*كلمة(آسف) هل تداوي الجراح؟؟

كلمة(آسف) هل تداوي الجراح؟؟

أسئلة بحاجة لإجابات ؟؟


هل كلمة(أناآسف)تداوي الجراح ؟

هل هي كافية للمسامحة و النسيان ؟

هل تغفر الزلات ؟؟

هل تشعرك بالرضا ؟

هل تزيل ماتركته من آثار في النفس؟


هل يحن و يرق القلب أمام هذه الكلمة ؟
منقوووول....

حقيقى مش عارفه اقولك ايه جنا

لكن بشكرك واقولك انتى وريناد بدور علي كلامك بكون سعيده جدا وانا مع كلامكم وتعليقاتكم


لكن رد على موضوعك القيم


نعم الاعتراف بالحق فضبله


وحتى ان لم يكن الاعتزار كافى حتى يمحو من الذكرى الالم

لكنه بخفف الالام فكلمه اسف مطلوبه ولكن تكرارها مرفوض

..نعم ,كلمه أسف تداوي الجراح ولكن عندما تقال بصدق وتكون ناتجه عن ندم حقيقي.

انا رأي انها ممكن تداوى بس حسب الموقف والشخصيه , فى مواقف ماتكفيش فيها كلمة اسف حتى لو كانت صادقه لانها بتكون اتقالت بعد فوات الاوان
شكرا ليكى يا جنا لعرضك المسأله دى وفى انتظار المزيد منك ... .....

في حالات كتير مينفعش فيها الاسف اذا تعلقت بالكرامه فجرح الكرامه لايعالج بالاسف ولكن هناك امور كثيره تعالجها كلمه اسف

ميرسى جنا على موضوعك....
كلمه أسف علشان تقبل لازم نحس صدق المعتذر لازم نحس انه نادم فعلا علشان نقدر نسامح ...
بيبان الندم فى العيون ومن الكلام نقدر نحس صادق فى ندمه ولا موقف بيحاول يهديه وخلاص بالعقل والاحساس هنقدر نميز....الاهم من كده اننا لازم يكون عندنا المقدره على السماح وقبول الأسف...
صحيح ان الكرامه لاتقبل الاعتذار لكن لو فيه حب هيبقى فيه تسامح وتنازل شويه ..
ميرسى جنا...ربنا يوفقك.............شكراااااااااا

هو في ايه يا جنا مواضيعك من فترة حزينة نتمني نعرف السبب
وبعدين انا زي الفيك مش بحب شريك انا الطائر الجريح الوحيد اللي هنا ربنا ما يكتب الحزن ده علي حد
نتمني نعرف سبب نبرتك الحزينة دي يا جنا بلييييييز
هو فعلا الاسف ممكن يعوض عن موقف حصل لكن ده ليه مومات كتيرة فمثلا الاعتزار اه رد كبير وشعور بالزنب
لكن مش في كل المواقف في مواقف اكبر من الاعتزار
وبرده مش كل الناس بتتقبل الاعتزار فقط
وبرده مش كل الناس بتعتزر
وفي ناس بتعتزر مش القلب لكن اداء واجب
وجزء من اللي يعتزر يعتزر بعد فوات الاوان
ياااااااااااه يا جنا ده موضوع كبير اوي مش ممكن يتحس الا بين اتنين
اللي بيعتزر واللي بيعتزر ليه هما اللي ممكن يعرفوا بعض ويحسوا ببعض
رجاء تاني نعرف سبب نبرة الحزن دي لو تسمحي

**شكرا لمازن ونيرفين وملك واميره............
**وشكرا محمد علي اهتمامك وباالنسبه لسؤالك:
**رجاء تاني نعرف سبب نبرة الحزن دي لو تسمحي
**السبب ببساطه لما أقرب الناس لينا بيؤذونا ,او يجرحونا وكمان ما يحسوش بينا........
*وده السبب بصفه عامه.............
*شكرا جدا جدا مره تانيه محمد علي اهتمامك........

طيب ليه بس كده يا جانا
طيب انا ليا طلب ممكن
لو موافقة قوليلي يمكن اقدر اخرجك من الحزن ده
يا ستي اعتبريها غيرة ان في 2 في المنتدي طائر حزين ونقول كروان حزين وانا عايز ابقي انا لوحدي تقولي ايه بقي......................
طمع

**كل اللي أقدر اقوله محمد اننا لما بنعطي الثقه المطلقه لانسان لدرجه اننا بنكدب احساسنا وبنلغي العقل والمنطق علشان نصدقه وبعدين نكتشف اننا المفروض كنا نصدق العقل والمنطق ,,
**بتكون صدمه كبيره وبنفقد الثقه تدريجيا وفيه اشياء كتير جميله بتنكسر جوانا......
**بس الحمد لله اولا واخيرا...........

اوقات كتير الاسف والاعتذار بيكون حل لانهاء المشاكل البسيطة لكن فى حاجات صعب الاعتذار والندم يكون كافى فيها زى الخيانة والغدر

انا من رائى وممكن ما يعجبش حد انى لو حد جاه واتاسفلى انا حسامح من غير اى حاجه لكن التسلمح والغفران صفه من صفات ربنا ومش بحب اشوف حد زعلان منى او يتاسفلى لاى سبب بسامح وبغفر بسرعه

اوقات كتيره بتبقى مشاعرنا مسيطره علينا لدرجه انه ممكن يبقى فينا الم وحزن من انسان معين وتبقى كلمه اسف هى اكتر كلمه محتاجنها علشان نرجع للانسان ده واوقات كتيره زى ماقال مازن تبقى الكلمه فيها مش كفايه علشان نرجع زى الاول المهم الافعال اللى تيجى بعد الكلمه
بس الاهم ان القلب الطيب هو اللى مبيستناش الكلمه اصلا وممكن يسامح من قبلها وده برده بيرجع للموقف

لاسف يا جنا اوقات لما الجرج يكون قاسى على الانسان اوى مش بنقدر نتقبل انا اسف بسهوله ممكن بعد فتره وكلمه الاسف بتخخف من الام الجرح ويارب مايجعلنا مجروخين او بنجرح حد
مشكوره حبيبه قلبى