ربي ااكفني شر اصدقائي

بجد انا عايز افضفض عايز افك عن نفسي شويه
بس مش عارف اقول ايه ولااكتب ايه
بس بجد انا نفسي اكون فارس
بس يا خساره معنديش سيف
نفسي احس اني عايش بجدمش عايش وكل يوم بموت الف مره جوه نفسي
بموت لما بخسر صديق وثقت فيه
بموت لما ابص الاقيني جوه نفسي تايه مش عارف انا رايح فين
بموت لما بلاقي الحب ينقلب لغدر وخداع
وفي مثل مكنتش فاهمه زمان
( ربي اكفني شر اصدقائي اما اعدائي فانا كفيلا بهم)
دلوقتي انا فهمته كويس جدا
فهمت اني ممكن صديقي يطعني بخنجر مسموم في ضهري
يبتسم في وشي ومن ورايا يتمنالي الهلاك
لكن عدوي واضح قدامي بكون مستعد له في اي لحظه
وفي الاخر بقول انا بتولد مع كل لحظه سعاده بحققها لصديقي
وشكرا
0000000 عادل0000000000

غدر الصديق اصعب انواع الغدر لان الصديق يعني الحب ,الامان ,العطاء .
بس لما نكتشف غدر الصديق ده نحمد ربنا لان رغم الصدمه العنيفه اللي هنتعرض لها الا اننا هنتخلص من انسان منافق ,وما يستهلش حتي اننا نزعل منه, احنا ممكن نزعل عليه .

جميل اوى انك تفضفض عن اللى جواك .
بس فعلا اصعب شئ واللى فعلا يوجع اوى هو انك تكتشف حقيقة صديق كنت بتحبه وتخلص له وهو يكون عكس كده.
انا مجربه ده مع صديقه ، كانت بالنسبه ليا اكتر من اخت ماما كانت بتقولى دى الجو بتاعك ولا ايه.
بس دلوقتى معنتش بطمن ليها وهى السبب انى مأمنش لأى حد.
بس برضه الواحد مايقابلش السيئه بالسيئه ، وكفايه انك تكون نضيف من جواك لأى حد مهما غدر بيك.

اخترت موضوع صعب اوى تتكلم فيه يا اخ عادل وناس كتير مرت بيه لكن الحياة تجارب ولازم نشوف فيها كل شىء المهم نتعلم من اخطأنا والمثل برده بيقول (رب اخ لم تلده امك)000000000000000حسام

معاك حق عادل اصعب حاجه غدر حد مكنتش تتوقع انه يغدر بيك او حد خان ثقتك فيه بجد بتحس بعدها زى مايكون ضهرك انكسر بس احنا لازم نعرف الكدب علشان نعرف بعد كده نميز بين الصادق والكداب
بس المفروض متزعلش على حد علشان فى حد تانى اولى انك تزعل عليه هو نفسك لما تزعل على نفسك وعلى اللى حصلها هتحاول على اد ماتقدر اللى حصلك ميتكررش تانى وتاخد بالك ودا حال الدنيا مع الكل والكل بيتعلم

اوقفتنى كلمتك انك عاوز تكون فارس لكن للأسف مش عندك سيف..
فى زمانا ده الفارس فارس بكلمته وبقراراته ..
أصعب شئ انك تكتشف ان صديقك خااااين...
ان الأنسان اللى كان ليك محل ثقه اكتر من اى مخلوق يغدر بيك...
صعب اوى الطعنه فى الضهر والأصعب لما تلتفت وتلاقيها من اقرب حد ليك....
لكن عارف هى اكبر مصيبه غدر الصديق صحيح...
لكن لوبصينا للموضوع صح هنلاقى انه مش كان صديق ولا يستحق عظمه الكلمه دى...
ولا يتبكى عليه لحظه ده فراقه نعمه من الله انه انتهى من حياتنا...وعرفنا حقيقته...
المهم اننانجعل معاملتنا لله من خلال الناس...
ربنا يوفقك....واعتقد ان اللى زيك فى اخلاصك اللى واضح من درجه تأثرك دى مخسرش بالعكس اللى غدر هو اللى خسرك...ربنا يحميك ويوفقك ويحفظك من كل سوء

فعلا يا عادل اصعب حاجه خيانه الصديق والطعنه اللي بتجيلك من الخلف

انا اسفه جدا يا عادل انى ما شوفتش موضوعك ده قبل كده
بس هو موضوع مهم جدا وفعلا الغدر عموما حاجه صعبه اوى
وخصوصا لو غدر الاصدقاء لاننا ساعات بنشعر ان الصديق
اقرب شخص لينا بنحكى له على كل اسررنا واول ما نحس بجرح نجرى
عليه وصعب اوى ان الشخص اللى تحتاج لى يكون هو نفسه اللى بيجرح .........
مش قادره اقول ان ده هايكون اخر غدر فى حياتك
لان طول ما احنا عايشين بنفرح شويه ونتجرح شويتين
بس هو اجمل ما فى موضوعك انك اول ما حسيت انك عايز تفضفض
كتبت على طول وعلشان كده كلامك طلع صادق اوى ...............
ربنا يوفقك ويارب يكون اخر غدر تقابله فى حياتك