للبنات اسرار لا تعرفينها عن حب الشباب

1_ الشاب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .

2- الشاب ميحبش البنت تعاكسه و تترمي عليه و تتغزل فيه و في جماله عشان ده دوره هو المفروض .

3- ممكن الشاب يعجب بيكي للحظة و ينساكي بعديها ولا كأنه شافك قبل كده .

4- لما الشاب يقولك انا مش قادر افهمك هو يقصد ببساطة انه أنتي مبتفكريش بطريقته أو زيه .

5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .

6- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها
7- لما الشاب يحبك بيتجاهل كل عيوب شخصيتك
-للبنات_اسرار_لا_تعرفينها_عن_حب_الشباب

8- ابتسامة فرح جميلة منك بالدنيا واللي فيها عند الشاب .

9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

11- لما الشاب يقولك انه عايز يقابل اهلك اوعي ترفضي بل بالعكس شجعيه و اقفي جمبه في المعركة عشان تحسي بحلاوة النصر .

12- الشاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن

13- على فكرة الشاب بيعيط (مهما بان جامد و قوي مهو بني آدم برضو) .

14- لما تبقي في بداية علاقة متستعجليش على انك تضايقي الشاب عشان تتخانقوا صدقيني هتتخانقوا هتتخانقوا .

15- الشاب ميعرفش يحلم و يتأمل كتير زيك و معندوش صبر عايز كل اللي يتمناه يتحقق في ثانية .

16- الشاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

17- لما توصلي لقلب شاب أنتي كده دخلتي سكة مفيهاش راجعة (دخول الحمام مش زي خروجه) .

18- اوعي تدي شاب رسالة متعلقة زي " عارف... " أو " عايزة أقولك حاجة.. " و تسبيه كده عشان كدة دماغه هتنط لاستنتاج بعيد أووووي عن اللي في دماغك .

19- الشاب بيتجنن لما بيلمس ايدك .

20- الشاب لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه

21- لما الشاب يقولك " اااممممم " أو يديكي أي عذر لما تطلبي منه حاجة اعرفي انك مش عجباه ومش مستعد يديكي (الكريديت كارد) أو حتى يدفع فيكي قرش واحد .

22-قولي للشاب أنتي عايزة إيه منه بالظبط من الاول قبل ما تقع الفاس في الراس و بعدين يقول ياريت اللي جرى ما كان .

23- لما تقولي لشاب " لأاااه " بيسمعها هو حاول تاني بكره (معلش أطرش ههههههههه) .

24- الشاب بيكره الشاب الفافي .

25- الشاب بيموت في أمه (يعني كلوا الا هيا) .

26- الشاب ممكن يضحي بالفلوس اللي هيتغدي بيها عشان يشتريلك بوكيه ورد احمر (يعني يجوع عشان سواد عيون حضرتك) ...

اسرار جميله جدا ياجومانا
ومفيده للبنات
مشكوووووووووووره جومانا

لواء عدد الرسائل : 1180 تاريخ التسجيل : 30/05/2008

مشكوره جومانا علي الاسرار الجميله ديه عن الشباب

ههههههههههههههههههههههههههههه
عسوله اوى اسرارك يا جومانا
بجد ضحكتنى جدا
وبالخصوص موضوع كله الا امه
وانه يموت من الجوع علشان يجيب بوكيه ورد
فين الشباب اللى بتتكلمى عنهم يا جومانا
ههههه اكيد مش فى مصر
ميرسى يا حبيبتى على موضوعك

ميرسى يا جومان على موضوك وخصوصا لما يسالك
بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .
هههههههههههههههههههههههههههههههههههه
هو ده اللى كله بيعمله اكيد

لالالالالالالالالالا ياايناس يا حبيبتى الكلام
ده بيحصل فعلا لكن اول اسبوع فى الخطوبه
بعد كده عينك ماتشوف الا النور
خلاص نبقى واقعيين شويه
وبعدين لو طلبتى ورد يقولك
ورد ايه وبتاع ايه انتى عبيطه
فلوس الورد نعمل بيها حاجه فى الشقه
*********************
شكرا يا جومانا على الاسرار الجميله