شارك برأيك: التوك توك في مصر .. نعمة ام نقمة؟

شارك برأيك: التوك توك في مصر .. نعمة ام نقمة؟

انتشرت مركبات التوك توك بأعداد كبيرة وبشكل سريع في جميع محافظات مصر خلال السنوات القليلة الماضية.
واصبح التوك توك وسيله يعتمد عليها ملايين المصريين خاصة في الاحياء الشعبية والاقاليم.
ويرى بعض المصريون ان التوك توك ما هو الا وسيلة مزعجة وغير امنة تقفسببا وراء الحوادث، حتى ان لجنتا النقل والدفاع والأمن القومى بمجلس الشعب طالبت منذ شهرين بوقف تصنيع التوك توك ومنع استيراده بعد أن تحول إلى وسيلة مواصلات مزعجة ضاعفت من أزمة المرور وتحول إلى خطر يهدد أرواح المواطنين لأن هذه المركبات الحالية غير مطابقة لإجراءات الأمن والسلامة.
لكن اخرون يرونها وسيلة عملية خاصة في ظل ارتفاع اجرة التاكسي وزحام المرور، فضلا عن انها فتح باب للرزق لملايين الشباب الذين يعملون عليه او يمتلكونه.
وقال حمدى الطحان رئيس لجنة النقل "إن التوك توك تحول إلى ظاهرة تستحق الدراسة بعد أن وصلت أعدادها 400 ألف فى المحافظات وقيمتها حوالى أربعة مليارات جنيه ويصل متوسط عائدها الشهرى إلى 360 مليون جنيه من نقل الركاب".
وقال أحمد فرج سعودى رئيس مصلحة الجمارك "إنه يتم تحصيل 10% ضريبة جمركية على التوك توك".
فما رأيك انت في التوك توك ، هل هو نعمة أم نقمة؟ ، هل هو وسيلة نقل تسهل على المصريين البسطاء انتقالهم من مكان لاخر ام انه اضاف لفوضى المرور في مصر مزيدا من العشوائية؟ وهل يمكن عمليا السيطرة على التوك توك والزام سائقيه بقواعد المرور ام ان ذلك مستحيل؟
شارك برأيك الان من خلال التعليق على هذا الموضوع.

انا شايفه انها نعمه ونقمه ليها مميزات وعيوب هي مميزاتها ف المدن اللي مواصلاتها اقل او وسائل المواصلات فيها ضعيفه لكن نقمه ف المدن الللي وسائلاها كتيره مش محتاجه علشان الازدحام لوسائل المواصلات متبقاش منطقه مليئه بالمواصلات ومنطقه فارغه نهائيا منها

شكرا اولا على الموضوع الجميل
انا شايف انه نقمه
وعمرة ما كان نعمه
شباب قليل الادب راكب التوكتوك
وملهمش دعوى بقواعد المرور
ولا اى اداب
وكمان انا شفت منهم بيعكسو البنات البتركب معهم

هههههههههههههههههههههه كمان

شكرااااااااااااااا

والله يا مندى انا شايفه ان البلد مبقاش فيها اى حاجه
ينفع يتقال عليها نعمه ابدااااااااااا
اما بالنسبه للتوك توك
ده مشكله لوحده
بعد ما الناس اتعودت على مشاكل الميكروباصات
والسواقين اللى واخدين الحكايه بالعافيه
من غير قوانين ولا قواعد ولا حتى ادنى
اصول الادب
وصل التوك علشان يكملها دى ناس بتسوق من غير رخص ومن غير فرامل
ومن غير عربيات اصلا يبقى ايه النعمه فى كده
انا طبعا شايفه ان التوك ده هايزود الازمات
ومش ممكن يكون حل ابدا
شكرا مندى على موضوعك

أعتقد أن التوك توك لن يسبب زحاما
فى بلد لا مكان فيه لموطأ قدم من الأساس..
كما أن حياة ورزق الكثيرين بالفعل تعتمد عليه كليا.
وخاصة الشباب فمن الأفضل أن يعملوا بمهنه شريفه بدلا من الإنحراف
أو الجلوس على المقاهى بانتظار الوظيفه الحكوميه
ومن الممكن تقليل المخاطر بوضع بعض القوانين
التى لن يتبعها أحد على أية حال-كما جرت العاده
ولكن لو وضعت عيوبه تحت السيطرة الكاملة والمراقبة المستمرة
سيحد ذلك من عيوبه شكرااااااااا مندى على موضوعك

طبعا التوك توك رغم انه حل ازمه كبره الا انه سبب في ازمات كتير واكيد سلبياته اكتر من ايجابياته
شكرا مندي

انا شايفة ان التوك توك نقمة ونعمة
النقمة اولا/ انة اللي بيسوقة قليل الادب وكمان اطفال صغيرين بيسوقوة وهما مش عارفين السواقة
ودة خطر علي اللي راكب وممكن تحدث حادثة في اي وقت
وكمان ان التوك توك في الاونة الاخيرة اصبحت تحدث جرائم اختطاف لاطفال من خلال التوكك توك
النعمة هي/ التوك توك صغير وممكن يوصل للاماكن التي يصعب دخول السيارات فيها
ولا يسبب اذدحام المرور
ووسيلة للدخول في الاماكن الريفية كمان
مش بيلوث الجو مثل السيارات
مرسي موووووت
فعلا موضوع مهم

التوك توك ده كله عيوب ومشاكل
وانا مع الغاء وجوده من الاساس
ميت حادثه وحادثه بسبب التوك توك
هى يعنى البلد ناقصه زحمه وحوادث
وسيله غير امنه خالص وكمان الشوارع باة شكلها زباله
واحنا يعنى ناقصين
مشكووووووووور مندى على موضوعك

» شارك برأيك : فشل فاروق حسني في الفوز برئاسة اليونسكو؟
» ما هو رايك :هل وصول تعداد سكان أفريقيا لمليار نعمة ام نقمة....
» شارك برأيك: كيف نحل مشكلة النظافة في مصر؟
» شارك برأيك: رمضان .. هل أصبح شهر المسلسلات والبرامج على الفضائيات؟
» شارك برأيك: عروض شركات المحمول مفيدة ام ضارة؟