ابو حنفى الفشار

يا جماعه

انا حزين وحيران
صحيت من النوم
لاقت روحى فلسان
دورت بين الحروف
علشان اصنع منها
ليكم اعذب الالحان
لاقت روحى فلسان
قلت لنفسى
ياواد يابو حنفى
دانت ياواد
اللى بتصنع من الفسيخ
شربات
وبالنقط فوق الحروف
فوق الورق
بين السطور
بترقص الكلمات
وبتحولها نغمات
معلش
يا جماعه
ابو حنفى مش مغرور
لكن واد فنان
وامبارح كنت سهران
بحاول انسى الطائر الجريح
الاحزان
اصله كان متاثر وزعلان
حتى اسالو
مندى وحاتم وعبد الرحمن
كنا بنسمع الست مرجانه
ونتفرج على دينا
وهى لابسه بدون فستان
اصل الجو كان برد
والست دينا
جسمها كان بردان
قالت ارقص والبس
من غير فستان
شكلكم
مش مصدقين
بتقولو
ابو حنفى واد فشار
كده منكم ازعل
وارمى روحى فى النار
طيب
بكره اخدكم معاى
فى خيمه رمضان
بعد الفطار
تشوفو بعينكم
ولاد بلدنا الكبار
الحلوين الشطار
بيتفرجو على دينا ولوسى كمان
وبيسمعو من ابو حنفى الاشعار
بيسلو فطارهم
بركاتك يالوسى
وانتى يادينا كمان
على ايديكم هنشوف الجنه
ونهرب من عذاب النار
والله
والله
والله
عار كل العار
بعد مانصوم ونصلى
طول النهار
فى الليل نشوف افلام
وبرامج رمضان
وكمان ولاد الاكابر
يخدونا معاهم
خيمه رمضان
البنت نورا
بتقولى يا فشار
بتقولى من اين
ثمن التذكره
وانت كبيرك
اثنين جنيه
تركب القطر
وتاكل فيشار
يرضيكم كده يا جماعه؟
سندريلا
تقولى
ابوحنفى يا فشار
كبيرك تتسحر
بربع جنيه
فول وجبنه وخيار
ينفع كلام اصحابك يانرفين
على العموم
ابو حنفى
هايسمع كلام ست البنات العاقلين
هاصلى واصوم فى رمضان
احسن
مااكون فى الدنيا خسرت واتحرمت
والاخره كمان
اكون الجنه
خسران
00000000000
يارب رضوانك واجعلنا من عبادك الخاشعين الحامدين الشاكرين

شكرا يا ابو حنفي انك بتفكر فيا انت اكتر واحد لو ما كنتش الوحيد اللي محسسني بوجودي في المنتدي ده والله ويا رب ينولنا رمضان انا وانت وكل اخواتنا اللي في بيت العائلة الكريمة ويا رب لو حد مضايق مني يقولي قبل رمضان علشان اصالحه اصل من الواضح ان مفيش حد مرحب بيا خالص

ابو حنفى يا فنان
ماتزعل منى
انت فعلا فشار ومغرور كمان
سحر

ياسيدى افشر شوية قبل ما يجى رمضان بس اوعى تروح عند الناس الشريرين دول بضه تسيب الصلاة والتراويح وتروح للوسى ودينا اعوذ بالله
وبعدين والله منورنا يا طائر ياجريح بس هنعمل ايه الادمن الله يعينه مش فاضى ينزل تهانى
سندريلا