اعتذار و انسحاب و شكر

بدايه احب اعتذر لجميع الأعضاء عن انسحابى من المنتدى وبشكرحاتم ان ربنا جعله سبب فى انى اعرف واتشرف بناس زيكم جميله بجد لكن معلش مش هقدر استمر فعلا.......وبقول لــ (مش انا ) انت سبب فى انى اسيب المنتدى لكن انا كنت السبب فى دخولك المنتدى.... طبعا انا عارفه اننا كلنا اخوات وأى مشكله او موقف بيبقى كلنا لازم مشاركه مع بعض بأرائنا لكن انا اخد قراروسامحونى مش هرجع فيه انا عارفه ان فيه ناس هتضايق وعارفه ان فيه ناس مش هتفرق عندها لأننامش نعرف بعض اوى وعارفه ان اللى هيقرى هيسئل وانا هوضح طبعا كل حاجه ومن غير سؤال : اولا انا ياجماعه الحمدلله بعرف ربنا كويس وبتقيه كويس وعلشان ربنا برضه انا وضحت موقف ل مش انا فى التصويت على وجوده او عدمه رغم انى مش مقتنعه بوجوده ولأنى مش بعرف انافق انا مش صوت على وجوده انا وضحت بس وقلت مينفعش ناخد قرار من غير ما نفهم .....فكان الرد من العضو هو انى كتبت موضوع مش يرد عليه بتعليق لاراح كتب موضوع تعرض فيه لمضمون موضوعى واستخدم كلماتى الاخيره فى الموضوع وكأنه بيهاجمنى مش عارفه ليه (موضوعى هو خاطره اموت عشقا ولكن وموضوعه اللى بعدى اللعبه الكبيره)انا اتكلمت فيها على تجمد قلبى وعن الكبرياء شوفوا بقى انتم هو رد قال ايه لا وعدل اكتر من مرتين يعنى ده معناه انه عاوز يرد عليا بس وبسرعه مش مدى نفسه فرصه يجمع افكار ليه.......وقبل كده كتبت قصيده كان تعليقه غريب ومستفذ وعامل تعليقه برضه كموضوع لوحده قلت يمكن فى الاول مش عارف وفهمته التعليق بيكتب ازاى وكان رده لو يفتكر بعض الاعضاء على قصيدتى كيف تعود انه( مش كله مدح مدح لازم نقض حد راجع القصيده دى نحويا حد شاف مش يمكن مسروقه) ده بالله عليكم زوق وقال( خلاص متزعليش انا يشرفنى اكون مصحح لغوى ليكى) انا طبعا مش رديت احتراما لنفسى وللمنتدى بكل ما فيه تمالكت اعصابى جدا وطلبت من الاشراف المسئول الغاء الرد وواجهته بيه وقلت ميصحش كده كان رده على القصيده تانى فى موضوع مستقل برضه (لا برافو مفيش اخطاء املائيه) برضه مش رديت وتكرم حاتم بالغائها هى وخاطره غريبه كتبها .. وبعدين كتب الموضوع الغريب اللى كتبه ده وانا مش هتكلم على موضوعه ده لكن بعدها تم التصويت عليه وطبعا انا غلطه جدااااا ورد عليا وانا مش مقتنعه برده لكن لاتقاء الله نقلت كلامه مش كله لكن المهم فيه واللى استوعبته منه ...فكان رده عليا اللى بيعمله ده علقت على موضوع وبالتحديد موضوع تحب تعيش فين رد على نفس الموضوع وده طبيعى طبعا لكن فى النهايه علق على ردى برضه واللى يغيظ بجد انه مش فاهم ردى صح ورد عليه (انا بوضح المواضيع علشان اللى يحب يشوفها ومش ابقى بفترى عليه دى دلائل) وغيره من الكلام ده والمصيبه انى بوضحله افعاله ومفيش برضه فايده ....وبعدين انا كتبت تعريف بالاحاديث النبويه والقدسيه وكتبت حديث والتانى لقيته بدء يكتب عن الاحاديث القدسيه يعنى ده ايه طيب ما من الاول انت مستنى اكتب فيها مش مهم برضه ده خيروهو صراحه افادنا مشكور...لكن المصيبه بقى انه اتكلم عن حديث عن رب العزه (العز ازارى والكبرياء ردائى من نازعنى فى شئ منهما عذبته)وقال بعد شرح الحديث ماهو اتى :
ذكرت الأخت نيرفين في قصيدة كيف تعود؟ كلمات منافية للمعني الوارد في الحديث القدسي ..

