مسابقه من انا 5( العميل نرفين)

Admin عدد الرسائل : 1869 تاريخ التسجيل : 29/05/2008

تذكير بمساهمة فاتح الموضوع :

يللي ياشباب هانبتدي اللعبه من جديد بس عايز مشاركه اكتر من كل الاعضااااااااء عايز اسئله جامده
العميل السري المره ديه هايكون صعب شويه همتكم معانا بالتوفيق لكل الاعضاءخلي بالكم معاكم اسبوع من النهارده000000 جو

لأ يا حسام
لأ يا نورا
لا يا عبد الرحمن
مش نيرفين هية العميل السرى ولوطلعت نيرفين يبقى اسمحوا لى ان اقول لكم انى اخدت بمبة كبيييييييييييييييييييييييييييييييييييييييييييييييييييييييييرة
واكيد حتلاقونى فى المستشفى اسبوع
ههههههههههههههههههههههههههههه
انا بردة لسة مش عارفة مين هوة العميل السرى بس عايزة اسأل سؤال اول واخير
احنا اتكلمنا مع بعض يا حضرة العميل السرى قبل كدة ولا لأ؟؟وممكن يعنى لو سمحت تقولى بدقة رديت على موضوعات ليا ولا لأ
والحالة الاجتماعية بالمرة؟
santa

بصراحه انا مكسوفه اوى منك يا حاتم اخذلتك معلش
بس والله انا حاولت
لكن حسام ونورا طلعوا ناصحين اوى
عرفونى رغم عدم توضيحى لأى حاجه
لكن عرفونى من اسلوبى
معلش بقى غلابه
حسام عمال يدفع لعملائه وبرضه
يعينى كل مره يقول غلط
ولما ربنا يكرمه ويعرف تكون الاجابه اتعرفت
مره من نفسه بقى هيموت على التورته معلش
ونورا كمان اخيرا شغلت الجمجمه
بس على حساب صحبتها
معلش عملتها قبلها
لكن حسام سبقها وكتب
المفروض تديها بقى من التورته يا حسام
بس على اد ما انا محرجه لكن فرحانه
انهم عرفونى يعنى عارفين صديقتهم كويس حتى من غير اى توضيح منى
كفايه انهم عرفونى من الاسلوب
لكن زعلانه يا انوس كده برضه
مش تعرفينى
معلش يا سلمى يا حبيبتى كنت نفسى ابقى القطه باتى
علشان تكسبى التورته
المره الجايه انشاء الله
ومعلش ياعبدالرحمن سبقك حسام
رغم انك اهلكتنى بأسئلتك
صحيح عرفت رتبتى؟
اما انتى يا انوس بلاش تتصدمى كنت نفسى تعرفينى من اسلوبى
بس انا اللى اتصدمت
والله ما خايفه الا منك واللى هتعمليه فيا انا عارفه

انا طبعا (نيرفين)
مبروك عليك التورته يا حسام ولو نسيتنى ومش اديتنى مش هخرجك من باب المنتدى
وانت عارف
يالاااا علشات تلحق تفتح محل
تحط فيه التورته بس
انا متأكده انها هتبقى الوحيده فيه

شكرااااااا

شاويش عدد الرسائل : 78 تاريخ التسجيل : 11/08/2008

السلام عليكم مبروك ا حسام باشا
ويا ريت بس مش تنسي اخواتك الحلوين شباب التلاجة
اللى كانوا بطلعوا لك المستخبي فول ومسقعة
انا عايزك بس توريهم الصور بتاعت التورتة وهيه بتتاكل
علشان يندموا على اللى عملوه معاك
وعلى فكرة
الوقتى بس انا ممكن اقول لكم فردة الحذاء كانت لمين
ولا اقول لكم
بلاش
خليها مفأجأة احسن وممكن كمان نعملها مسابقة بعد أذنك يا ادمن حاتم

انا بصراحه كان نفسى اخبى فرحتى فى نرفين وحاتم على الاقل لغايه بكره بس مش قادره وكمان مش قادره اخبى فرحتى ان حسام اخيرا قدر يكسب بدل ماهو فاضحنا مع العملاء اللى عمال يجيبهم من جميع انحاء العالم من اول الصين لغايه باتا بس انا عرفت نرفين من ردها على عبد الرحمن اصل هى اللى ردها ممكن يكون كده خصوصا بقه اما قالتله هاستنى رد الالتماس بتاعك بس مش مهم انا وحسام واحد
مبببببببببروك يا حسام

