60دقيقه مع الماضى

طبعا كلنا عندنا زكريات عددت علينا فيها
حاجات جميله كنا نتمنى نفضل عايشين فيها
وحاجات مؤلمه بنحمد ربنا انها عددت
ونزعل كل ما نفتكرها
لكن تفتكرروا لو نقدر نرجع الماضى
نعمل ايه...............؟؟؟
احنا دلوقتى هانحاول نعمل كده
هانرجع بالعمر للوقت اللى نختاره
والشخص اللى نختاره ..........بس ده فى حدود 60 دقيقه بس
انت دلوقتى معاك 60 دقيقه ترجع بيها للماضى
تختار مين تقضيها معاه؟؟؟
وتروح فين ؟؟؟
وممكن تقوله ايه ؟؟؟؟

موضوعك صعب اوى واسئلتك تقلب علينا المواجع..ليه كده؟؟
وتقوليلى اول ماكتبتى الموضوع انا اللى جيت فى بالك يعنى عاوزة تنكدى عليه حرام عليكى ده انا بقالى ساعه اكتب وامسح من النكد..........
المهم اهو حصل واتنكد وخلاص اكتب بقى....
اللى اتذكرهم واختارهم اقضى معاهم وقتى هما 3بحبهم اوى وعايشه بيهم وعلى ذكراهم مقدرش ابدا انى اعيش من غيرهم هما راحوا لكن فى قلبى وعقلى محفورين...مش بتذكرهم واعيش معاهم 60 دقيقه لا انا دايما عايشه معاهم ...
هختار منهم احبهم لقلبى وعقلى وكيانى بـــــــــــابـــــــــــا...
نروح فين بقى بيتنا اللى هو اساسه حتى بعد ما رحل عنا هو برضه اساسه..
وممكن تقوله ايه ؟؟؟؟
كتييييير اوى كلام الدنيا لو قلته مش هعرف اعبر بيه عن اللى جوايا...
هقوله انا مش عارفه اعيش من غيرك الدنيا بجد صعبه اوى من غير نصايحك ليا ..مش عارفه اعمل ايه كل ما اقابل مشكله ومش بلاقى حكمتك فى حلها... كل ما اتصدم فى الناس مش بلاقيك مش بسمع نصيحتك اللى بتقوينى وتقولى اعمل ايه لكن صوتك وكلامك فى ودنى وفى عقلى مش بيروح.....يابابا وحشتنى بجد انا عاوزة اقولك ان عشت السبع سنين دول على امل انك مسافر وهترجع لكن كل يوم بتبعد اكتر وشوقى ليك ولحنيتك بيزيد اكتر....انا من غيرك مكنتش بقيت انا.......اتعلمت منك كتييير كنت كل حاجه ليا ابويا واخويا وصديقى كنت دايما حكيم عمرك مافرض عليا شئ بالأمر كنت دايما تخلينى اعمل اللى انت عاوزة بس بعقلى انا...انت اب جميل اوى وياريت كل الناس زيك...وحشتنى يا اغلى من كل الدنيا ومن غيرك ضاعت عندى كل الدنيا مبقتش نيرفين اللى انت سيبتها ..نفسى اوى تيجى تزورنى وتقعد معايا نفسى اشرب معاك قهوتنا اللى كنت بتحبنى اعملهالك والليمون اللى مش كنت بترضى تشربه الا من ايدى..اااااااه يابابا رحت وراحت معاك كل حاجه حلوه.....ربنا يرحمك ياحبيبى.....

الله يسامحك يانورا...يامؤذيه شايفانى ناقصه ياختى ماشى ماشى....اهى دى بقى اللى تقولى عليها صفحه الوفيات بتاعه المنتدى ....انا مش هقولك اكتبى زينا لأنى عارفه انك قلبتى المواجع على نفسك وانتى بتكتبى الموضوع.......مـــــــؤذية بس بحبك برضه......ربنا يوفقك...
طبعا مش هقول شكرا يعنى على ايه شكرا على البهدله اللى كنت فيها لما رديت علي اسئلتك.

