ظل راجل ولا ظل حيطة

السلام عليكم
بجد انا شغلنى اوى الموضوع دى
لاسباب كتير بجد انا شايف ان فى بنات
كتير اوى مظلوما ,,,,, المهم علشان مش عايز ارغى كتير
وهجيب من الاخر
انتى ممكن تقبلى انك تتجوزى علشان ضل راجل و لا ضل حيطة؟؟؟

ممكن تتجوزى و خلاص علشان يتقال عليكى متزوجة و تبعدى عن لقب عاااااانس ههههههه

طبعا انتم شفتو مسلسل عايزة اتجوز
وشفتم معانات البنات عشان تجوز

و الله انا مرة سمعت واحدة بتقول انا عاوزة اتجوز ان شاله اطلق بعدها

اهو لقب مطلقة و لا عانس بصراحة انا اضايقت من كلامها جدااااااا استنوا اقولكم على حاجة تضحكم

بعض السيدات قاعدين مع بعض و واحدة بتشتكى من جوزها قامت واحدة قالت لها

اهو ضل راجل و لا ضل حيطة

عارفين ردت قالت اية؟؟؟؟؟؟؟

ياختى بلا نيله
ـ عمرك سمعتي عن حيطه بتشخر طول الليل ومتخلكيش تعرفي تنامي؟

ولاّ حيطه تدخل من باب البيت تجعّر عايزه الغدا.. وبعدين تطيّن عيشتك عشان الملح طلع زياده في البامية؟

ـ ولا ممكن ترجعي البيت فى يوم تلاقي الحيطه بتبوس في الشغالة؟
طب شفتي حيطه تملا سقف الشقة دخان والارض سجاير

ولاّ حيطه تدوخك وراها عشان تشوفيها بتكلم مين ف نص الليل فى التليفون

ـ طب الحيطه معروف مكانها طول الليل.. انما المحروس يدوخك وراه عشان تعرفي كان سهران في

انهي داهية؟.. قال ايه عنده شغل

ـ ولاّ في حيطه تحاول تطلّعك غلطانه فى كل كلمه تقوليها عشان تثبت للعيال ان الحيطه بتفهم عنك؟

ـ ولا حيطه تقعد تقولك ماتخرجيش بالعباية دى أحسن اقطّعها ولما تطلبى منها فلوس عشان تجيبى

عباية غيرها تعمل ودن من طين وودن من.... طيب ده حتى الحيطه ليها ودان
خالص كده انا قولت كل الي انا عايز اقولو
بس يارب ارزق كل البنات الزوج الصالح يارب و اجى انا واعضاء المنتدى كلها نفرحكم و اوزع الشربات بتفسى

وكمان اقوم بدور واجب جامد جدااا معكم
من مطاعم شكرينو ان شاء الله
ههههههههههههههههههههههههههههههه
ههههههههههههههههههههههههههههه

في بنات كتير بتفضل انها تتجوز وخلاص ومش شرط عندها الحب

بس احنا مش اي حيطه يل ليهاب باشا احنا سد منيع