اعتذار من سمر لفضفضه

اولا اقترح معكم بخصوص مسابقه افضل 20 مشارك ليوم واااحد انا ارى ان هذه المسابقه غير مجديه على الاطلاق بل اصبحت لها اضرار

وانا اقترح ان يقوم كل مشرف مسئول عن قسمه بطرح اجمل موضوع اجمل خاطره يعنى كل يوم يقوم مشرف باعلان مسابقه فيما يخص بابه

وهنا يدخل الجميع ونتصارع ولكن للاستفاده وخلق ما هو جديد وبعد ذلك ينعقد مجلس الاداره ويعلن عن الفائز وبذلك نستفيد جميعااااا

وانا عن نفسى اعتذر للجميع من مشرفين واعضاء فهم جميعا اقدم منى بكثير ولهم مشاركات ومواضيع اهم وبصراحه الاعتراف بالخطا ليس عيب

ولكن الاسواء الاستمرار فيه فانا وجدت ان الردود على الموضيع القديمه او المكرره والتى قد قاموا بالرد عليها من قبل فبذلك لا يكون هناك مساحه

للرد مره اخرى بل لاتوجد مواضيع جديده فكلنا تفرغنا للردود لانها اسهل وتسجل اسهمااات اكتر وذلك اصبحت البوابه مليثه بالردود فقط على موضوعااات

سابقه بل واصبح الرد كمان غير مطابق مع الموضوع اطلاقا لدرجه انا لو قراه اى احد سوف يسخر ويستخف بنا ولهذا اعتذر لكم ولكن ارجو ان من منكم يرى اى

خطا ان يقوم بارسال رساله خاصه الى العضو المخطىء حتى لا نعطى مساحه لتكرار الخطا ونتناقش فيها لما فيه افاده لنا جميعااا ولمنتدانا وشكرااااا لكم جميعاااا وتقبلوا اعتذارى عضوه محبه للمنتدى ولاعضاؤه

[/b]

بصرايا سمر كلامك جميل بس في حاجه افضل عشرين مشارك مش مسابقه دي مجرد بيان بالاعضاء اللي دخلت المنتدي وشاركت خلال ال24 ساعه الاخيره زيها زي افضل عشرين عضو الموجودين علي البوابه باستمرار

وبنضم معاك لفكره اني كل مشرف يطرح افضل موضوع اتكتب في الباب بتاعه
مشكوره سمر

مشكوره هدى على ردك
وانا بس قصدت ان اوضح الموضوع
واناقش معكم سلبياته واذا كان
هناك اى اقتراح افضل واكون انا اول من يبدا
حتى اسهل الموضوع على باقى الزملاء
طبعااا من وجهه نظرى انا فقط
وانتظر باقى وجهات النظر من الاعضاء
ولكى جذيل الشكر والاحتراااام

طبعا يا سمر لازم يكون بدايه كلامى تحيه لكى على روحك الطيبه
ومبادره الاعتذار
وانا طبعا معاكى جدا ان حكايه افضل عشريين عضو
غير مجديه بالمره وانا كتبت الرائى ده فى الاقتراح
واعلنته كمان فى اجتماع مجلس الاداره
وقولت ان هذا الاقتراح لن يجنى الا موضوعات لا قيمه لها
ورود باهته فاقده للمعنى
وفعلا قد كان وبدانا نلاحظ زى ما قولتى رودو مالهاش اى علاقه بالموضوع خالص
ورود بالشكر على موضوعات محذوفه

ولكن يبدو ان موضوعات الاسهامات من اهداف الاولى او بمعنى اصح هو الهدف
الاهم بالنسبه لبعض الاعضاء
فبعد ان عملنا تعديل على السجن الثقافى لتقيه الموضوعات
ظهرت لنا افضل عشرين عضو
لتظهر لنا اسوء صور الرودو

وفى النهايه احب ان اوضح ان العضو المميز ليس بعدد اسهاماته اليوميه
ولكن بقيمتها
فمثلا ماريو ورحمه وايمى ونوراه
مش من اكتر عشر اعضاء
اسهامات ولكن مع ذلك هم من اهم الاعضاء
وانا عن نفسى لو ليه بموضوع ردهم
بيفرق معايا حتى وان كان رد مختصر
فالعضو المميز يمكن ان يتميز برد واحد له قيمه
او موضوع مفيد او حتى موقف محترم
شكرا واسفه لو طولت

