حبيبى يقتلنى..........ماذا افعل؟؟؟؟؟؟؟؟؟

انا بنوته عندى 18سنه حبيت وانا فى اولى ثانوى واتعلقت بيه اوى واتغلبنا على كل مشاكلنا حتى الى كانو بيوقعو مابينا من اصحابى واصحابه قدرنا نتغلب على كل المشاكل وفى تالته ثانوى اتصل بماما وقالها انه بعد النتيجه حيجى ويتقدم رسمى وفعلا تمت قراءه الفاتحه وبابا وافق الخطوبه تكون بعد سنه وكانت الحياه قدامى احلى حاجه وهو كان حبى وعمرى كله وحب4 سنين كان هو عندى كل حاجه ابويا واخويا وصحبى وكل حياتى ومع بدايه الدراسه بدات المشاكل بسبب غيرته اوى عليا وانا مكنتش رافضه بس هو كل خوفه انى اندمج مع اصحابى فى الكليه وابعد عشان هو عارفنى بعامل الناس كلا بحسن نيه وبيخاف حد ياذينى او يجى جنبى بس بالعكس كنت بحتاجه وهو الى كان بيتحجج باصحابه وانه مروح معاهم او مش فاضى كنت بشوف اصحابى ازاى بيحبو وازاى بيكونو جنب بعض وانا الى مخطوبه وكل الكليه عارفه كده مفيش حد شاف خطيبى خالص وانا لوحدى ارد على اى حد بلسانه عشان يحسو انى مليش غيره ومحدش يفكر يكلمنى بس للاسف كنت بسمع التريقه عليا بودانى وانا بقول انا مخطوبه ومحدش شافه حتى جاه اخدنى فى اى يوم ولا حتى لابسه دبله منه فى ايدى كنت بسمعه وهما بيقولو عليه نظمى وانى مغروره وبقول كده لمجرد عشان محدش يجى جنبى وفى عز كل الى انا فيه مكنتش بحسسه بحاجه عشان ميقلقش عليا كنت بعشق المشاكل عشان يجى الكليه لحد لما فى زميل كلمنى وقالى انه عايز يتقدم رسمى وانى معتبرش مخطوبه مدام مش لابسه دبله وللاسف جريت على حبيبى وحكتله وفعلا جاه الكليه عشان يقولو انه خطيبى انا عارفه انى غلطانه وبستحقر نفسى انى ازاى احط حبيبى وعمرى كله فى الموقف ده بس انا كنت عايزه انه يظهر معايا فى الكليه عشان الناس كلها تحس انى مش بكدب وانى فعلا مخطوبه بس كرهت نفسى اوى انى ازاى اخلى حبيبى يعيط فى الشارع لمجرد احساسه انى ممكن اضيع منه ورجعت معاه زى الاول واحسن بالعكس اتهنت من اهله واصحابه وناس مش عارفاه لمجرد انى عايزاه وفى عز كل الى انا فيه مكنتش بقول لماما عشان متزعلش منه انه معزب بنتها وبدات اندمج مع اصحابى فى الكليه عشان محسش انى محتجاله وارجع احس نفس الاحساس تانى وادور على مشاكل تانى ومش معنى كده انى بعدت عنه والله ابدا كان كل ما يحتاجنى يلاقينى ارجل من اصحابه الى بيفضلهم عنى وهو الى كان بيعترف بكده بس كان بيرجع تانى زى الاول لحد لما لقيت المشاكل كترت وبقى يتحجج انى بتاخر وانى بهتم بكليتى اكتر وفى عز الامتحانات قالى اننا مننفعش لبعض وانه تعب ومش قادر يعمل حاجه عشان يوفى بوعده ويكمل خطوبتنا فى الصيف وافقت اكمل معاه لحد لما يقدر ونكمل خطوبتنا رفض وقالى انه تعب من موضوعنا ومن بعدها وانا حاولت الانتحار مرتين ومقدرتش اكمل امتحانى وكنت يوميا فى المستشفى ولما اتصل بيه يقولى مش حيقدر يجى بس الى صبرنى عليه انى كنت بحس بقلقه عليا وحبه ليا بس كان بعيد عنى كنت بتصل بيه يوميا اتحايل عليه نرجع ونكمل سوا كنت بموت من غيره لدرجه ان اصحابى رحولو لغايه بيته وقالولو انى بموت ومحتجاله ورفض بردو بس كان بيخلى اخته تتصل تطمن عليا وفى الفتره دى ماما حاولت تعمل اى حاجه عشان انساه ومقدرتش كنت24 ساعه نايمه ولما اصحى واحاول اقوم او انزا كنت اقع وينقلونى المستشفى كانو بيقولو انى خلاص بموت وكنت مع كل ده بكلمه فى التلفون واوصفله حالتى عشان يعرف انى مش حقدر اعيش من غيره وانى حستناه عمرى كله ومش حكون غير ليه وفعلا رجعلى وكان كويس معايا بس للاسف لقيته بيكلم واحده تانيه وكلمته وانا معاه وقالى انها مواضيع دخل فيه لما كنا بعاد عن بعض وقالى 2 او3ايام وارجع الى حبتيه تانى وافقت ومقلتش حاجه كان كل همى انه يكون معايا مش مهم اى حاجه تانيه بس دى حكايتى انا عارفه انى غلطانه فى حاجات كتير والمفروض انى ابعد عنه وانساه بس مجرد انى افكر انى ابعد عنه بتعب لدرجه انى ممكن ادخل المستشفى لمجرد التفكير بس انه يبعد عنى او يسبنى تانى انا كل همى اعرف ردكم على حكايتى ايه بس مش اكتر ومهما قولتو انا مش حزعل بس فى نفس الوقت مش حقدر انساه او ابعد عنه ده مستحيل بالنسبالى لو فعلا بعدنا تانى يبقى حموت بجد مش مجرد تعب
الحكايه دى حكايتى انا بجد ومحتجاكو تقفو جنبى
tota