مجروحة منك كثير يا بو العيال مالكْ / بتشكى م الوحدة دايما ولا راضى بأحوالكْ / صيف عدى ووراه شتا ما رضيت لى بوصالكْ /نسيتنا ليه يا على وتركتنى لأهلكْ / خليتنى أدارى الجريدة من خجلى بعمايلك ْ / جَربت مرة يا عِلْوَة تِتْصَالِحْ مع روحكْ /مِنْ غير كيس برتقال ِتِداوى به جروحكْ /ما تصَفى قلبك يا راجل وإرجع لى زى زمان / قالت لى أم حنان جارتنا اللى بعيد / إنك شكيتنى لحماتى ومعايا ما إنت سعيد / مِنْ غَيَّرَكْ يا على ما كُنا بيك راضيين / يكونش أخوك حاتم كبرها فى دماغك / خليه بقه ينفعك هادى البنات لأمك / وبلغنى يا ابن الحلال إنها بتخطبلك ْ / يكونش دا يهزنى والله وجلال الله لو جوزتك حماتى م الثانية للرابعة ما تهز فىّ شعرة ولا أَنزّل عليك دمعة / وأحُط على قلبى حجر يا بو قلب صُلب حَدِيدْ / وإن كنت فاكر إنى هسيبك فى راحة يا هيمان ، تبقى أكيد غلطان / أهم بناتك هاسيبهم خلى اللى وزوك علىّ ينفعوك يا جميل / والله ما أحلى الوفاء والصبر برضه جميل
تعليق
ام الصابرين
المصرى اليوم
الإثنين 26 أكتوبر - 7:24 من طرف 
