دا إنتَ أخويا وابن أخويا وابن عمى.. والهموم اللى إنت فيها هى دايمًا كل همى.. دينك هو دينى ودماك تجرى ف وريدي.. ليه يا خويا يا بن أمى وابن أبويا.. تارك إنت وتار ولادك عهد والله ودين علينا.. تار هنخده من الخنازير اللعينة.. لو هتعرف أد إيه الحزن غالب فى القلوب..
والخراب خيم وساكن فى الدروب.. والوجع مالى الصدور ويّا الدموع.. إياك تظن إنك ف يوم واقف وحيد.. أو إننا عن المشاركة فى همك نحيد.. أبدًا ما يوم فات جفت دموعي.. أو حتى لقمة أكلتها سدت لى جوعي.. يا ابن غزة.. يا ابن فلسطين السليبة.. هييجى يوم وجاى أكيد هترجع فلسطين الحبيبة.. إياك فى يوم تهون من كفاحك.. أو من دماء نزفت من جراحك.. فى قلوبنا دايمًا مسطرين قصة كفاحك.
الإثنين 26 أكتوبر - 7:24 من طرف 
