى المجال الفنى نظرا
لأنى بتفرج على حوالى 3-5 أفلام كل يوم.. من غيرهم بقى كنت هعمل ايه؟؟

7)
"حصالة".. اليهود-ربنا يحفظهم- اتفننوا فى انهم يبتكروا النظام البنكى
اللى ماشى بيه العالم كله(البنوك أساسا أبتكر وجودها يهودى انجليزى اسمه
Scheldon) واتفننوا فى رسم سياستها بحيث ان الفلوس اللى فى العالم كله تلف
تلف وترجع تتحط فى جيوبهم تانى.. وده بيدل على حرص اليهود على زهزة
الإقتصاد العالمى ونعنشة وفرفشة دول العالم كلها.. ليه بقى؟؟ لأنهم لو
سابوا لكل دولة فلوسها.. الحكام هيسرقوها.. آه طبعا.. وبجده كل واحد عنده
حساب فى البنك ينام وفى بطنه حوت أزرق لأن فلوسه فى جيب اليهود.. يعنى فى
أيد أمينة.. مش أمينة بس.. دى أمينة وسعاد وحسنية كمان.
*ملحوظة.. نقطة سيطرة اليهود على العالم بما فيه الإقتصاد تفضل ووضحها ليا صديقى العزيز المتخصص فى الشؤون اليهودية (mr. president)

تطور السيوف العربية.. طبعا كلنا شفنا أنكل "بوش" وهو بيرقص فى المملكة
بالسيوف العربية مع بسلامته ملك السعودية فى نفس الوقت اللى كانت أمريكا
فيه بتدك العراق.. طبعا هنا احنا فعلا لازم نشكر اليهود اللى علمونا ان
سيوفنا لما ما نرفعهاش للحرب ممكن نرفعها.. فى شارع الهرم

9) اظهار
"رحمة" حكام الخليج.. من شهور طويلة حصلت الأزمة الاقتصادية العالمية وعلى
أثرها أمريكا شلحت وقعدت تشحت على باب الحسين.. طبعا ده مخلصش الدول
"المسلمة" القاطنة بالخليج العربى حياهم الله.. وقاموا اجتمعوا فى الكويت
على ما أذكر وقرروا انهم يدعموا البنوك المنهارة بمبلغ مالى محترم.. أنا
للأسف مش عارف هما نتعوهم قد ايه بس وش هيكون حاجة حلوة عشان الجاز كان
غالى قبلها..
هنا بقى يبان دور اليهود الرائع فى اظهار طيبة قلوب
العمايم.. اليهود عملوا البنوك وخططوا النظم الإقتصادية زى نظام القروض
والرهونات والشراء بالسلف(الكريدت) ودول كانوا من أهم أسباب الأزمة + السبب
الكبير والجميل وهو الحروب اللى مولعة فى العالم كله واللى اليهود-طبعا-
هما اللى بينفخوا فى نارها واللى استنزفت موارد الدول وأدت لإقتراضها من
البنوك وده اللى سود الليلة اكتر ما هيا سودة..
دلوقتى بقى.. لو ما كانوش اليهود موجودين.. كانوا عمايم الخليج العربى جابوا منين فرصة يظهروا فيها طيبة قلبهم؟؟

10)
"هاااااااااااااااااا.. مين هناك".. كل يوم والتانى اليهود يقتلولنا جوز
عساكر على الحدود المصرية الفلسطينية المحتلة من الجانبين.. وواضح ان
الحكاية دى بتدايق سيادة فخاممة الملك المعظم الرئيس محمد حسنى مبارك الأول
عشر وبيطلع يرد على اليهود رد صارم شديد اللهجه يخلع القلوب ويقولهم: "لقد
تجاوزتم الخط الأحمر"..
الريس بصراحة لما بيقول كده فى كل مرة
بيقتلولنا فيها بطل على الحدود بيفكرنى بالشاويش عطية فى الأفلام وهو بيلف
فى الشارع بالليل ويقول: "هاااااااااااااااااا.. مين هناك"

حقيقي انا مش فاهم انت بتتكلم عن ايه

وانا كمان مش فاهمه حاجه اللي دخل المظاهرات بتاعتنا باليهود

الموضوع كبير كبير
هههههههههههههههههههههههههههه
مشكور فارس وملك ع المرور

احمد الموضوع الكبير داااااا انت اللى طرحته
فاكيد لازام نفهم منك هو داااا اعلان عن مميزاااات اليهود فى مصر
ولا دى مادة حيدرسوها ولا دعابة منك ولا ايه شكلك كدااااااااااااااا
وااااااااااااقع فى غرااااام واحدة يهودية ولا تكنش اتجوزتها وخات الجنسية
اوع يا اجمد تنسى اسمك احمد المصرى وكل مصرى الله عليه
هههههههههههههههه

طيب ممكن سيادتك تفهمنا الموضوع الكبير ده

شاكر لاهتماكم يا جماعة والله
والموضوع بسيط يا سمر ويا اسرار
باختصار دية نوع من الكتابة اسمه كتابة ساخرة لا اكتر ولا اقل
كاتب الموضوع بيسخر من تساهل حكامنا العرب مع اليهودواسرائيل
اعتقد كدة فيه وضوح للموضوع
والا لسة؟

» أحلى رومنسياااااااااااااااااات
» رومنسيات أطفال ولا أحلى!!!
» عداوة اليهود للمسلمين
» أحلى فساتين قصيره بأطقمها
» أحلى نكت عن الدمايطة ادخل بسرعه