Admin عدد الرسائل : 1869 تاريخ التسجيل : 29/05/2008

في البدايه نشكر العضو حسام علي المجهودات المضنيه والمكلفه لمعرفه العميل السري
ولكن يا خساره العميل المره ديه كان اسهل مما تصور ومكنش محتاج لساحر الصين
ولا بتاع المخابرات ولا حتي الكلب لولو اللي اشتراه 0
واحب اقول للعميل السري برافوا انتي حققت الرقم القياسي ودوخت وراك المخابرات
وكويس اني نورا دارت فرحتها
من حقها تزغرت لانها لاقت العميل اللي وقع في وقت اقل منها
برافو نرفين انتي قمتي بمهمتك بنسبه 5% برافووووووووووووووووو

واخيرا بنهني حساااااااااااااااااااااااااام علي الفوز
واعتقد اننا لازم بعد اللي حصل من نرفين ناخد هدنه ونستعيد نشاطنا وبعد كده نبتدي المسابقه من جديد

مسابقه من انا 5( العميل نرفين) - صفحة 2 401f05d082

التورته التانيه لانك نجحت في معرفه العميل السري في وقت قياسي

مسابقه من انا 5( العميل نرفين) - صفحة 2 574585d70f

ياااااه شوفتى يانورا انا اول من نبهك على نيرفين صح بس ياخسارة ملحقتيش ولا انا كمان رديت اتسرع واكتبها بس والله انا كنت هكتبها نيرفين من بدرى، يلا مبروك عليك التورتة ياحسام والمفروض تكافأ عملائك عشان المرة دى نصرووك، وعشان تعرفى يانيرفين انا مش بدخل المنتدى كتير صحيح بس صدقينى عرفت اسلوبك لما قريت ردودك النهاردة بس وانا قلت لنورا بس ملحقتش بقى
بالهنا والشفا التورتة ياحساااااااام والف مبروك
سندريلا

خلاااااص يا سندريلا ماهو قال 5%وانتى جايه تقولى انك عرفتينى بتهدى النفوس اوى...دلوقتى يعدل ويقولك1%مش معقول هيقول صفر تبقى مصيبه ألـ يعنى 5%مش مصيبه ....متشكرين اوى يا حاتم باشا ده انت خلتنى اقل نسبه حسستنى بانى بعانى من تخلف عقلى تصدق...ربنا يخليك ياسيدى....بس انا قلتلك من الاول بلاش انا من اول ألم هقع وانا مش بعرف اغير اسلوبى اصلاااا وعلى اى حال ميقعش الا الشاطر جوزى لما لقانى زعلانه قالى كده ..بيصبرنى...وماااااشى ياحسام انت ونورا انتم السبب فى اللى سمعته ده ..ان ما وريتكم استعدوا بقى للهجوم..ولن انسى لكما هذا الموقف....

من ساعة ما عرفت مين هوة العميل السرى وانا حالتى ساءت على الاخر!
احنا انضحك علينا يا رجالة واخدت بمبة بجد واللة
وخلا ص رايحة اقعد اسبوع فى المستشفى ومفيش حاجة ممكن تخلينى ابقى كويسة غير انى الاقى حسام باعتلى التورتة كلها تبرد نارى ومعاها من عندة كيلو بسبوسة علشان صحتى ترجع واخف من الصدمة دى على خير قبل رمضان

اولا يا جماعه بعيد عن الهزار نرفين بجد عملت الدور كويس جدا وكانت بتهرب بطريقه كويسه من الرد على اغلب الاسئله وفى نفس الوقت كانت ديما موجوده ومش بتغيب بس انا عن نفسى عرفتها من طريقه كلامها اصل مفيش حد ممكن يتفلسف ويقول حكايه الالتماس دى غيرها قال يعنى من منظمه حقوق الانسان وكمان فعلا سندريلا كانت شاكه فيها ونبهتنى
بس انا صحبتى طلعت ندله وماقلتش انها العميل السرى
ثانيا بقه وده الاهم مين اللى قالك يا حاتم انى هادارى فرحتى ده انا ناقص اجيب دى جى واقف على باب
المنتدى مع انى مش انا اللى اخدت التورته بس هو ممكن حد يقولى اللى مجموعه 5%يرورح فين ؟؟
لا ووليد كمان يقولها ما يقع الا الشاطر ممكن تخليه يحجز لك مكان فى فصول محو الاميه بس ياريت تقبل مجموعك مبروووووووووووووك يا حسام وعقبال كل مره