انا بشكرك جداااا نورااا
لانك اختصرتى الموضوع بكلمه صادقه
العضو المميز ليس بعدد اسهاماته اليوميه
ولكن بقيمتها
حقا وهذا هو الملخص وايضا
حتى نجد مساحه بيننا للنقاش والمواضيع والردود
التى تقربنا من بعضنا اكتر وتجمعنا
ولخلق حركه وروح مستمره فى كل الاقسام
مشكوره نوراااا على ردك ولكى جذيل الشكر

فعلا انا بردو لاحظت الموضوع ده اني في ردود كتيره ونسينا الموضوعات وبقيت مشكور علطول موجوده
شكرا سمرا

طبعا انا بشكر سمر علي صراحتها لكن انا مش شايفه يا جماعه مشكله في افضل عشرين مشارك لانها زي ما قالت المشرفه هدي انها مجرد بتعرفنا بالاعضاء اللي دخلت المنتدي في اليوم ده لاني في اعضاء كتير بتدخل زي ما بتخرج ومش بيهون عليها تكتب كلمه مشكور مجرد تتفرج وتخرج0
وكمان الردود الكتيره انا لاحظت انها في ابواب معينه وعلي مواضيع مش بتحتاج ردود طويله زي مثلا باب نشره الاخبار وباب الصور ممكن يتقال ايه علي الاخبار او الصور غير مشكور لاني العضو اللي تعب ونزل الكلام ده من حقه اننا نقوله مشكور ودي اقل حاجه

لواء عدد الرسائل : 1180 تاريخ التسجيل : 30/05/2008

فكرتك جميله يا سمر وهو اني كل مشرف ينزل افضل موضوعات في الباب بتاعه لاني ده هايكون حافز كبير للاعضاء انها تشارك بايجابيه

شكراااااا رنا على ردك جدااااا
وانا سعيده بيه وربنا يوفقك يا قمر

انا شايف اننا نمسك العصايا من النص لاني المنتدي في موضوعات كتير جدا في مواضيع بتحتاج اننا نقدر اللي كتبها مثلا في موضوعات للمناقشه انها بتناقش قضايا معينه لازم نقول راينا فيها وميكنش مجرد مشكور
احنا ياجماعه بنتعرف علي بعض في المنتدي ازاي من طريقه فكرنا وارئنابتبين شخصيه كل واحد فينا وفي نفس الوقت من حقنا ندخل نتفرج علي الصور ونقول شكرا للي نزلها ونقرء الخبر ونقول لصاحبه اللي قعد يدو ويبحث نقوله شكر
اصلي حكايه اننا يكون ردودنا علي موضوعات معينه اكيد هانزهق وهاتحصلنا حاله ملل
لازم التغير واننا ندي لكل صاحب حق حقه
وبالنسبه لموضوع افضل المشاركين انا مش معاكو فيها لان موجود علي البوابه افضل عشر اعضاء الموضوع ده مشجعش الردود الكتيره ليه من اول ما نزلت علي البوابه
شكرا سمر علي روحك الطيبه وخفه دمك

انا طبعا كان المفروض اسيب سمر صاحبه الموضوع هى اللى
تعلق على كلامك يا مازن لكن انا ليه تعليق ارجو ان تقبله
اولا واضح من كلام سمر انها تقصد نفس اللى
انت قولته بالظبط ان كل موضوع لابد ان ينال الرد الذى يستحقه

اما عن حكايه افضل عشر اعضاء دى ليس ليها اى تأثير فى شىء
لكن افضل المشاركين سيترتب عليها اختيار
افضل عضو اخر كل شهر
يعنى معنى الموضوع ان العضو
يفضل يقطع قلبه طول الشهر 150 مشكور كل يوم
علشان فى الاخر يوصل لافضل عضو
رغم انه ممكن يكون مانزلش اى موضوع او رد مفيد

