رباعيات صلاح جاهين

الى كل محبى صلاح جاهين وان شاء الله انزل معظم رباعياته لانى من اللى بيحبوا اشعار صلا جاهين


مع إن كل الخلق من أصل طين
وكلهـم بينزلـوا مغمضيــــــــــ ن
بعد الدقايق والشهور والسنين
تلاقي ناس أشرار وناس طيبين
عجبي !!



عجبي عليك ... عجبي عليك يا زمن
يابو البدع يا مبكي عيني دمـــــــــــاً
إزاي أنا أختار لروحي طريـــــــــــق
وأنا اللي داخل في الحياة مرغمــــــــاً
عجبي !!


مرغم عليك يا صُبح مغصوب يا ليل
لا دخلتها برجليا ولا كانلي ميـــــــــــل
شايلني شيل دخلت أنا في الحيـــــــاة
وبكره ح أخرج منها شايلني شيــــــل
عجبي !!


سنوات وفايته عليا فوج بعد فــوج
واحدة خدتني إبن .. والتاينة زوج
والتالتة أب خدتني والرابعة إيــــه
إيه يعمل إللي بيحدفه موج لموج ؟
عجبي !!

وانا في الضلام .... من غير شعاع يهتكه
أقف مكاني بخوف ولا أتركه
ولما بيجي النور وأشوف الدروب
أحتار زيادة .. أيهم أسلكه؟
عجبي!!


نظرت في الملكوت كتير وإنشغلت
وبكل كلمة ( ليه ؟) و ( عشانيه ) سألت
اسأل سؤال .. الرد يرجع سؤال
وأخرج وحيرتي أشد مما دخلت
عجبي!!


خرج ابن أدم م العدم قلت : ياه
رجع ابن أدم للعدم قلت : ياه
تراب بيحيا .. وحي بيصير تراب
الأصل هو الموت ولا الحياة ؟
عجبي!!


ضريح رخام فيه السعيد اندفن
وحفرة فيها شريد من غير كفن
مريت عليهم ...قلت يا للعجب
لاتنين ريحتهم فيها نفس العفن
عجبي!!


ياما صادفت صحاب وما صحبتهمش
وكاسات خمور وشراب وما شربتهمش
أندم على الفرص اللي انا سبتهم
ولا على الفرص اللي ما سبتهمش
عجبي!!


والكون ده كيف موجود من غير حدود
وفيه عقارب ليه وتعابين ودود
عالِم مجرب فات وقال سلامات
ده ياما فيه سؤالات من غير ردورد
عجبي!!


غدر الزمان يا قلبي مالهوش أمان
وحاييجي يوم تحتاج لحبة إيمان
قلبي ارتجف وسألني .. أأمن بإيه ؟
أأمن بإيه محتار بقالي زمان
عجبي!!


يا باب إيا مقفول ..إمتى الدخول
صبرت ياما واللي يصبر ينول
دقيت سنين .. والرد يرجع لي : مين؟
لو كنت عارف مين أنا كنت أقول
عجبي!!

جميله اوي الرباعيات ديه يا سالي
انا من معجبي صلاح جاهين جدا جدا
مشكووووووره سالي علي التوبيك الجميل
وانك فكرتينا بفنان رائع زي صلاح جاهين

جميله اوي الرباعيات ديه
شكرا ليكي سالي علي الكلام الجميل
مشكوووووره

مشكووووووووره سالي علي الرباعيات الجميله
بس قوليلي هو في منافسه بينك وبين عادل علي الرباعيات ديه

*عجبي عليك ... عجبي عليك يا زمن
يابو البدع يا مبكي عيني دمـــــــــــاً
إزاي أنا أختار لروحي طريـــــــــــق
وأنا اللي داخل في الحياة مرغمــــــــاً
عجبي !!
**الله علي جاهين.........
**شكرا سالي انك كتبتي لنا الرباعيه الهايله دي...........

حلوة مووووووووووت يا سالى بجد عجبتنى جدا وانا بصراحة اول مرة اقرأ هذة الرباعيات
فعلا تحفة
واشكرك جدا انك عرفتينى بيها
ايناس

خرج ابن أدم م العدم قلت : ياه
رجع ابن أدم للعدم قلت : ياه
تراب بيحيا .. وحي بيصير تراب
الأصل هو الموت ولا الحياة ؟
عجبي!!.........الله عليك ياجاهين......
ميرسى يا سالى وياريت تكملى لينا رباعياته.......ربنا يوفقك يا حبيبتى......شكرااااااا