كله يغنى احنا معاك احنا معاك

يا جماعة بلاش كدة
دى البصة فى وش السيدة الفاضلة تشبع مش تقطع الخميرة م البيت !!
سوء اية وتغذية ايه ؟؟
بص لاسم النبى حارسه وصاينه محروس امه
وش بيبرق وكرافتة تزغلل وبدل اخر الاجة
ولا ريحته
لالالا
كله الا ريحته
هى صحيح من ارقى العطور الباريسية
بس يا اخى سبحان الله ما تعرفش ليه نتنة
ولا سيرته
اول ماتنفتح سيرته تلاقى نفسك اتفتحت عن الاكل وفضلت تطرش تطرش تطرش
لان بيفتح المجارى
قصدى بيفتح النفس فشوف بقه السبب ؟؟
مش لان اسعار الاكل نار
ولا لان الذمة والضمير ماتوا
ولا لان الربح هو شغل الناس الشاغل بصرف النظر عن السلع
ولا لان الطعام فى الاصل مسرطن ومهجن ومدجن وهو عبارة عن زبالة مدهونة اكل
لا لا لا لا
كمل ده مش صحيح
السبب انه احنا كل نما نشوف الريس وعياله والحزب الطنى ورموزه بنشبع على طول
ونفسنا بتتسد
ونقوم من ع السفرة مش عشان الاكل بح
للا للا لللا لللا لللا
لكن عشان نسقف ونغنى ونقةل احنا معاك
احنا معاك
احنا معااااااااااااا
لا مؤاخذة اصل صوتى راح م الجوع