درب المهابيل --------تسمع اساطيل تقول العجب

درب المهابيل
------------------
فى درب المهابيل
تسمع اساطيل
بتقول العجب
قالو بنينا الهرم
وازاى
ابو فصاده انهزم
احنا اصحاب حضاره
عليها شاهد
صاحب الاداره
البيه بواب العماره
لكن ياخساره
عليكى يابلد
اتولد فيكى ولد
قال هنبنى وبنا
وفى لحظه
جسمه فى التراب فنا
لكن عالى وشامخ البنا
والسد العالى
بيصرخ بينادى
احسن يقع
ومع الزعيم يضيع
زى الحلم لما فنا
بيصرخ بصوت عالى
بينادى على بلادى
ويقول
طال حلمك ياجمال
طال حلمك طال
نبى امه عربيه
واحده
نبى امه عربيه
دستورها القران
طال حلمك ياجمال
واسمك هبفضل باقى
هرم حقيقى
مش وهم ولا خبال
ولاحجاره فى الدويقه
على رؤس الغلابه
تسقط وتنهال
طال حلمك ياجمال
والبيه ابو زلومه
ابو نظاره مشؤمه
فى درب المهابيل
بيبص للناس
انهم زيه
من طبقه عاليه
من طبقه هز الوسط
والبكوات الحراميه
ميعرفش انهم طبقه مكويه
وبطونهم من الجوع مهويه
قلوبهم وقفت
من اكل الفول والطعميه
عمال على بطال
بيرفع فى الاسعار
وبقول اعزرونى
اصل الجنيه
مقاسه متخد من الدولار
صحيح مفاجيع
فوق الكراسى
قاعدين
لابسين
براديع
والقدر حاميهم
فاكرين ان الشعب غافل
فاكرين انه ناسيهم
ميعرفوش ان العد
مش فى الطالع
العد فى النازل
وان الشعب
فى يوم هيصحى
وضربته هتوجع
هتمحى
من اول البيه
صاحب الاداره
راح تفنى
لحد اخر المساطيل
اللى فوق الكراسى قاعدين
ومعاهم رايسهم
ابو نظاره مشؤمه
لكن بنبنى ليهم مبانى
تليق بمكانهم السامى
لو مكنتوش مصدقبن
روحو مدينه نصر
هتلاقو بيوت كتير
ملهاش حسر
لكن امتى اليوم
اللى راح تصحى
ياشعب فيه وتقوم
وتخلى اعلى مافيها واطيها
لحد ماتاخد حقك
من اللى ظلمك فيها
ولا هتفضل ساكت
وتسيب حاميها حراميها
امتى اليوم
امتى اليوم
اللى
راح
تصحى
فيه
وتقوم
--------------------------

لكن امتى اليوم
اللى راح تصحى
ياشعب فيه وتقوم
وتخلى اعلى مافيها واطيها
لحد ماتاخد حقك
من اللى ظلمك فيها
ولا هتفضل ساكت
وتسيب حاميها حراميها
[color=black]الشعب خلاص مش هايقوم
انسى ده كان زمان
دول مش ناس بتسرق
وتنهب وخلاص دى ناس عامله
خطط فى الاول جهل وفقر وبعدين مرض
وختمت بالتوريث
يبقى مين اللى هايفوق ويقول للحرامى
كفايه حتى اللى قالوا كفايه مقدروش يكملوا
هى دى النهايه وسازج اللى يستنى التصحيح
شكرااااااااااا نور [/color]

ان شاء الله الامل موجود
مادام فى اله فى السما موجود
اوعى تفقدى الامل
خلى دائما ايمانا بالله اكبر
يمكن ميكنش جيل النهارده ولا الجيل القادم
لكن دائم الظلم قصر مهما طال
لان الله اسمه الحق
فى اله اسمه العدل موجود
ومادام بنؤمن بالله الواحد
العدل
القاهر لكل ظالم ومستبد
يبقى على الامل عايشين
لكن الامل باولد فى قلب الرجال
الرجال اللى بجد
وبحلم وانتى كمان احلمى
بان البلد تتملىء بالرجال
الرجال اللى عزيمتهم هزمت
المغول والتتار
وحررت القناه
عاوزين رجال
من طبيعه عمر المختار وصلاح الدين
اوعى الامل منك يضيع والياس يخد مكانه
ان شاء الله الامل موجود حتى لو مش فينا
احلمى به فى عيون الاطفال
حتى فى عيون كل جنين داخل الارحام
لكن اوعى يتسرب الياس لقلبك وقلوب كل البشر