الحكايه يا جماعه هى الافاده
والاستفاده مش الـــــــــعــــد د

Admin عدد الرسائل : 1869 تاريخ التسجيل : 29/05/2008

السلام عليكم ورحمه الله وبركاته
في البدايه اشكر العضوه سمر علي مجهودها واهتمامها الدائم بالمنتدي وحرصها الكبير علي تقدمه
اولا:بالنسبه للفكره التي طرحتها العضوه الا وهي ان يقوم كل مشرف بعرض افضل المواضيع في الباب الخاص به فكره اكثر من رائعه ولكن لم اري سوي تفاعل ضئيل من المشرفين علي هذا الاقتراح ولهذا سوف نطرح هذه الفكره للتصويت من المشرفين اولا حتي لانكون قد احدثنا ضغوطا للمشرفين بالقاء اعباء كثيره علي كاهلهم ثم بعد ذلك سيبدي مجلس الاداره رايه في هذا الاقتراح 0
ثانيا: اختيار افضل عضو قد حددنا شروطه مسبقا ولن ينحصر اختيار افضل عضو علي كم مساهماته فقط ولكن ايضا بمدي تواجده الدائم بالمنتدي وتفاعله الايجابي مع القضايا التي تطرح من قبل الاعضاء فضلا عن حب الاعضاء لهذا العضو وترحيبهم بفكره ان يكون افضلهم لذلك نجد ان الهدف من نشر قائمه افضل عشرين مشارك لا يقدح ان يكون بمثابه حافز للاعضاء حتي يكونو حريصين علي تواجدهم الدائم بالمنتدي حتي وان كانت مشاركاته لا تعد علي اصبع اليد الواحده فيكفي ان يتواجد ويتفاعل مع باقي الاعضاء حتي وان كان تفاعله يتمثل في مساهمه واحده عبرت عن فكره
وفي النهايه اشكر جميع الاعضاء والمشرفين الذين ادلو بدلوهم في هذا الموضوع

فى البدايه
لابد ان اشكر
سمر
على اهتمامها بالمنتدى
وعلى تفكيرها فى تطويره الى الافضل
وبالطبع
لن ازيد
فى الكلام
بعد ان وضح الادمن انه هناك فرق بين من يرد فقط وبين من يرد ويقدم مواضيع ويكون متواجد بيننا دائما
وكذلك ان يكون محبوب
حتى نقول له
برافو
انك احسنت بحبنا لك وبتواجدك و مشاركتك الايجابيه
لذلك انت الافضل
وبالنسبه للاقتراح المقدم
بان كل مشر ف يقول
افضل موضوع عنده
سوف تخلق جو من الاختلافات او الاحتقان داخل المنتدى
على سبيل المثال
كتب س من الاعضاء موضوع من وجهه نظرى انه الافضل
ولكن ص من الاعضاء قدم موضوع ايضا من وجهه نظره انه المفروض ان يكون الافضل
وهنا نجد
ان النفوس تعكرت
وهناك اخر كل شهر
مسابقه الافضل فى كل مواضيع المنتدى
حتى لانفقدها رونقها
مع اننى كثيرا مااجد ان المواضيع التى فازت ليست هى الافضل من وجهه نظرى ولكن مادام تلك هى اختيارات الاعضاء
لابد ان اوافق واقول للافضل مبروك
لذلك
اشكر جدا سمر على اهتمامها وتفاعلها من اجل نتدى افضل لنا جميعا
ولكنى اعتزر لها
لاننى
لست مع الاقتراح

اولا اشكر ادمن كثييراااا جدااااا لحسن استماعه ورده على موضوعنا
واشكرك انت ايضا ابو حنفى لانك من الشخصيات التى اعتز بها شخصيا بس
انا قصدت ان يكون كل يوم فيه افضل مش اكتر ان يبقى فيه روح وجو جديد
وبعدين فكرتى معناها مثلا ابو حنفى انت حتقول احسن خبر النهارده يكتبه كل عضو وبعد كده كلنا حنكتب
ليك وانت تقرر وتختار وترد وتعلن الفائز مين
كذلك نورااااااا افضل واجمل فستان او اكله كلنا حنكتب ونورااااا تختار وتعلن عن اسم الفائز
كل واحد مسئول عن قسمه فقط فمن اين حياتى الصراع او الغضب
بين المشرفين ده كل واحد حيكون له حريه القرار والاختيار فى قسمه فقط او يجتمع المشرفين مع بعض ويعلن الفائز كده حنكون ملينا كل الاقسام وكلنا كتبنا وساهمنا وتعبنا وفى انتظار النتيجه بس دة معنى فكرتى ولكم حريه الاختيار انا بس قلت كده عشان محدش يكون مضايق منى فقط
او حد يقول انى عايزه اسهماتى تزيد بس مدام كلكم فاهمين خلاص انا حرد واشارك على قد ما اقدر واشكر كل من قام بالرد والمشاركه معنا

» اجمل التهاني بمناسبه العيد الثاني لفضفضه
» اعتذار
» حصري لفضفضه:مجلس الشعب أقر قانون الاتجار بالبشر.. نهائياً
» حصري وهام لفضفضه فقط(موقع رهيب يجيب كل حاجه عنك) الحق واضغط هنا
» انفراد لفضفضه وبالصور مبارك يلمع حذائه ويكوي ملابسه بنفسه