فيه ايه يا بنات براحه علي نرفين شويه هي صحيح صمدت يوم وربع بس بردو عملت اللي عليها
متزعليش مني حبيتي انا جايه اهدي النفوس

بجد يا نرفين مش عارفه اقولك بس انتي عملتي اللي عليك ايه يعني يو م ونص يمكن زنب كل اللي كشفتيهم ومدتهمش فرصه يكملو
علي فكره المخابرات المركزيه كانو طالبين عملاء سريين انا رشحتك ليهم؟؟؟؟؟؟؟؟؟؟

شاويش عدد الرسائل : 78 تاريخ التسجيل : 11/08/2008

بصوا بقي بجد حرام اوي اللى انتم بتعملوه ده ولا علشان هيه نيرفين كانت دايما تاخد التورتة بس على فكرة هيه بصراحة مكنتيش بتنسي حد كل المنتدي اكل من التورت بتاعتها والوقتى لما عملت الدور باتقان جاين تشمتوا فيها على فكرة هيه اول عميل سري يسال نفسه ودي كانت نوع من انواع التمويه بس نعمل ايه بقي في طيبة قلبها مش قدرت تلبس الوش الشرير وتغير اسلوبها علشان كده احنا عرفانها المهم براااااااااااااااافووووووووووووووووبجد وجد وايه رأيكم بقي نعمل تصويت على دورها كعميل سري بعد اذنك يا حاتم

بوصو يا جماعة بجد انا شايف ده افضل مرة لمسابقة من انا وكانت مختلفة عن كل المسابقات اللى فاتت وشايف ان نرفين لم تفشل فى دورالعميل السرى بالعكس العميل السرى هو اللى فشل انه يكون نرفين بمعنى ان نرفين اتعودت تكشف العملاء بتوع حاتم فكان صعب عليها انها تكون المرة ده هى العميل وبصراحة لما بتكون معانا وبتحاول تكشف العميل بتدى للمسابقة روح لان الكل عاوز يلحق قبل ما هى تقول وتكشف العميل وانا شايف ان مكنش ينفع اختيارها لدور العميل وانا قلت للادمن راى ده بعد ما عرفت ان هى العميل وهى ادت الدور كما يجب ان يكون واعتقد انها من جواها مكنتش قابلة تقوم بيه وعموما يا عبد الرحمن محدش شمتان فى نرفين زى ما انت بتقول ولا مسابقة من انا الوش الشرير ده مجرد لعبة مش اكتر اما عن التورتة فبقل ايناس انا معاى تورتين من الادمن زى ما انتو عارفين الاولى انا بهدهالك يا ايناس عشان ده معمولة بسكر مغشوش من بتاع التموين وبالهنا والشفا وسيبك من موضوع المستشفى مش هتلاقى هناك خدمة ورعاية زى هنا ولا تورت والتورتة التانية فانا بدعو كل الاعضاء يتفرجو على انا ونور ا ونرفين واحنا بنقطعها ونا كل منها وكل تورتة وانتو طيبين0000000000حسام

ماشى يا جنه ليكى وقعه يعنى الدور مش هيجى عليكى هيجى برضه ومش هسيبيك وهتشوفى ماااااشى
وانتى يا ست هدى بتتريقى عليا ماشى يا طعمه انتى وهى ..حقك يا هدى ما انتى اخدى 80% لكن انا يعينى Sad

بس فيه حاجه مهمه لازم تعرفوها الأدمن كان مدينى 95% بس للأسف رقم 9 بيعلق عنده عيب كى بورد هيعمل ايه يعنى... انا حبيت بس اعرفكم الحقيقه بس محدش يقوله علشان قالى ده سر علشان محدش يضحك على الكى بورد.....سر يا جنه اصلك مش بتسكتى انا عارفاكى...

وربنا يخليك يا حسام على كلامك اما انتى يانورا مش هتكلم بس ياما هتشوفى منى ...
وميرسى ليك يا عبدالرحمن على كلامك الطيب بس احنا كلنا بنلعب ونهزر محدش بيشمت فى حد كلنا اخوات واصدقاء لو حد بيشمت فى حد يبقى بيشمت فى نفسه كله هزار ولعب باب الشكاوى يأكدلك ده (احنا اسره مع بعضيناعلى رأي خالد الصاوى فى الباشا تلميذ) مش كده يا نورا..

» مسابقه من 6 ( العميل جنه)
» مسابقه من انا 7 (العميل جنا)
» مسابقه من انا 9 (العميل سهر)
» مسابقه من انا 3 العميل( ملك)
» مسابقه من انا 4 العميل ( هدي)