الشيف انهارده(همس الجنه 30)

اسمحولى انى اكون الشيف بتاعكوا انهارده وانا اللى اطبخ ليكوا ويارب اكلى يعجبكوا
انا انهارده هعملكوا ارز مفلفل ومكرونه ولحمه مقليه وبوفتيك وكباب وقطايف باللحمه المفرومه

هنبدأ بالمكرونه:
اول حاجه نعمل صلصله الطماطم وده عن طريق ضرب الطماطم فى الخلاط ونصفيها ونضع بعض الزيت على النار الى ان يقدح وبعدين نحط الصلصه فيه ونسيبها لما تتسبك ونضع عليها البهارات
ولابد من سلق المكرونه وده عن طريق وضع كميه من الماء على النار الى ان يغلى ونحط فيه المكرونه ولما تتسلق نصفيها من الماء ونضعها فى الصلصه بعد تسبيكها وننتظر حتى تستوى

الارز المفلفل:
نجيب الارز ونغسله جيدا ونضع كميه من الزيت على النار ولما يقدح نضع بعض الارز وليس كله ونحمره فى الزيت حتى يكتسب لون الاحمرار ثم نضع كميه من الماء والملح ولما يغلى نضع باقى الارز ونقلبه جيدا ثم ننتظر الى ان يستوى

اللحمه المقليه:
نجيب اللحمه ونغسلها جيدا ثم نضعها فى حله على النار حتى تجف من المياه ونضع عليها البهارات الازمه ونخرط عليها بصله او بصلتين وحبه طماطم او حبتين ونضع عليها كميه من الماء ننتظر حتى تقترب من الاستواء ثم نضع عليها الملح قبل ان تستوى بفتره صغيره ثم ننتظر الى ان تستوى
وبعد كده نقلى اللحمه فى الزيت حتى تكتسب لون الاحمرار

البوفتيك:
المقادير :
كيلو لحم بقري – قليل من الخل – عصير ليمونه – عدد 2 بصل مبشور – ملح فلفل اسود- بقسماط - بيض
الطريقة :
يدق اللحم بالمطرقة ويتبل بالخل وعصير الليمون والبصل والملح لمدة ست ساعات .
ثم يغمس في البيض والبقسماط ويقلى في الزيت واثناء التقديم يزين بالبقدونس وشرائح الفلفل الأخضر .
وممكن تزينه ايضا بوضع شرائح خيار ـ طماطم في اطراف الطبق الذي يقدم فيه البوفتيك بالاضافة الى البطاطس المحمره ( الشيبسي ) .
الكباب:
المقادير:
لحمة مفرومة (طبعا الكمية حسب عدد الاشخاص عندك انت تقدريها)
2بصلة متوسطة-3 فصوص ثوم-1/2 حزمة بقدونس اخضر وطازج-2 حبة طماطم كبيرة-2 مكعب ماجي-4 ملاعق طعام صلصة-ملح/فلفل اسود/ابزار/قليل من القرفة

الطريقة:
طبعا تغسلي اللحمة المفرومة وتدعيها الى ان تتخلص من الماء تماما
تضعي في الفرامة اليدوية او الكهربائية كل من الثوم والبقدونس والبصل وتخلطيهم جيدا
تضعي اللحمة في وعاء كبير طبعا تكوني متاكدة انها اتخلصت من الماء ثم تضعي فوقها الخلطة (البقدونس والبصل والثوم)بعد ذلك تضعي جميع البهارات السابقة الذكر وتقومي بخلطها بيدك حتى تتجانس المقادير مع بعضها البعض
تضعى مقدار ثلاث ملاعق اكل من الزيت ثم تقومي بتشكيل الكباب كما ترغبي حتى الانتهاء من الكمية
وتضعيه على النار حتى يسخن وتسمعى صوت الزيت تهدي على النار وتقومي بتقطيع الطماطم ال مكعبات وتضعيها على وجه الكباب ثم تضعي الماجي والصلصة ومقدار من الماء
راقبيه بين الحين والاخر وزيدي قليل من الماء اذا لزم الامر
القطايف باللحمه المفرومه:
نحضر اللحمه المفرومه زى ماعملناها قبل كده
ونجيب القطايف ونحشيها لحمه مفرومه
نقلى القطايف بعد حشيها فى الزيت الى ان تحمر
وبعد مانحمرها نضعها فى اناء به شوربه حتى تشرب الشوربه ونشيلها علطول

تسلم ايديكى ياحبيبه قلبى امال يعنى مش بتورينا الحاجات دى ليه بس انتى طلعتى اشطر منى يلاه بالف هنا وشفا للى فى بالى سلااااااااااااااااااااااااام

الاول اشكر همس جدا جدا

مع انى زعلان طيب انا بحب اشرب شربه
اين هى الشربه؟
ثانيا المكرونه

جبتها ووضعتها فى الماء على النار لمده ربع ساعه حقيقى كانت حاجه فوق الوصف

المهم قلت انا شاطر فى الارز

بلاها مكرونه الارز طلع احلى واحلى نصفه اسود ونصفه ابيض

ضحكت على مهاب واكلته الاسود واكلت انا الابيض

معلش يا همس اهو بتعلم منك
وريناد عاوز اسالك
(بالف هنا وشفا للى فى بالى )

مين اللى فى بالك
الف شكر همس
وبالهنى والشفى

تسلم ايدين اللي طبخت وربنا يستر

**شكرا همس علي كل الاكلات الجميله دي...

مشكووووووره همس