الى كل بنات حوا

حلم عمرى فتاة احلامى مش عارف شكلها ممكن يكون ايه ومش حاطط ليها شكل معين ممكن تكون طويلةوممكن تكون مش طويلةاو مليانة او رفيعةاو امورة او حلوة او مقبولة كل ده مش فارق معايا ومش فى دماغىالمهم تكون بنت رقيقة ولذيذةوعارفة يعنى ايه رجل ولما نتجوز تعرف تقوم بواجبات البيت متبقاش زى بقيت البنات الخايبة اللى هتتعلم فى جوزهاوعندى امنيات تانى فى فتاة الاحلام هقولها مرة تانيةمش عشاناللى تلاقى فيها المواصفات تبعتلى لا عشان اعتقد ان ده هتكون نفس امنيات شباب كتير غيرى00000الى لقاء اخر0000000
حسام

مواصفاتك عقلانيه اوي بس المهم تكون دي فعلا مواصفاتك الحقيقيه

مواصفاتك بصراحه يا حسام حلوه بس لما تصادف الواقع هاتتغير المواصفات دى وهاتغير رأيك .
ووقتها هايكون ليها مواصفات خاصه , ياريت كل الشباب فعلا يفكر بالصوره دى , بس مش هو دا الواقع.
الواقع ان الواحد بيكون عايز فتاة احلامه جميله فى كل حاجه واولهم الشكل طبعا.

كلامك جميل يا حسام بس بعيد عن الواقع لانك لو اتجوزت فتاة ماهرة باعمال المنزل ومش جميلة او مش مثقفة اكيد حاتكون غير راضى وبصراحة الشكل مطلوب حتى لو اعتقدت غير ذلك لان التجربة الفعلية شىء والتمنى شىء اخروالاهم من كل دة الرضا والتفاهم ومعاهم الكثير من الحب بين الطرفين حتى تستمر الحياة حلوة بعد الزواج

كل واحد فينا بيحط مواصفات perfect للشخص اللى هيرتبط بيه هيه عايزه يكون فيه حاجات معينه وهو بردو عايز يكون فيها حاجات معينه المشكله بقى لما بنيجى نشوف الواقع اللى قدامنا هنلاقينا بنتنازل عن حاجات كنت او كنتى عايزه تشوفيها فى الشخص اللى هترتبطى بيه او كنت هترتبط بيها ودا مش عيب المهم اننا متنزلش عن الاساسيات اللى فى الشخصيه اللى كل واحد بيدور عليها علشان اكيد مش هنلاقى كل حاجه احنا عايزينها علشان كده المفروض الواحد يبص الاول لعيوب اللى قدامه ويشوف هو هيقدر يتكيف معاها ولا لا لان المميزات اكيد مش هيبقى فى خلاف عليها

ياريت كل شاب يفكر بنفس العقلانية دى وربنا معاك ويوفقك

nourhan

مشكووووووور حسا م علي التوبيك الجميل

كلامك معقول جدا يا حسام بس الموضوع فى الجواز مختلف تماما لانك مش هاتختار من كاتلوج ولا حسب مواصفات الجوده العالميه فى حاجه اسمها القبول وهو اهم من كل الحاجات دى وممكن يحصل قبول مع واحده متوسطه الجمال وكمان مش ست بيت وانت تبقه طاير بيها وفرحان وعندك استعداد مش تتحملها وبس لا كمان تساعدها الجواز ده زى الموت مفيش حد بيختاره هو اللى بيخترنا

مواصفتك جميله ياحسام وانا متفقه مع نورا فى رايه واللى فى النصيب هتشوفه العين ومشكور

انا معاك يا حسام فى مواصفاتك لفتاه احلامك مش شرط الجمال ولا الشكل العام فهمتك انك تبحث عن انثى بمعنى كلمتها (الرقه وخفه الدم والاناقه والباقه والاحترام والتدين)رغم انك مش ذكرت ده كله بس ماأعتقدش انك تتنازل عن صفه من الصفات دى الى جانب احترامهالرجولتك والحفاظ دوما على ارضائك وانها تكون سيده منزل بتعرف تطبخ وكل اللى قلته انت كلامك صح لكن برضه زى نورا ما قالت نقطه القبول يمكن تكون فيها كل ده وانت اول ماتشوفها مش ترتاح لها يبقى كل ده مش هيبقى مهم أهم شئ الارتياح والقبول وده طبعا لزواج الصالونات......لكن بقى لو سيادتك وقعت وحبيت مش هتشترط اى شئ ولو حتى هتيجى من شغلك تلبس مريله المطبخ واشتغل بقى ياجميل بس ابقى خلى بالك من الملح اوعى يزيد منك.....ربنا يوفقك بالزوجه الصالحه وتكون فيها كل المواصفات اللى بتتمناها انشاءالله......شكراااااا

طبعا المواصفات دى هايلة
بس طبعا انا اتمنى ان المواصفات دى فعلا اللى انت هتختار بيها

ربنا يوفقك يا حصا وتلاقى اللى انت عايزو

شكراااا على موضوعك

يا حسام انت نسيت اهم حاجه في فتاه احلامك لازم تكون متدينه ده اهم صفا شكرا لموضوعك