ان شاء الله الامل موجود
مادام فى اله فى السما موجود
اوعى تفقدى الامل
خلى دائما ايمانا بالله اكبر
يمكن ميكنش جيل النهارده ولا الجيل القادم
لكن دائم الظلم قصر مهما طال
لان الله اسمه الحق
فى اله اسمه العدل موجود
ومادام بنؤمن بالله الواحد
العدل
القاهر لكل ظالم ومستبد
يبقى على الامل عايشين
لكن الامل باولد فى قلب الرجال
الرجال اللى بجد
وبحلم وانتى كمان احلمى
بان البلد تتملىء بالرجال
الرجال اللى عزيمتهم هزمت
المغول والتتار
وحررت القناه
عاوزين رجال
من طبيعه عمر المختار وصلاح الدين
اوعى الامل منك يضيع والياس يخد مكانه
ان شاء الله الامل موجود حتى لو مش فينا
احلمى به فى عيون الاطفال
حتى فى عيون كل جنين داخل الارحام
لكن اوعى يتسرب الياس لقلبك وقلوب كل البشر

ليه نقد الامل
ورسولنا الكريم
صلى الله عليه وسلم
منه بنتعلم
ارجعى اختى الكريمه
الى رسولنا الكريم
مكنوش لاقين طوابير العيش
علشان يقفو فيها
وكان حصار اهل مكه
لكن بعزيمه وايمان
قبل التحدى
محدش فيهم قال ان الجوع هيموتنى
ولا هيمنعنى انى اكافح الظلم
ارجعى للمسلمين اللى بحق
وازاى كانو بيتحدوالصعاب
والجوع
والعطش
ويرحبو بالموت
وبعد الرسول
وبعد انتهاء الفرس والروم
وصلنا للصحابه رضى الله عنهم
ووصلنا واتولد فينا
عمر المختار
واتولد فينا صلاح الدين
وسعد زعلول
وعرابى
صدقينى
الامل موجود وكل يوم بيزيد
لما الظلم يكبر ويزيد
ربك الرحيم بيبعت فارس
ومعه الامل والبشاره
بيوم جديد
لكن يمكن الارض مش ممهده لاستقابل فارسنا اللى جاى
لان لابد من تغير النفوس وافقترابها من الله
ربنا مش هيغير قوم حتى يغيره مابانفسهم
لابد من التوجه والرجوع الى الله وان الانسان فعلا يكون مخلص لربه
علشان ربنا يخلصه من الهم اللى هو فيه
الانسان اللى بيقف فى طابور العيش يا اختى العزيزة
واللى جعان ومش لاقى
بيعاكس البنات وبيشرب المخدرات ومش بيفكر عقله انسلب منه وهو دهه اخطر مافى الموضوع
شباب كله سلبيه وشباب اصبح معدوم الاهميه وشباب بيقول ياعم هوانا لاقى اكل علشان افكر
لالالالالالالالالالا
ياختى
انشرى الامل واحلمى به
ان شاء الله هيجى بكرة وى عهد كله امان وحب وعهد كله عدل لان ربنا عدل ومستحيل الظلم يفضل الى مالانهايه
العدل والحق والخير لكل البشر اتى لا محاله
ان شاء الله
والعدو الاكبر واشيطان الاعظم بدء يترنح الان وبد ء يصيبه العجز والفشل وهى عوامل النهايه وعندما يسقط الشيطان الاعظم سوف تسقط معه كل انظمه الاستبداد فى وطنا العربى

شكراااا نور على مجهودك