متحبش فى زمن مفوش حب
لحسن يقول عليك عبيط
متفكرش انك تكون مخلص
فى زمن انتهى من الاخلاص
ليقولو عليك غشيم
كلامك اللى تقوله خليك قده
واوعى فى يوم ترجع عنه
حتى لوغصب عنك
متعش حزين طول عمرك
عشان حبيبك خانك وراح لغيرك
متخليش دموع عنيك تنزل
قدام حد جرحك عشان دموعك
بتجرحك اكتر
لو عديت على بحر ولقيت غريق
انزل هاته لو حتى هتموت معاه
يمكن عياله احنه عليه من ناس غاليه عليك
لو فـ يوم اضحك عليك
متزعلش اوى محدش بيتعلم بالساهل
محدش بيتجرح من فراغ
لازم تكون انت اللى غلطان
يعنى حبيبك شافك مش قد حبه
عشان كده اكيد جرحك
لو حبك ضاع متندمش فـ يوم عليه
اندم على لحبيبك انهو خسرك
انهو ضحى بيك علشان اوهام
لو عنيك بتبكى انهار من الدموع
على انسان كنت فاكره ملاك
بس طلع اسوء انسان عرفته فـ حياتك
خلى دموعك تنزل عليه
لانك مخسرتش حاجه
غير دموع عنيك
لو ليك صاحب فـ يوم كان صاحب
وفـ ثانيه باع الصحوبيه
عشان حاجه مش تستاهل
متزعلش منه
ده صاحبك وانت اكيد كنت عارف عيبه
ولو مكنتش عارفه يبقى سورى انت المغفل
لوعديت فى يوم فى غابه كبيرة
وطلع ليك اسد وحيه
وفى كل اتجاه الموت
افتكر الله وهو ينجيك من اللى انت فيه
واوعى تخاف ده الخوف اصعب حاجه
ممكن تتقال عليك
انك خواف
وهو ده الزمان
ونفس المكان
بتتجمع الانظار
عليك وانت بتبكى
الجزء الثانى
بيقولك صاحبك دراعك
وعمك قرشك والدنيا ملهاش امان
يعنى يا انسان متفتكرش انك هتعيش اكتر من عمرك
بيقولك هين قرشك ولا تهين
ده كلام حقيقى
اذا كان الدنيا بتخلينا نبيع نفسنا عشان الفلوس
يعنى هو انت نفسك عشان تجيب القرش
ولما جه محستش بطعمه
مهما تجرى على الارض
مش ممكن تسابق الارض
متفتكرش انك بكل فلوس ونفوذك
ملكت الدنيا ديه
ديه فـ ثانيه وتقلب بيك
زى البحر مع انى بحبه
بس هو غدار جدا
الحياه مش اكتر من رحله سعيده
بتعيش فيها ليك حاجات
وعليك حاجات
بس اللى عليك كتير كتير اوى
فامتفكرش انك ليك حاجه
هتعيش طول عمرك مجروح يلى الزمن جرحك
بس صدقنى فـ يوم من الايام اللى جرحك لازم ينجرح
احسبها صح قبل ما تقول
متقولش كلام وترجع تقول يا رتنى ما قولته
فكر فى كل حاجه ميت مره
واحسبها بعقلك
ابكى ابكى ولسه هتبكى كتير
ابكى يا دنيا ما انتى من كتر جرحك فينا
بقينا مجاريح
وعجبـى
الجزء الثالث
متعيش حزين عشان حبيب خانك
وراح لزمان غيرك وضحى بيك
دموع عنيك غاليه عليك
متخلهاش تنزل ادام ناس مش تستاهل انها تشوفك بتبكى
الله يقدرنى على نسيان الجرح
اللى سببته ليا الدنيا
ما هو لو مش نسيت جرح الدنيا
هتعيش مجروح طول عمرك
زى ما صاحبك دراعك
وعمك قرشك
فسلاحك قلمك ده كلام ناس كتير
بس الناس اللى معاهم القلم
مش بيدافعوا عننا ليه
فكرت انك تحب
فكر فى مليون حاجه
فكر يعنى ايه ارتباط وجواز
هتدفع كتير يا غالى
وعاوز فلوس كتير عشان تفكر تحب
عيش كريم تفضل كريم
كرمك الكتير بيخليك انسان بجد
وتحس بالالم الغير
متفتكرش انك بجراحك فى الناس هتعيش كتير
لا بالعكس قلبك من كتر الجرح
هيبقى مجروح وجارح فى نفس الوقت
وده هيخليك تعيس طول عمرك
ابكى من الوهم
ابكى من الحلم
ابكى من الحب
ابكى من روحك لحد ما روحك تطلع منك
وعيش حزين طول عمرك
الجزء الرابع
الحب نظره ولمسه وهفوه وضحكه وكلمه
ورقصه وداع فى الاخر محكومه علينا
تعيش تحاول تحب
ولا تحب وتحاول تعيش
والاتنين اصعب
محدش بيتعلم بالساهل
يعنى لو اضحك عليك
من واحد كنت فاكره اقرب الناس ليك
متزعلش اوى مسيرك تتعلم متصدقش اى حد
زى ماقالو صاحبك دراعك
وعمك قرشك
وسلاح قملك
فروحك حلم حلم كبير
لو عشت عليه هتندم انك عشت ليه
السمك فى البحر عايش
والطير فى السما بيطير
والانسان فى الارض عايش بس مش عايش
امره غريب خالص
تلاقيه يوم بحال وحال
يوم يتشهى للمال
ويوم السطله والنفوذ
ويوم الجاه
ويوم يقولك بحب الله
وناس بتقتل فى ناس
وناس بتحرق فى ناس
وناس شايفه وساكته
انت بقى مين فيهم
عيش على قد ما تعيش متفكرش انك فـ يوم هتعيش
متحلمش بحلم اكبر منك
لحسن تقوم من النوم مفزوع
متفكرش فى حب اكبر منك
لحسن تكون منه مجروح
الإثنين 26 أكتوبر - 7:24 من طرف 
