هل تعتبر البنت الجريئة قليلة ادب ...؟؟؟

السلام عليكم ورحمة الله وبركاته

هل تعتبر البنت الجريئة قليلة ادب ...؟؟؟

هل تعتبر أيها الشاب بأن البنت المتفتحه

انها قليلة أدب أم تعتبرها جريئه أم ماذا؟؟؟
بوضح السؤال أكثر....
عند ذهابك إلى جهة عمل ما
و تجد فتاة من الفتيات
تتكلم بجراءه،،،،،تحاول إنها تساعد الكل،،،،
مستواها التعليمي عالي
تفهم في كل شئ
و يمكن تكون أحسن من مديرها بإداره أمور العمل
هل هذه البنت تكبر في عينك ام انك تزدريها وترى انها تعدت حدودها في انوثتها ، ام انك تفتخر بها وبجرأتهاواسلوبها في الأخذ والعطاء مع الغير
أم ماذا تقول ؟؟؟؟
تعالوا نتناقش هذاالموضوع إلذي في نظري مهم
و حتى البنات شاركون برأيكم...؟؟؟
انتظرردودكم الرائعة ...

واللهى على حسب مدى الجرأة فى جرأه تعتبر جدعنه وبنت بميت راجل وهى دى اللى مطلوبه فى الزمن ده وفى جرأه تسمى بجا حه
يعنى المثال اللى انت قولت عليه ده فى رائى الشخصى تعتبر بنت بميت راجل ومفروض كلنا نكنلها كل احترام وتقدير وبعدين دى بنت كمان بتساعد غيرها ومساعدة الناس اليومين دول مش موجوده كل واحد دلوقتى بيقول نفسى وبس
وبعدين الجدعنه ليس لها علاقه بالانوثه

شكرا علي هالموضوع
حلوكتير

انا مع مروة فى رأيها يا عادل
يعنى على حسب مدى الجرأة دى وحدودها لغاية فين وكمان الهدف من وراها ايه؟
بصراحه احيانا بتكون جرأة البنت فى مواقف معينه مش لطيفه ابدا ومش مطلوبه وبتتفهم انها بجاحه وخروج عن الحدود
واحيانا اخرى لو البنت مش جريئه وشخصيتها قويه وقادرة تثبت نفسها بتكون فرصه لغيرها انه يعتبرها صيد ساذج وهدف سهل
يعنى على حسب الموقف وفى النهايه اى شىء زيادة عن اللزوم مش مقبول
ميرسى عادل على موضوعك

عند ذهابك إلى جهة عمل ما
و تجد فتاة من الفتيات
تتكلم بجراءه،،،،،تحاول إنها تساعد الكل،،،،
مستواها التعليمي عالي
تفهم في كل شئ
و يمكن تكون أحسن من مديرها بإداره أمور العمل
هل هذه البنت تكبر في عينك ام انك تزدريها وترى انها تعدت حدودها في انوثتها ، ام انك تفتخر بها وبجرأتهاواسلوبها في الأخذ والعطاء مع الغير
------------------------
اخى الكريم عادل
انسانه
تحمل تلك الصفات التى زكرتها
وكلها صفات جيده
لابد اننا
نفتخر بها
لان
الاصل هو الحياء
ان لم يكن الانسان بصفه عامه والبنت بصفه خاصه تتمتع بالحياء
اذا فى تلك الحاله نقول ان هناك شىء يعيب تلك البنت او يعيب هذا الانسان
وهناك فرق شاسع بين
الجراءه والحياء
والانسان عامه والبنت ايضا يجب
ان تتعلم متى تكون الجراءه شىء حميد
ومتى تكون شىء غير جيد
ان كانت سوف توضع نفسها فى القيل والقال
اذا عدم الجراءه افضل لها من تضع نفسها محل ريب وشك من من حولها
لك الشكر
اخى الكريم عادل

و حتى البنات شاركون برأيكم...؟؟؟
اولا بشكرك على موضوعك
تانيا الطبيعى ان اننا نشارك الراى لانه موضوع مهم
اولا البنت التى ذكرتها فى موضوعك ملهاش علاقه اساسا باسم الموضوع
لانها ناجحه فى عملها وبتساعد غيرها
وانا مع مروه ايضا بس انا بضيف عليه ان رآى الراجل
فى البنت متوقف على شخصيته هو وما يقبله هو على نفسه
لان فى بنات فعلا بجحه وبيقى خطيبها جانبها وتهزر هزار غير لائق
ولبسها غير محترم وهو شايفها فى منتهى الاداب والاخلاق وسعيد جدااااااااااا بيها وبادااابها
ولو حد عاكسها يبقى مبسوط قوى ويا سعده يا هناه لو هذئته قدااام حد
يا سلام بتبقى فى منتهى الادب وعلى العكس المؤدبه الهاديه بتبقى فى نظر البعض
دمها تقيل ومعقده وحتنكد عليا عشتى ومش اجتماعيه
طبعا احنا مش بنغير الحقايق ولا المطلوب تايد الغلط
لكن الاساس هو الشاب وماهو مفهوم الادب والاخلاق عنده واختياره لشريكه حياته
متوقف على ايه هل على الماده ورفع المستوى الاجتماعى
ام على خلق اسره سعيده وجيل مشرق
انتم من تختارون ومعرفه المؤدبه من غيرها سهل جدااااا وواااضح لديكم
شكراااااا عادل موضوع راااائع

شكرا عادل على موضوعك
وانا من رائى سمر فعلا ان الاساس هو الشاب
هو اللى بيحكم على البنت من خلال ثقافته
واسلوب تفكيره فالنموذج الذى ذكرته
وغيره وغيره من البنات التى نتفخر بهم
ممكن يراها البعض جريئه ومتحرره زياده عن اللزوم
واذا كان هناك بعض الرجال ينتقد المرأه
التى تعمل فى مجال الدعوه
وتتدعو النساء لتعلم اصول دينهم
فما بالنا بالتى تعمل فى شركه سياحه
او مضيفه جويه ولا ارضيه
كل انسان بيحكم على الناس
من خلال ثقافته هو واخلاقه هو
شكرا عادل

**طبعا انا بتفق مع كل الاراء السابقه ...
**وطبعا الجرأه في البنت صفه مش حلوه ....
**ولكن ما ذكرت ياعادل يدل علي قوه شخصيه واتقان للعمل ...
**اما الجرأه الحقيقيه فهي مرفوضه طبعا ....
**شكراااااااااا عادل ...

البنت الجريئة مش عيب
بس تكون جريئة باحترام
يعني مش تعمل شيء خطا ونقول عادي
وفي مواقف تحتاج الي ان تكون البنت جريئة
شكرا

كل شيء في حدود بيكون معقول

» نيابة دمنهور تعتبر الجمعية الوطنية جماعة محظورة.. وتتهم المحتجزين بتكدير الأمن العام والسلام الاجتماعي البرادعى
» البنت الجميلة
» البنت زي القفل
» البنت السيس
» لماذا تصمت البنت عند معاكستها