نفسى اقضى وقتى مع جدى الله يرحمه فين؟؟؟؟؟ فى المحل بتاعه
اقوله ايه؟؟؟؟؟؟ انى بحبه اوى ونفسى يكون معايا دلوقتى محتجاه اكتر من اى حد نفسى اترمى فى حضنه واحكيله على كل الى جوايا الى مش عارفه اقوله لحد واقوله كمان انه واحشنى اوى ونفسى كان يكون معايا فى رمضان زى كل سنه ويرجعلى تانى
نفسى اشوفك او حتى احلم بيك بتكلمنى نفسى احس بحنانه وحبه ليا تانى اسفه طولت ليكم
الله يسامحك يانورا فكرتينى بس بجد نفسى ما تكونش لعبه وبس لا تتحقق كمان
وعموما شكرا انك بتخلينا نفتكر الى بنحبهم بس ابقى ادعى لجدى الله يرحمه
شكرا يا حبيبتى

لالالالالالالالالالا انتوا فهمتونى غلط
انا مش قصدى انها تكون صفحه الوفيات
انا اقصد انها تكون حاجه رومانسيه
شويه يعنى اللى مقدرناش نعيشه
فى الواقع ممكن نعيشه هنا حتى لو كان مع حد من الخيال عمرنا
ما شوفناه فارس الاحلام........او فتاه الاحلام
مش لازم نقلبها دار المناسبات وفى الاخر تتدعوا عليه
انا عن نفسى هاقول لو رجع بي الزمان ومعايا 60 دقيقه
هاقضيها مع اصحابى فى ايام المعهد
والمكان طبعا هايكون على الرصيف على باب
المعهد زى ما كنا ديما بنعمل
وهاحكيلهم كل اللى حصلى من يوم ما سبتهم
وهاقولهم وحشتنى اوى الايام اللى كانت معاكوا
ومعرفتش اضحك من قلبى من يوم ما سيبتكوا

يـــــــــــــاكـــــذبـــــــــوز...........انتى مقلتليش كده......
والله لافتن عليكى انتى قلتيلى انا طبعا مش هشترك انا مش ناقصه...
لما قلنالك قلبتى علينا المواجع قلتى تغيرى ........مااااااااااشى...
لوعلى كده بقى ده انا افتكر اصحابى فى ثانوى وفى المعهد .....
والمكان التدريب العملى بتاعنا طول الاربع سنين كان بيختلف كل سنه...
بس احلى ايام كانت فى مركزشباب 360 الحربى بحلواااااان.....
واقولهم عرفت كتير وصاحبت كتير لكن ولايوم من ايامنا مع بعض ممكن ترجع...
صحيح احنا مش افترقنا لكن برضه مش بعض زى الاول....وحشتووووونى
ووحشتنى شقاوتنا ومقالبنا فى بعض وحشتنى ساندوتشات الكبده والقعده على باب المعهد...
اهى برضه مواجع ياست نوراااااا.....يابنتى اليوم اللى بيروح مش بيرجع ...
والذكريات دايما بتوجع لوذكرى مؤلمه وافتكرناها بتوجعنا لكن بنقول الحمدلله عدت.....
ولوذكرى حلوه وافتكرناها برضه بنتوجع علشان راحت ومش عارفين نرجعها....
باين المشكله بقت فينا بقينا بنحب النكد ولا ايه يادى الخيبه......
يالاااااااا اقولك شكراااااااااااااااااااااااااااا.....وخلاااااااااااص

اعتقد اني كل واحد لو عمل اللي انتي بتقولي عليه
مش هايكفيه عمره اللي عاشه مش تقوليلي 60 دقيقه
الانسان عباره عن مجموعه احزان وشويه لحم وحاجات كده فوق بعضها