شكرا للاخ فارس النوبه على عدم احترامو

السلام عليكم
فى الاول انا دخلت المنتدى
اكيد علشان كنت وثق ان كل الي فيها
ناس محترمه
لكن لو فى حد غير جدير بالاحترم
انا اسف ممكن اقول رد يكون مش كويس
بس انا هكون محترم علشان فى ناس كتير فى المنتدى
محترمين الاخ فارس فى رد ليه على موضوع
انا كتبتو بيغلط ياكابتن ياابو دم خفيف
يامور مش علشان اسم الموضوع الاهبل اكون انا اهبل
وعلى فكره الموضوع فيها افاده
بس اكيد انتا علشان عندك عقل تخين مش هتفهم؟؟؟؟
ليه مش هتفهم اكيد انا عندى الرد بس هكون محترم
ومش هرود

وده الموضو ع ا لسلام عليكم
هل تعلم ان العلم اثبت بان هناك 5 حقائق علمية لا يمكن تغيرها
هذه الحقائق اثبتت بالتجربة العملية والعلمية واليكم هذه الحقائق مع
الاثبات العملى
الحقيقة ,,, 1
انه من الصعوبة بل من المستحيل لمس جميع الاسنان باللسان
الحقيقة ,,,2
انك اهبل انسان بالوجود لانك قمت بالتجربة لتتاكد من صحة الكلام
الحقيقة ,,, 3
انك الان مبتسم وانت تقرا
الحقيقة ,,,4
انك مستمر بالقراءة لحب الفضول فيك ولاثبات هبلك
المستمر ولانك قمت بالتجربة اصلا
الحقيقة ,,, 5
انك راح ترسل هذة الحقائق لجميع اصدقائك الاهبل منك
حتى تثبت انك لست الوحيد الاهبل
مع تحياتى اهبل سابق ههههههههههه ههههههههه
اخوكم ايهاب شكرينو




واول ردمن الاخت اسرار

هههههههههههههههههه
شكرا ايهاب


والتانى من الاخت ملك روحى


هههههههههههههه
حلوه والله يا ايهاب

الاخ ردو كان كده

واضح انك اهبل عشان تكتب موضوع كدة هههههههههههههههههههههههه

انا عايز افهم مين الي اهبل انا ولا ,,,,,,,,,,,,,,,,,,,,,,,,,,,,,,,,,

انا مقصدش الكلام ده واللي انت فهمته انا برد من باب الهزار
وكنت بضحك ومعلش لو زعلك ردي

الرجاء من الاعضاء الالتزام بقواعد المنتدي
وعدم الاساءه والتجريح
بالنسبه للاستاذ ايهاب
الاستاذ فارس اعتذر عن الخطاء
نتمني ان نكون متعاونين

