صدمة فى قلبى

سيدى
ارسل اليك برسالتى هذه انا فتاه ابلغ من العمر عشرون عاماوعشت عمرى اغلق قلبى فى وجه الجميع وانا معتقدى اننى لن اجد فى حياتى من يستطيع التاثير على مشاعرى وقلبىمن كثرة ما سمعت عن مشاكل الحب فقد وجدت صديقاتى يعانين منه الامرين فازداد قلبى وعقلى فى رفض الحب الى انا جاء اليوم الذى لم اكن اتوقعه فمنذ اللحظة الاولى التى وقعت فيه عينى عليه وجدتنى اهتم بأمره دون ان اشعر ولسوء الحظ انه لم يكن وحيدا بل كان حبيب صديقتىوكل ما حدثتنى عنه ازداد قلبى وسمعى ومشاعرى تعلقا به وقاومت بكل ما املك كى لا اجرح واخسر اعز صديقاتى وكنت اخشى ان تفضح عيونى او اهتمامى ما اصبح يسيطر على نحوهالى ان جاء اليوم الذى رتبه القدرووضعه فى طريقى يعرض على شكواه من حبيبته والتى هى اعز صديقاتى ويقارنى بها مؤكدا انه يرانى الافضل دائماوانه يريد ان ينهى علاقته بها ويبدأمعى حبه الجديد لم اجد ما اقوله سوى ترغيبه فى صديقتى وتاكيدىله مرارا وتكرارا انها انسانة هادئة وؤقيقة ولن يجد لها مثالا وانها لا تستحق منه ذلك وانا فى ذات اللحظة اموت واموت فى داخلى من تركه بعيدا عنى ولم ينتهى الامر عند ذلك بل ازداد تصميما على مباغتة قلبه وحبه لى ولم اجد سبيلا يخرجنى من هذا الالم علما بان صديقتى هى الاخرة لاتقل حبا له عنى فماذا افعل فقد راح عقلى ولم يعد قلبى قادرا على التحمل

مش عارف اعلق على مشكلتك واقول عليه لانها فعلا صعبة ومحتاج تركيز عشان الاقى رد مناسب اقوله فسامحينىانا عاجز عن الرد

مشكلتك فعلا صعبه ياصديقتي وتصرفك صح جدا لان ما ينفعش نضحي باصداقنا او نجرحهم
انتي ممكن تلاقي الحب مره تانيه لكن الصديقه اللي بجد صعب جدا تعوضيها

ردى عليكى يااختى العزيزة.....
ان اللى عملتيه هو الصح وهو عين العقل وكمان فى حاجة تانية الانسان اللى حب صاحبتك ده ضحى بيها بسرعة وبدأ يحبك يبقى ده مش اسمه حب ومش عارفة اسميه ايه !!!!!
هو لاقى لعبة واعجب بيها وقال العب بيها شوية وبعدين لما زهق منها رماها وراح يلعب بلعبة تانية . يبقى انسان ميستحقش ان حد يحبه اصلا.
ومن ناحية تانية هيبقى شكلك ايه ادام صديقتك اللى بتأتمنك على اسرارها واللى انتى فى نظرها صديقتها واختها.
انا معاكى انها معادلة صعبة بس ليها حل وحلها فى ايديكى انك متحاوليش تفكرى فيه ولو كنت مكانك كنت هعمل كده وان شاء الله ربنا هيرزقك بانسان يقدرك وتستاهليه ويستاهلك وان شاء الله تجتازى مرحلة الالم اللى بتمرى بيها .
.....حنين محمد .......

انا متفقه مع راي حنين تماما

أختى الحبيبة مش عارفة اقولك اية بس عايزاكى تعرفى ان كل شىء فى حياتنا نصيب وافضل حل لموضوعك انك تبعدى نفسك عن الحكاية كلها لانك بتعذبى نفسك بدون جدوى اطلبى من صديقتك عدم ادخالك فى هذا الموضوع بكل تفاصيلة لاى سبب تقترحية وادعى ربنا كتير انة يطمن قلبك ويهديكى الى الخيروان شاء اللة ربنا يكرمك بانسان افضل فى كل شىء ولا يعرف اى من صديقاتك الفتيات بالطبع

انا رأي من رأي حنين
الانسان ده انانى وممكن زي ماعمل مع صاحبتك يعمل معاكى ويدور على غيرك
ومش بسهوله تلاقى الصديقه المخلصه والصداقه اهم لانها الشئ الوحيد اللى باقى
انما الحب كتير بيفشلوا فى حبهم او مش بيستمر وممكن يروح وتلاقى غيره
بلاش تجرحى صديقتك وابعدى عن الموضوع ده خالص وتبعدى عنه

انا رايى هيكون صعب عليكى انا عارفة بس دة لازم
تبعدى علشان مش تخسرى صديقتك دة انسان مش حد يثق فيه
لانه كدب على صديقتك بحبه وسورى مش تزعلى منى ممكن يلاقى الاحسن منكم انتوا الاتنين بردة ويقولها نفس الكلام اللى بيقولهولك
خلى بالك وفكرى مرة واتنين والف علشان مش تخسرى صديقتك

الصداقة هى اللى بتدوم

nourhan

الاصدقاء احيانا بيكون اغلي من الاحباب
فياريت تحافظي علي صديقتك
مشكووووره

مش عارفى اقولك ايه بس صعب انك تلاقى صاحبة بجد دلوقتى حافظى على صاحبتك وهو زى ما سابها عشانك متزعليش حيسيبك عشان واحدة تانية خلى بالك من نفسك ومن صحبتك

طبعا كل ردود الاصدقاء صح جدا. هو لو انسان كويس ومش بيتسلى مكنش عمل كده ده انسان مالوش امان... انا رأى ان اللى زى ده لايؤتمن انتى فى موقف اصعب من اللى بتحكيه افرضى شخص زى ده مع رفضك ليه يروح لصحبتك ويحكيليها الموقف بالعكس ..ماهو خاين والخاين مالوش مبدء انا رأى انك تحكى لصحبتك موقفه وتنصحيها بانها تنتبه ليه كويس ده لو هى عاقله .هى مش كده بقى ابعدى عن اى كلام فى الموضوع ده معاها..وكمان خدى بالك انك من الاساس سمحتى لاحساسك بشئ مش من حقك انتى بتقولى احساسها مش اقل منك لااااااا هى اقوى لانه حبها قبل انتى ماتفكرى فيه .وجهى وجعك بالحب ده الى اتجاه صح وهو مش من حقك ولو حصل هتبقى فى نظر صحبتك..... اكيد فهمتى فاللى انت عملتيه ورفضك هو الصح ربنا يحميكى ويوفقك ويرزقك بانسان يستاهل قلبك بجد.. شكراااااا

ماتخسريش صحبتك عشان واحد زى دة واصلا انتى ازاى تحترمية بعد ما ساب صحبتك وجرحها وبيلمحلك بحاجة زى دى انوا عاوزك انتى دة انسان مايستحقش الاحترام وزى ماباع صحبتك اكيد هيبيعك متزعليش من ردى