مطلوب تدخل الادمن علي الفور

انا في شخص كلمني ع الايميل وقاللي ان اعضاء المنتدي مش متقبلين وجودك علي المنتدي
وانهم مش عايزينك وقالت ان مازن وحسام قالو انهم مش متقبلين وجودي واني لازم انسحب لان الاعضاء اتفقو انهم يقولو ل حاتم يلغي عضويتي ع المنتدي
انا والله مش مصدقه الكلام لكن عايزه اعرف مين الشخص ده وبيعمل ليه كده معايا؟؟؟؟؟؟؟؟؟؟؟؟؟

انا معاكى يا سومه لازم نعرف مين دى اللى كلمتك ...وانا كلمتها لما اخد منك الايميل وحافظه عندى المحادثه بتاعتها صحيح هى كلامها كان قليل جدااا وانا اللى قعد اتكلم كتير يمكن هى تتكلم لكن كان كل كلامها ملخص فى حاجه واحده عماله تكرر فيها والمحادثه عندى علشان لو حاتم طلبها...... سومه انتى عارفه ومتأكده من حبنا ليكى انا مش هتكلم عن نفسى خاااااالص لانك عارفه كويس علاقتنا ببعض شكلها ايه...لكن انتى لو دخلتى فى موضوع دعوه على العشا هتلاقى اعضاء انا بصراحه مش فاكره غير ايناس وساندى وبوسى طالبين ان العشاء يكون معاكى وهما مش يعرفوكى ده دليل على حب الاعضاء ليكى انتى عارفه برضه انتى غاليه عند ايناس وسندريلا ونورا اد ايه يبقى كلام زى ده مكنش المفروض يضايقك كده وبعدين معتقدش انك ممكن تصدقى لحظه ان حسام ومازن ممكن يقولوا كده دول ناس قمه فى الاحترام وانا واثقه ان لو ايه حصل حسام ومازن مش ممكن يتكلموا عن حد دول هما الأحترام نفسه زى كل الأعضاء واللى اكيد هى مش منهم .....وبعدين ايه اللى يضايق شباب من بنت هيغيروا منها اظن الكدبه الخايبه بتاعت حسام ومازن دى تأكد ان كلامها كله كدب واضح بقى انها فى سبب فى داخلها مخليها تعمل كده......ربنا يعينك والله يا حاتم انا مش عارفه ايه اللى بيحصل ده........
اخر حاجه هقولهالك يا سومه احنا بنحبك جداااا وعاوزينك فى المنتدى طبعا وانا بجمع لأنى عارفه أخواتنا واصدقائنا فى المنتدى متمسكين ببعض اد ايه وانتى من المنتدى ومن اعضائه المحترمين اللى لا بيسئ لحد ولا بيأذى حد.............شكراااا

متشكره علي كلامك نيرفين وانا والله العظيم والله العظيم مش مصدقه ولا كلمه وعمري ماصدق
ان حسام ومازن يقولو كده ابدا بس انا نفسي اعرف مين هي وليه بتعمل معايا انا كده ؟؟؟؟؟؟؟؟

اكيد الكلام اللى وصلك ده ياسومه كدب وان اللى وصلك الكلام دة مش بيحركها غير غيرة عمياء او مرض نفسى ، لانى انتى عارفه اننا كلنا هنا فى المنتدى اخوات واصدقاء وبنخاف على بعض ومحدش بيجرح مشاعر التانى ورغم اننا مش نعرف بعض بس هو ده احساس الاعضاء فعلا
واعتقد ان ناس محترمة زى حسام ومازن مش يقولوا ابدا ابدا كدة لانهم اساسا محترمين جدا وبعدين هيقولوا كدة ليه
، طبعا مش هتخرجى من المنتدى عشان كلام كدب جيه من واحدة غيورة لانك بنت مهذبة وطيبة ومعتقدش ان ممكن يكون حد متضايق من وجودك فى المنتدى
اختك سندريلا

حبيبتى سومة انتى اكيد مش محتاجة انى اقولك اننا كلنا فى المنتدى بنحبك
وانا شخصيا بحبك والكلام دة كلام مش مهم لدرجة انة يزعلك كدة سيبى اى حد عايز يتكلم يتكلم المهم احنا بنقولك اية
الكل فى المنتدى اخوات واصدقاء ومش ممكن حاجة زى دى تفرقنا عن بعض
ودايما مع بعض ان شاء اللة
ايناس

..سومه ما تصدقيش اي حد وانا مش ممكن أصدق ان حسام ومازن يقولوا عنك حاجه.
..واللي بلغت لك الكلام ده انسانه بتكدب عليكي لان حتي لو كان ده حصل ما ينفعش تقوله لان الفتنه أشد من القتل.

انا اعتقد ان الكلام ده مش صحيح نهائى واعتقد كمان ان حسام ومازن مايقولوش كده خالص وانا من رأي انك ماتهتميش بالكلام ده وسيبك منه وبلاش تدى اهميه للموضوع ده لان لو حد متضايق منك او شاف منك كلام مش كويس كانت طلبت منك ده على المنتدى ادام الكل ,
انا بحس ان كل اعضاء المنتدى بيحبوا بعض وبحس انهم اسره واحده .
احنا عايزينك فى المنتدى معانا وماتسمعيش كلام حد مالوش اى اساس من الصحه.........

ياسومه احنا كلنا بنحبك ومش تصدقى اى حاجه صدقى الظاهر قدامك بس وانا متاكده ان ولا حسام ولا مازن يعملوا كده واوعى تزعلى واحنا منقدرشى نتستغنى عنك

انا حزنت جدا للكلام اللي سمعته من سومة وازاي حاجه زي كده تحصل في منتدي محترم زي ده
اللي بيحصل شغل عيال وبنات تافهه اللي بتثير المشاكل ديه متسمعيش كلا م حد يا سومه لانك نواره المنتدي