السلام عليكم اخوانى واخواتى فى المنتدى
انا حابب اشرح لكم وضعى الاجتماعى انا كنت من اسرة فقيرة جدا جدا جدا .... والدى كان راجل فقير جدا جدا جدا ...... واكيد بسبب الفقر ده كان ناتج عنه عدم اكمال تعليمى
لانى وصلت فى المرحلة التعليمية الى ثالثة اعدادى وبعد كدة مكملتش تعليمى دة سبب
رئيسى انى اتجهت للشغل واكيد ده حصل فى فترة دراستى فى المرحلة الاعداديه وكان
عندى احلام وطموح وحاطط قصاد عينى اهداف لازم بعون الله احققها شئ طبيعى ان علشان يكون عندك هدف لازم يكون فيه وسيله تحقق بيها هدفك وعلى ما اظن ان كانت اهم وسيلة او هى اكيد اهم وسيلة الفلوس اللى بيها تقدر تحقق اهدافك واحلامك
.....................................................
المهم اننى كان لازم التزم ماديا واكفى احتياجات اسرتى لانى كبير الاسرة بعد والدى يمكن بعد الفترة الكبيرة وربنا سبحانه وتعالى بعت لى حد كويس ومحترم وساعدنى فى اول خطوة فى حياتى يمكن دة كان سبب بعد ربنا سبحانه وتعالى فى اللى انا وصلت له بقى عندة سلسة مطاعم ومحلات مكونه من 3 محلات غير انى شريك فى مزرعة اسماك وشريك فى ورشة نجارة كبيرة ومرتاح مادايا بعد الظروف اللى انا مريت بيها
والله العظيم الكلام دة مش غرور ولا نفاق بس حبيت اقول الكلام دة علشان كل واحد يلزم حدوده انا واحد مكنش متعود يا خد مصروف من امه ولا احتى ابوه انا شعبى وابن بلد جدا جدا جدا ..... لكن احب الاحترام اوى واقدرة وزى ما بحترم الناس الناس لازم تحترمنى .... وفى الاخر تكون النتيجة ان حد اى حد يقول عليا (اهبل ) اكيد لو انا (اهبل )مكنتش وصلت اللى انا فيه بالحلال مفيش مليم فى فلوس حرام من يوم ما اعتمدت على نفسى ..............
وفى الاخر الاخت جنه مع احترامى الشديد ليها بتقول (الرجاء من الاعضاء الالتزام بقواعد المنتدي
وعدم الاساءه والتجريح
بالنسبه للاستاذ ايهاب
الاستاذ فارس اعتذر عن الخطاء
نتمني ان نكون متعاونين)
.........................................
يعنى من الاخر اكيد انا مش زعلان ولا فى حد فى الدنيا يقدر يزعلنى لان لو الاخ فارس النوبى قدامى انا كنت عرفت اخذت حقى كويس بس احنا بنتكلم من خلال الكمبيوتر وكلنا مفيش حد يعرف حد معرفة شخصيه .......................

تحياتى لاخوانى واخواتى فى المنتدى

في الاول انا بحييك علي رحله نجاحك
وبعدين انا بردو ابن بلد زيك ومن شبرا
وبحب الجدعان اوي
وكمان بحب اللي يعترف بغلطه وبحب اكتر اللي يقبل الاعتذار ويكون قلبه كبير ويسامح
خصوصا لما نكون في مكان بيجمعنا باعضاء زي العسل
وانا والله مبسوط اني معاكم وخصوصا ايهاب اللي نفسي اتعرف عليه بجد لانه شخصيه كويسه اوي

يللي بقا يا ايهاب عايزين عزومه حلوه حلاوه الصلح
هههههههههههههههههههههههههههه

السلام عليكم ....
مااااااشى يا عم امير
والله وانا بجد سعيد انى موجود
فى المنتدى مع اخواتى
ولو على العزومه انا تحت امرك
انتا والمنتدى وبعدين مافيش حاجه
انا مش زعلان بس ياريت نحترم بعض
يكون افضل برضو بجد يا امير انا مريض باالاحترام

ي صفه النبلاء يا استاذ ايهاب
وبعدين انت بتوهنا علشان تهرب من العزومه

الاخ المشرف علي باب الشكاوي والاقتراحات تفضل مشكورا وادلي برايه بعد كتابه الشكوي باسبوع علي الاقل
بيفكرني بالبوليس المصري اللي بيجي بعد الجريمه ما تحصل وبعد كده يشوف هايعمل ايه
في كل الاحوال هذا تقاعس منه يستوجب عقابه
اما بخصوص الشكوي وراي المشرف فيها فهو خاطيء بكل المقاييس
لاني المشرف فارس النوبه قد اخطيء بالفعل
فالرد يوحي بالجديه رغم بالرغم من وجود الضحك فيه ولكنه يحمل معني السخريه وهذا في حد ذاته خطاء
وقد قام الاخ فارس النوبه بتقديم الاعتذار وتقبله العضو ايهاب
وهذا وقد اقفل هذا الموضوع نهائيا ولا يسمح بكتابه اي تعليقات اخري
**********
يتم عقاب المشرف احمد المصري علي اهماله وتراخيه في الاشراف علي باب الشكاوي والاقتراحات بحبسه ثلاثه ايام في سجن فضفضه العام