ابو شراب مقطع

حوار بين زوج وزوجه الساعه 4 الصبح

هي : ايمن اصحى اقوم بقى

هو : فيه ايه بتصحيني ليه دلوقتي

هي: اقوم يا اخي عايزاك الله

هو : وهي حبكت تعوزيني دلوقتي

هي : قوم وخلاص مش كفايه بتشتغل من الصبح لحد الساعة 2 الفجر وسايبني كله ده

هو : كويس انك عارفه حكايه الساعه 2 الصبح يعنى ملحقتش انام حرام عليكي

هي : يعنى اكلم نفسي واروح اخبط على الجيران علشان اكلمهم

هو في سره( روحي خبطي خليهم يخبطوكي على دماغك ستين جزمه) خير يا ست

هي : انا زهقانه كل يوم ما بين البيت وماما وقرايبي مفيش جديد

هو : عايزه ايه قولي من الاخر

هي : عايزه اشترك في نادي

هو : بتصحيني دلوقتي علشان تقولي كده انا كنت عارف انك مجنونه ياما حسيت بكده بس قلت ياواد ده كسوف زياده بس طلعتي مجنونة ونص

هي : بتقول عليا مجنونه انت ناسي يوم ما جيت لماما علشان تخطبني وكنت لابس شراب مقطع وشفناه لما قلعانك الجزمة على الباب وقالولي اهلي كلهم طنط ناني وطنط الفت واونكل تيتوملقتيش الا المعفن ده وتتجوزيه وانا اللي وقفت قدامهم كلهم علشانك .

هو : ايه لازمة طول اللسان ديه على الصبح وبعدين حكايه الشراب ديه صفحه وانتهت من حياتي

مش كل شويه تزليني بيها

هي : خلاص المهم انا عايزه اشترك في النادي اللي بتروحه ميمي بنت خالتي ولا هيه احسن مني

هو: يعنى بلاش ناكل بلاش نشرب وكل الفلوس اللي عملتها في الغربه اشترالك بيها في نادي انت جرى لمخك حاجة

هي: هتعرف جرى لمخي حاجه ازاي لما الم عليك الناس يا بخيل مستخصر فيا 60 او70 الف جنيه اشترك بيهم انا كان لازم اعرفك على حقيقتك يابو شراب مقطع .

هو: قلتك بلاش السيرة ديه والا قسما عظما..

هي : قسما عظما ايه هتضربني فاكر اخر مرة لما زعقتلي وكلمت خالي في القسم وقلتله وجالك ومعاه اتنين عساكر وسحبك للقسم وعبطك ورجعت وقفاك محمر ولا ناسي

هو : خالك يا حلوه خلاص طلع على المعاش ولا نسيتي

هي : اه بس خالي اللي في مستشفى المجانين لسه

وهكذا بعد ايام نجدها تجلس في حديقة النادي وزوجها اشتغل شغلانه تالته

من الساعه 2 الصبح لغايه 8 صباحا وبطل ينام يارب يعجب المدام

لواء عدد الرسائل : 1180 تاريخ التسجيل : 30/05/2008

افضل حاجه عاملها ايمن انه اشتغل طول اليوم امال اسمه راجل ليه
وكمان علشان ميقعدش في وشها

شكرا علي التوبيك الجميل يا حسام

هههههههه كويس والله الحمدلله اللى احنا بنضحك شويه والبركه فيك انت ومازن
مشكووووووووور حساااااااااااااااااااااااام

ايوة كدة رجالة متجيش غير بالتهديد
وبعدين مش لازم عمك ايمن ينام مش هو الراجل يبقى خلاص
وبعدين بصراحة موضوع الشراب المقطع دة غلطة لا تغتفر ولن يمحوها الى الابد غير ما يلى:سيارة اخر موديل وفيلا وحساب فى البنك وشالية فى مارينا وجولة سياحية عالمية!!
شكرا حسام

شاويش عدد الرسائل : 78 تاريخ التسجيل : 11/08/2008

السلام عليكم ازيك يا حسام بجد كلام جميل وحكاية واقعية بجد وان كانت بتحصل في بيوت كتير باشكال مختلفة بس ايه بجد بجد جميلة ؟
وربنا يقدرنا بقي ونحوش الستين جزمة علشان لما مراة جاري تخبط عليا في نص الليل تشتكي
اعمل زي ما هو عايزو لا عزاء للسيدات!

معلش اكيد مش كل الستات كده طبعا وإلا كانت اقسام البوليس ومستشفيات المجانين اتملت ازواج معذبين

اياك تهدى وتهمد سابلها البيت خالص ويعينى مموت نفسه فى الشغل علشان يكفى احتياجتها والنبى هى دى الستات الجدعه ..........تسلم ايدك .....بجد جميله.......شكراااااا

اهى دى الستات ولا بلاش ربنا يكتر من امثلها وبعدين فى واحد يروح يخطب بشراب مقطع
ده يستاهل يتعاير عليها حتى بعد مايموت تمشى وراه وتقوله سايبنى لمين يا ابو شراب مقطع
والمفروض تتدفن معاه الشراب كمان

مقدم عدد الرسائل : 230 تاريخ التسجيل : 13/08/2008

عنها حق تعا يره يا حسام في رجل عاقل يعمل كدة ويروح لخطيبته بشراب مقطع ههههههههههههههههه جميلة بجد

**حلوه اوي يا حسام..........
**وربنا يقدركم علي الستات ومتاعبهم,كان الله في عونكم............

عارف يا حسام ومع كل دا ياريت عاجبهم وحدة من الاخوات بتقولك احسن انه اشتغل شغلانة تالتة هو الراجل دا ايه مش بني ادم زي الست مهي بني ادمة والله يا اخي حاجة تفرس هههههههههههههههههههه

مشكوووووووووووووووووور

شكرا حصا

» مقطع بشع رعب اسد ياكل رجل
» مقطع رعب جامد جداااااااااااScary Movie2
» مقطع رائع من حصة من سيربح المليون
» مقطع رعب جامد من اخوكم ادهم
» مقطع مخيف لطفل بس جامد