من انت؟

ايه رايكوا فى السؤال ده يقدر كل واحد فيكم يجواب انا مستنيه الرد بس مش تتأخروا عليه بس وانت بجواب قول اللى انت شايفه عن نفسك بصراحه وعلى فكره انتوا هتساعدونى جدا علشان انا فى كليه اداب قسم علم النفس ماشى مستنيه جوابكم

انا شاب كاي شاب عادي عنده احلام كتير مكبوته وعايز يحققها
نفسي اكون فارس نفسي اقدر اقول لاء وقت منا عايز
صعب اني الظروف تفرض علينا حاجات كتير اوي
وغصب عننا بنندفع وراها
نفسي اعيش لحظه فرح من غير حزن بعدها
نفسي اقاوم الانكسار نفسي الاقي بنات مبتكدبش
او زي ما بيقولو متتجملش
وشكرا

انا بنوته عاديه حلمى زى اى بنت انى افرح واعيش حياتى من غير جرح وخيانه كل احلامى احس بالامان والحنان فى الدنيا نفسى مااتكسرش نفسى افرح ماما بيا
نفسى احس انى حبى راح للى يقدره نفسى اثق تانى فى كل الى حواليا نفسى اقدر الاقى الى يقف جنبى ويحسسنى ان ليا حد اجرى عليه لما اقع فى مشكله او اكون محتجاله وميتخلاش عنى نفسى فى حد يرجعلى ثقتى فى كل حاجه ويحسسنى ان الدنيا له فيها خير نفسى احس بالامان ودى اهم حاجه نفسى الاقى حد يقدر الحب بجد ويقدر يحافظ عليه نفسى اطمن وماخافش من الى حواليا نفسى امشى فى الشارع وانا مش حاسه بخوف من الى حواليا نفسى احس ان الدنيا زى زمان مش غابه عايشين فيها والى ملهوش ظهر يداس عليه حتى ولو كان الظهر ده حبيبى الى من اقل حاجه يتخلى عنى رغم علمه ان هو روحى ياترى صعبه احلامى؟؟؟؟؟؟؟؟؟؟

انا بنوته ممكن تقولي مرفهه الي حد ما
طلباتي كلها مجابه
بس انتو عارفين انا نفسي اعتمد علي نفسي في قرارتي
كتير بقرر حاجات كتير وارجع فيها لما حد يقولي انها غلط
نفسي محدش يقول عليا دلوعه ومستفزه حتي اختي بتقول عليا كده
بس انا مظلومه والله
والله انا بتصرف بطبيعتي ومش زنبي اني كتير بيحبوني
وانا مش لاقيه الحب معاهم
مشكوره ريناد علي موضوعك

انا واحده زي كل البنات عندها احلام كتير
ونفسي احققها ممكن اكون عمليه الي حد ما
وانا عارفه اني ده بياثر علي سلوكي وتصرفاتي مع الولاد
لكن انا نفسي احب من غير خداع افرح من غير زعل

انا انسانه عاديه زى اى حد عاوز يعيش فى امان وطمأنينه ..نفسى اعيش حياتى زى ما انا عاوزة اعيشها مش زى ماهى بتفرض عليا..نفسى مش يتفرض عليا فى حياتى ناس انا مش عاوزاها..نفسى الغى كلمه الظروف ضدى بتحسسنى بالسلبيه والضعف ..نفسى افوق من رومانسيتى اللى بسببها بتصدم فى ناس كتير..نفسى املك انى الغى الكدب والخداع من قلوب الناس دى اكتر حاجه بترعبنى فى دنيتى....نفسى ونفسى ونفسى ومفيش حاجه بتتحقق الا المكتوب........اللهم ارضنا بما قسمت لنا......... شكراااااا

انا انسانه عاديه زي كل الناس
انا انسانه تقدر المشاعر وتحترمها
انا انسانه بتحب الرومانسيه
انا انسانه بتحب تحلم
انا انسانه بتفضل السكوت
انا انسانه دائما حزينه واحيانا فرحانه
انا انسانه حلمها الوحيد انها تموت وهي مرتاحه وربها راضي عنها

على فكرة موضوعك جميل اوى ريناد ،انا كمان فى علم نفس كلية الاداب برضه زيك ،بس انا دخلتها عشان التنسيق كان عايز كدة
انا بنت تقدرى تقولى عايشة على ذكريات ماضى قديم نفسى يرجع تانى بس للأسف عمره ما هيرجع نفسى اتحرر من الماضى واعيش حياتى زى كل البنات اللى فى سنى ، مرض أغلى الناس عندى أمى خلانى اكبر عن سنى واتحمل مسئولية اكبر منى بس الحمدلله قدرت اتحملها بجدارة ، كان نفسى احقق حلم بابا وماما فيه واكون دكتورة اطفال بس الحمدلله على كل شئ ، مش بأحلم كتير ولا بعيش نفسى فى وهم وخيال لسبب بسيط لانى حلمت كتير وعمر ما احلامى اتحققت عشان كدة ققرت انى محلمش تانى
والحمد لله راضية دايما وبحمد ربنا على كل شئ وكل اللى بتمناه من ربنا ولغيت اخر يوم فى عمرى هفضل اتمناه ان ربنا يشفى والدتى وان ربنا ما يحرمنيش منها وان حرمنى منها يبقى بوفاتى انا مش أمى
واكتر عيب فيه ولازم اسميه عيب عشان بتسامح مع كل الناس حتى الناس اللى اخطأوا فى حقى كتير
وعيب لانى الصفة دى خلت الناس دول يفتكروا انى ضعيفة وانا مش كدة خاااااااالص
سندريلا

*سؤال جميل وزكي ريناد علشان تكتشفي شخصياتنا,
*بس انا مش هقدر اجاوبك لاني ما احبش اكون تحت اختبارات علم النفس......

انا حد عاديه جدا وبسيطه وعفويه ودمي خفيف .

اهلا ريناد فكرت كتير اتكلم عن نفسى ازاى واقول اية بس مش عارفة ابدأ ولا عارفة اقول اية
انا بس حبيت اشاركم وخلاص
وممكن تعتبرونى بوصف نفسى انى فتاة مسلمة مصرية تشبه ناس كتير عايشين فى مصر ولو هدانى تفكيرى لوصف تانى ادق اكيد حاكتبة على طول

الحمد لله .. إنى عبد الله أهيم على وجهي في دنياه الواسعة أهيم في ملكوت ربي ولا أدري إن كنت على صواب أم على خطأ ؟ ولا تأمن مكر ربك ولن نقدر على تغير ما قسمه الله لنا.