يوميات واحد متزنب في طبور العيش

النهارده كنت رايح اجيب عيش
وقفت في الطابور علشان اجيب عيش للفطار
وقفت ساعه ورا ساعه والطابور مش عايز يخلص
وانا واقف سمعت اتنين ستات بيحكو لبعض عن موقف عجيب
فلانه: ماسمعتيش اللي اكتب في الجرايد
علانه:ايه اللي حصل
فلانه: بيقولو اني في واحد غلبان راح علشان يجيب لعياله عيش علشان ياكله
وقف في الطابور ولما وصل لدوره العيش خلص
قال اروح اجبلهم مكرونه لقاها غليت قال اروح اجيبلهم رز لقاه غلي
حب يشتري زيت لقاه ولع
علانه: وعمل ايه
فلانه: اخر لما غلب روح لعياله السبعه وامهم حطلهم شويه فول وحط فيه سم واكلهم وكل معاهم
علانه: يا نهار اسود وحصل ايه
فلانه: العيال وامهم ماتووهوفضل عايش
علانه : وعمله معاه ايه
فلانه:لما سالوه عملت في عيالك ليه كده
قالهم اموتهم بايدي احسن ما يموتو من الجوع

انا بصراحه لما سمعت الحكايه ديه اتاثرت من جوايا اوي وكنت هابكي لكن كنت خلاص وصلت لدوري
واشتريت العيش بتاع الفطور للعشا 00000اصل انا رحتلهم بالليل؟؟؟؟؟؟؟؟؟؟؟؟؟؟
الي اللقاء ليوم جديد؟؟؟؟؟
عادل

الموضوع جميل
بس الحمد لله اخيرا ازمه الطوابير اتحلت والعيش بقي بيوصل للمنازل من غير اي مشاكل علي الاطلاق

الحمد لله انك لحقت العيش قبل مايخلص
انا فعلا كل اما اكلم حد تقولى اخبار العيش ايه عندكم وازمة العيش .
انا سمعت عن اللى انتحر بسبب زجاجة الزيت اللى غليت .
يلا الحمد لله
احنا مستنظرين يوم جديد

بلاها عيش اللى بيجيب الموت ده يا عم وكل نفسك احسن ما يجى يوم وتتطلع فى الجرايد زى صاحبنا اللى سم مراته وعياله والخوف ان صاحب الفرنة يتزنق هو كمان فى قرشين ويروح حاطط سم فى العيش ويموت الناس ويضحى بيهم عشان خايف على مراته وعياله والخوف الاكبر من الحكومة انها تفضل مزنوقة كدة كتير وتشحت علينا ومتلاقيش تقوم حاطلنا سم وتخلص مننا وخلى الكلام ده فى سرك احسن الحكومة تعرف وتخلص مننا بجد

والله انا بموت من الضحك لما بسمع الكلام ده
انا اسفه يا استاذ عادل

مبقتش الطوابير فى العيش بس ياعادل دى بقت فى كل حاجة بعد كده هيعملوا طوابير مين هيتنفس الهوا الاول
ربنا يرحمنا
سندريلا

فعلا كان فيه مايسمى بماساه العيش ربنا مع الشعب المصرى ويغينيه