انا صح ولا غلط؟

انا ومن البدايه نفسى اعرف انا صح ولا غلط انا اتعرفت على شاب من النت من حوالى سنتين وقابلتوا بعد سته اشهور من الكلام على النت وبعدها اعجبت بيه واعجب بيا بس انا فى كليه تجاره وهو فى معهد يعنى اقل منى فى التعليم وبعدين قابلته بعدها تانى بشهر احنا مش بنقوم من على النت بنكلم بعض كل يوم بس انا ساعات بخاف منه وساعات بحس انه بيلعب بيا وخصوصا انى معرفش حاجه عنه لانه تعارف نت بس ساعات بقول مانا ممكن اتعرف على شاب من المجمع برضه مش هاكون اعرف عنه حاجه المهم مرت الشهور ودخلنا فى سنه ومرت السنه ودخلنا فى سنه ونص وكلم والدتى عليا اننا نرتبط رغم انه معهوش حاجه بس اتفق معاها انه يتقدم بعد مده معينه لانى اتقدملى شباب كتير وهو معايا فانا قلتله انه لازم يتقدملى وهو معهوش حاجه بس مامته بتكلمنى واخته بيتصلوا يسئلوا عليا وانا بتصل اكلمهم رغم انى ولا شوفتهم ولا شافونى وانا لحد دلوقتى رغم انه كلم والدتى الا وانا برضه لسه شكه انه بيحبنى معرفش ليه لدرجه انى مش عارفه افكر على طول بتعارك معاه وبتعصب عليه وهو بيسامحنى رغم انى مش بسامحه بسرعه انا نفسى اعرف انا صح بارتباطى بشخص من النت ولا لاءه وياترى هو بيحبنى ولالاءه هو بيصلى وكويس جدا معايا بس انا مش عارفه ليه خايفه

سمسمه حبيبتى طبعا غلط انك تتعرفى من شاب على النت وتقابليه انتى متعرفيش عنه حاجه عشان تقابليه بس الواضح من كلامك ان الحمد لله طلع كويس وبيصلى يعنى عارف ربنا وحيراعى ربنا فيكى وحيحافظ عليكى بس انتى فيكى عيب انك بتتعصبى عليه وهو بيستحملك وده دليل انه بيحبك وحيحافظ عليكى وخوفك حبيبتى ده شىء طبيعى فى اى بنوته رقيقه بتحب واحد وتتعلق بيه خايفه انه يسبها بعد مابقى كل حاجه حبيبتى وانتى بتصلى ادعى ربنا بوفقكو انتو الاتنين ولوكان فيه شر ربنا حيبعدك عنه بس متنسيش تعزمينى على الفرح لانى حاسه انكو ان شاء الله لبعض وربنا حيوفقكو مشكوووووووووووووووووووره حبيبتى

اولا اهلا بيكى فى المنتدى
ثانيا لو فلت حاجه مش تزعلى منى
انا مش بارجح التعرف من على النت وكمان انتى مش تعرفيه مهما كان كلامتوا مع بعض انتى مش عارفه ومش عارفه طباعوا ومش عارفه طريقته الانسان بيتعرف من العشره والمعامله المهم علشان مش اطول عليكى انا من رايئ انك غلطتى ممكن جدا انه بيتسلى وده احتمال كبير جدا ممكن يكون بيحبك وده من رايئ احتمال ضعيف بس الله اعلم بصى هوه لو كان بيحبك بجد هيعمل كل حاجه علشانك وهى الايام هتثبتلك بس انا من رايئ انك تقللى كلامك معاه او تنهيه خالص وده احسن حل ومدام عارف مامتك خالص بطريقه رسميه او حتى قراءه فاتحه ونصيحه منى ليكى متحبيش اوى علشان مش تنجرحى اوى وخلى بالك من نفسك واعرفى انه لو بيحبك هيعمل كل حاجه علشانك حتى مهما عملتى فيه وان اسفه انتى العلاقه دى ربنا حرمها مش تزعلى من بس ده رايئ واتمنى انك تكونى بخير وطمننى عليكى ومش تزعلى منى

على فكره يا جامعه اناعاوزه اقولكم ان الموضوع ده موضوع حاصل مع صحبتى وهو يهمنى اوى وعلشان كده حبيت اعرف ردكم عموما ميرسى

*واضح سمسه ان الشخص اللي بتتكلمي عنه انسان كويس وبيحب بجد لانك قلتي انه كلم والده صديقتك وانه عرفها علي اهله.....
*بس كمان واضح ان صديقتك مش مقتنعه بيه اوي علشان فرق التعليم ,وانا شايفه ان المشكله مش الشخص ده ,انما المشكله الحقيقه في صديقتك ,لازم تعرف هي بتحبه بجد ولا لا......