تحب تعيش فين ؟؟

جميل يانورا تعبيرك عن السلبيات اللى هطفشنا من البلد لدرجه انه لو جت فرصه اننا نهرب بره البلد فلا جدال فى الهرب للراحه من احوالها.. بس انا واحده من الناس اللى هقول مصر امى ولا يمكن اسيبها مهما اتعرض عليا فرص انا مسيبش ارضى يمكن لانى مسئوله من ناس مش شايله مسئوليه زى الشباب والضغوط اللى عليهم...
انا فى نظرى ان اللى بيسيب بلده ويعيش بره (اقصد الهجره)ده بيمثلى جحود الابناء الام تربى وتربى وفى الاخر يسيبوها ولا يفكروا فيها ممكن يعملولها ايه يشيلوها ازاى ..لابيهربوا منها وبلا رجعه الازياره وممكن لا( مبدء انا وبس) ...لكن اللى بيسافر يشتغل مضطر من الظروف الصعبه فى البلد واللى بتخلى الشباب يتغرب وكفايه عليهم عذاب الغربه لكن بيرجعوا فى الاخر برضه بيرجعوا علشان هى حضنهم الدافى مهما اتغربوا بيرجعوا لاصلهم ومنهم اللى بيعمل مشاريع تفيد البلد دول برضه بيقولوا مصر امى غربتهم الظروف ورجعولها تانى ودى اهم حاجه......فى النهايه بجد موضوعك جميل وفكرتك جديده ميرسى ياااااااااااقمر.....ربنا يوفقك.

اولا شكرل نورا على موضوعك الجميل انا عايزه اعيش فى الشعوديه ان شاء الله لو خطيبى اشتغل هناك بس اكون خلصت كليه واحج هى دى امنيتى بس مش اتحرم من اهلى وشكرااااااااااااااا

تحب تعيش فين؟؟؟
*سؤال جميل جدا نورا.............*
بس انا متفقه مع نيرفين في رايها ,
وانا كمان احب اعيش في مصروحتي لو كانت فيها كل السلبيات دي ,
بس برضه فيها ايجابيات اكتر واهم ...........
علي سبيل المثال لا الحصر :الامان ,الاهل ,وكفايه انها ذكرت في القران بالامان ,وان جنودها خير اجناد الارض....
وغيره وغيره .......

موضوعك لذيذ وجميل يانورا بس انا بصراحة نفسى ازور كل البلاد العربية والبلاد الاجنبية كمان خصوصا فرنسا ، لكن حتى لو جاتلى فرصة انى ازور امريكا ولو ساعة واحدة انا هارفض لانى بصراحة بكره البلد دى جدااااااااااااااا
لكن انا عايزة ازرو مش اكتر لكن لو قالوا اعيش فين هقول مصر برغم كل اللى بيجرا فيها بس لو بعدت عنها اكتر من شهر هحس انى تايهة دة بجد والله ،دة كفاية انى فيها أمى .
سندريلا

نفسى اروح دبى والنمسا واليابان وايطاليا وفرنسا وهولندا وتونس والمغرب ونفسى اشوف المسجد الاقصى والحمد للة رحت السعودية بس كل دى فسح وارجع تانى لمصر اللى عشت واتربيت فيها مهما تكون

الحمد لله اننا مصريين بس علشان احنا في مصر مش علشان الناس اللى فيها واولا وثانيا وثالثا احنا اللى عملنا كده في نفسنا والموضوع بجد لازم نقرحه للمناقشة يعني ازاي نروح مكان نجرب العيشة فيه ونشوف الفرق ولو ملاقناش مكان كويس يبقي هنرجع تانى وناخد بلدنا بالاحضان
دكتور هانى

حسام حلها بكل بساطه يانورا....
انا كمان احب اعيش فى بلدى اه ممكن احب انى اسافر واخرج بره مصر بس ارجع تانى ومطولش فى سفرى
وبجد التوبيك بتاعك حلو جدا وفكرته كمان حلوه ميرسى ياقمر على التوبيك

مشكورة على موضوعك يا نورا وبجد هايل وبصراحة انا نفسى ازور كل بلاد العالم واشوفها

انا احب افضل ى بلدى اهوو اللى نعرفه احسن من اللى منعرفوش بس احب اعيش فى محافظة غير القاهرة وبفضل طبعا الاسكندرية عشان ابقى جنب البحر على طول
nourhan

رد على موضوع الاخت الغاليه نورا تحب تعيش فين سالو جحا تحب تعيش فين قال لهم البد اللى فيها مراتى والبلد اللى مفهاش حماتى بصراحه اشكرك نور لكن مصر ام الدنيا مهما قالو عنها ومش هلاقى تعبير ابلغ ولاكلام احسن من كلام الاخت نرفين واشكرك شكر عميق على افكارك حتى لو اختلفت اراى معاكى

بصراحة موضوع هايل يا نورا وفتح مجال كبير للحوار بين الاعضاء وانا شايفة ان موضوعاتك كلها هايلة وجميلة جدا وبتعملى فيها مجهود كبير ميرسيه حبيبتى على التوبيك

تحب تعيش فين ؟
في مصر ومش عندي استعداد اني اعيش في اي مكان غيرها.