عيد المحبين

يقول احساس غربه في احدى قصائده عن عيد الحب 000الغير موجود اصلآ في مجتمعنا وبعد ان قرأ بورنيم القصيده ردعليها بهذا القصيده اترككم تحلقون في فضاءها الرحب وتستنشقون عطرها العذب
وعساها تعجبكم وتنال على ذائقتكم الشعريه
!!
!!
!!
قالت علامك غايـبٍ لـك يوميـن
وش أخرك ما جيت يا ابن الحموله
ما تدري أنه أمس عيد المحبيـن
واحتفلوا العشاق في كـل دولـه
الظاهرأنك مـا تعـرف القوانيـن
والحب ما تعرفه ولا تعرف أصوله
النـاس فرحانـه بعيـد الفلنتيـن
وانا الحالي أسهـر الليـل طولـه
تلعب بي الأفكـار يسـار ويميـن
معقول تنسانـي بهـذه السهولـه
انته تعرف اني أحبك مـن سنيـن
حبك بقلبي من سنيـن الطفولـه
قلت العفو يا سيد كـل المزاييـن
عساك ما انتي يا حياتي مهبولـه
أي عيد هذا اللـي عنـه تقوليـن
الديـن واضـح بينـاتٍ فصولـه
اللي نعرفه بالسنه فيـه عيديـن
بانت بشرع الله وسنـة رسولـه
خلي أعياد الغرب يا بنت تكفيـن
تقليدهم مـا فيـه عـز وبطولـه
ابي أنهي الموضوع وأختم بيتيـن
خلك معايه واسمعي ويش أقولـه
انتي ترى مسكنك في داخل العيـن
ومكانتك باالقلب ما احـدٍ يطولـه
واللي أعرفه بالسنه فيـه عيديـن
وثالث أعيادي شوفتك يا مهبولـه