أصدقت بأنك ملكا؟!!
أنا التى صنعتك بعزتى وكبريائى
جعلتك ملكا ولكن باختيارى
مشكور كل من قرأ الموضوع ولم يعلق ........السادة الأعضاء الأفاضل من الممكن أن يكون مرة المعني مر الكرام ولكن يجب الحذر وتوخي الحرمات في الكتابة... مشكورين لحسن الاستماع....بعد 11 يوم من القصيده علق التعليق ده وانا كان بعض الاعضاء نبهونى لكلمه عزتى واوضحت انى اقصد بيها عزه نفسى وان خاننى التعبير .....ياخبر اسود ده خلانى كفرت بالله ونازعته فى احد صفاته استغفر الله العظيم حسبى الله ونعم الوكيل.....الكبرياء عند البشر هو الاحتفاظ بالكرامه والتمسك بها حاشى لله من التعرض بما يخص الالوهيه ....لا كمان بينبهكم ان الموضوع عدى عليكم معلش...انت غلطان بقى المفروض تطلب اهدار دمى ايها الأمير وهاجمته وبينزل اعتذار طبعا غير مقبول منه....انا سيبت المنتدى بسببه مش لذاته طبعاااااااا لاااااااااااااا لكن للغدر انا اكون فى صفك واوضح موقفك للاعضاء وانت تعمل كده لا ويوجه نظركم للكلام ده...ميرسى ليكم كلكم وانا بطلب من حاتم وقف العضويه بتاعتى ......... ربنا يوفقكم جميعا ......واسفه للتطويل .......شكراااااااااااا

بالرغم من اللى قلتيه دا يانيرفين انا مش معاكى انك تسيبى المنتدى واضح اوى مين اللى صح ومين اللى غلط ومينفعش انك تكونى صح وتسيبى حقك انتى هنا فى المنتدى ليكى اصحابك وفى ناس كتيره بتحبك وانا واحده منهم بيعجبنى كلامك واسلوبك فى المناقشه يبقى مينفعش تمشى ....وبعدين احنا بنقابل شخصيات مستفزه كتيره ومتهيالى بتبقى واضحه للكل والكل بيتجنبها وفى فاصل بنحطه ليه علشان ميتعدهوش مع حد والكلام دا حصل قبل كده فى التصويت اللى فات. فكرى تانى ومستنيه اشوف منك بجد توبيك او رد جديد
we wait u coming soon

*نيرفين مهما كان اللي حصل معاكي فمينفعش تهربي ......
*انتي معاكي حق انك تزعلي بس مش الحل انك تسيبي المنتدي لان ده اسمه هروب.....
*ممكن تشتكي العضو ده ونلاقي حل مناسب يرضيكي.........

انا بصراحه مش عارفه اقول ايه الموقف مش حلو خالص بس انا عايزه اقول لنرفين ان قرار الانسحاب ده مش من حقك احنا اعضاء فى منتدى جميل والعلاقه بينا اظن انها علاقه صداقه تقريبا بين كل الاعضاء حتى اللى مش بيكلموا بعض ومعنى انك تاخدى قرار لوحدك يبقه بتلغى وجود جميع الاعضاء
مفيش حاجه اسمها قرارك لوحدك ارجوا مراجعه انسحابك ولو كنتى مصممه يبقى المفروض تتطلبى التصويت على عضويتك وتتقبلى رائى الاعضاء مهما كان

لا يا نيرفين انا مش عايزاكى تسيبى المنتدى احنا خلاص بقينا اخوات واصدقاء وبجد انا خلاص اتعودت على وجودك بينا واحنا كلنا بنحبك وانا شخصيا متفهمة لكل ما تكتبية من اراء ولم يصلنى اى معنى غير مقبول لا سمح اللة واكيد بردة كل الاعضاء كدة
علشان خاطرى ماتسيبيش المنتدى وانا عارفة ان انا ليا خاطر عندك
ايناس

نيرفين انا مش معاكى فى قرارك وزى ماقالك نورا انه مش من حقك تاخدى قرارك من نفسك انتى شاركتى بموضوعات كتيره جميله ومش معقول نتنازل عن كل ده بسهوله وانا عن نفسى انا حبيتك اوى من غير مااعرفك شخصيا وسيبى المشكله يحلها الادمن وبلاش تسيبى المنتدى علشان لو وقفتى عضويتك يعنى انتى بتوقفى عضويتك الاعضاء علشان احنا مش عنباشر المنتدى من غيرك ارجعى عن قرارك وصدقنى هنشوف الموضوع ده

نرفييييييييييين انا مش معاكى فى قرارك خالص وده قار خاطىء جدااااااااااااااااااااااا والمفروض ان العضو مش انا هو اللى يخرج ومن غير عودة اما انتى يا حبيبتى فانا بصراحة بحب كل موضوعاتك وردودك بتعجنى جدا ومقدرش اشوفك برة المنتدى والناس كلها اكيد بتوافقنى الراى العضو غلطان جداااااااااا وانا عن نفسى مش قابلة منه اى اعتذار وبشكرك واتمنا من قلبى ترجعى عن قرارك

*انا مع كل الاراء اللي اتقالت وبرفض ان نيرفين تسيب المنتدي .

يعنى ايه اصلا تنسحبى من المنتدى وانتى اكتر عضوة مطلوبة فيه
بمواضيعك وردودك على الاعضاء طبعا انا برفض دة جداااا
وسورى انى ردى جه متاخر لان ماما والله كانت عاملة عملية ودى ظروف خارجة عن ارادتى
نيرفين اوعى تفكرى فى حاجة زى كدة تانى اللى يستقصدك فى حاجة تجاهليه واظن الادمن اخدلك حقك
ودة يرجع لمعزتك عندنا كلنا ويارب تبقى معانا عالطول و د هانى ربنا يسامحه بقى اللى عمل الانقلاب دة فى المنتدى
بالذات ان كل اللى فيه بيحترموا بعض جدا حتى فى الردود وانا مش معاكى فى الانسحاب خالص
nourhan