العيب فى الحب ولا فينا

المفروض ان القسم دة اسمو فضفضة وانا بصراحة نفسى اتكلم كتير واقول حاجات كتير مش عارفة اقولها لمين المهم ان الحكاية دى حقيقية وان فى واحدة كانت بتحب واحد حب مفيش زية حب افلاطونى زى مابيقولوا وكانت فاكرة انو بيحبها واتعرضت لاهانات كتير اوى بسسبة من اهلو واصحابوا ومع كدة كانت مستحملة كل دة واللى مصبرها انو معها وانها بتسمع صوتوا وبتشوفوا دى كانت اقصى متعة ليها فى الدنيا .خسرت ناس كتير اوى عشانوا وباعت اصدقائها عشانوا وخسرت اغلى حاجة عندها كرامتها تخيلوا بعد كل دة يجى يوم ويقولها احنا ماننفعش لبعض بعض تضحية واهانة وزل 3 سنين المهم ان البنت دى فقدت الثقة فى كل اللى حواليها حتى اهلها وفقدت الثقة فى الحب نفسو واقنعت نفسها ان الحب دة وهم ولو حصل الوهم دة يبقى لازم حد يخون فى النهاية .وكان للبنت دى ولد يبقى ابن عمها كان بيحبها وهى كانت عارفة بس كانت مش بترضى تديلة اى امل لانها كانت بتحب غيرو وحتى لما سابت الولد اللى كانت بتحبوا كانت فقدت الثقة فى كل الناس على الرغم من ان ابن عمها دة احسن من الشخص للى كانت بتحبوا فى كل حاجة مكنش فى مقارنة اصلا بينهم ومرت الايام وجة يوم وحاولت البنت دى تفكر صح وتفكر فى مستقبلها اللى جاى وتنسى الماضى كانت فى كل خطوة تلاقى ابن عمها دة قدمها بيساعدها فى كل حاجة حاسس بيها فى اى حاجة ومن كتر اللى بيعملوة عشانها بدات تثق فية وترتاح وهى بتتكلم معاة ومرة ورار مرة حبتوا وهى دلوقتى اسعد واحدة فى الدنيا لانها لاقيت الشخص اللى يستاهلها ويقدرها يبقى يا شباب العيب مش فى الحب العيب فينا احنا وفى اختيارنا لازم نختار بقلبنا وبعقلنا وعلى فكرة البنوتة دى خطوبتها قريب على ابن عمها ربنا يسعدها يارب ويسعد كل البنات وانا اولكوا يا بنات