كنت انا وصاحبى قاعدين زى انا وانتم كده مااحنا قاعدين نفضفض سالنى سؤال؟ قالى قولى يابو حنفى يااخوى مين احلى القمر ولا الشمس؟ قلت له القمراحلى قالى اشمعنا قلت له لانه قمر وبينور ليالى العاشقين ونقعد انا وهى نتغزل فيه واقولها شايفه القمر ياليلى تقولى شايفاه عويس اسرح بيها اقصد فيها واقولها انتى اجمل من القمر تقولى تسلم ياعويس ------- رد صاحبى قالى ماالشمس بتدفىء القلوب وكمان بتغسل الذنوب وكمان بتنور ونورها اكبر واعظم تبقى الشمس احلى قلت له يمكن------ قالى طيب قولى البحر ولا السماء احلى ؟ قلت له البحر تعيش حوليه تتمتع بعبيره النقى وتنسى الهموم والدنيا قالى انت عارف البحر ملوش امان يخد اكتر مابيدى وكمان الناس اللى انت منهم بتروح علشان تتفرج على غيرك وغيرك يتفرج عليك كل واحد معاه مراته واولاده وعينه طالعه على الست اللى جانبه وزى ماهو بيبص ويبصبص غيره عينه على مراته بيتمتع وبيبصبص لكن السما يعنى العلالى طائر بدون اجنحه بتحلم بعالم مفيش فيه رياء ولا دحان ولا طوابير ولا بطاله عالم تانى كل اللى فيه احبه كل واحد بيفكر فى نفسه علشان ايه؟ قلت له علشان ايه رد قالى علشان مابقعش على جدور رقيته قلت له تبقى دى عبشه بالزمه لا يا عم انا مقدرش استغنى عن العالم بتاعى مقدرش ابعد عن ماما سوزان ربنا يخليها وحضن بابا حسنى الدافى اللى كله حنان ورقه وكمان عاوزنى اهرب من دنيتى دانا مستنى بابا جمال لما يجى ههههههههه ضحكت بصوت عالى قالى مالك ؟ قلت له اصل اللى يحكمنا نقوله يابابا وكمان مراته تبقى ماما شوفت دنيتنا حلوة ازاى رد على وقالى لا ياعم انا عاوز رجل بطربوش يكون هو الحاكم على الاقل الطربوش يعمله وقار وكمان نميزه عن الطرابيش التانيه ونخليه لونه ابيض بخطين قلت له اشمعنا قالى علشان ياخد النحس عن فرقتى فى الكورة طبعا عرفته صاحبى بيشجع ايه المهم اخر الكلام قمنا بسلام احنا مش حاسين بحاجه ولا بياس ولا الم ولا مستحيل---- الكلام الكبير دهه مش راسخ فى عقولنا ولا حاجه ولا بنحاف ولا بنزرع فى قلوب اولادنا خوف ولا رعب ولا حاجه ابدا ولا بنعلمهم الجبن ولا حاجه اقولكم على حاجه ابتسمو نحنو جميعا فى عصر الحريه عصر بابا حسنى وماما سوزان ورنا يكرمنا ونلحق كم سنه فى عصر ابونا جمال وفى النهايه انتو عارفين اللى احلى من كل حاجه ايه من البطيخ والسياسه والفل والياسمين صحبتكم انتو يااجمل شياب وبنات منورين
الإثنين 26 أكتوبر - 7:24 من طرف 
