أمى ....يا غالية

فى نفس يومىونفس ميعادى
جيتلك يا امه
ودمعة عينى سابقة الفرحة
ودقة قلبى حسه برعشة
(نجحت انا ياامه)
أدام قبرك حسيت حضنك
حسيت بيكى مشاركة الفرحة
عايزة اضمك
عايزة احسك
عايزةروحك تفضل جنبى
تسكن حضنى...........تملى كيانى
ربنا يغفر
ربنا يسامح
ربنا يسكن
أحسن جنة
رسولنا قال
أمك ....أمك
واناقلت ياربى
الغالية دى أمى
روحى وعقلىونبض قلبى
ارحمها ياربى
وارجع تانى
واقولك يامه
حبك حضنك ...راضية برؤيا
تسعد قلبى...وتفرحنى
وتحسسنى ان انك لسه
عايشة يا غالية
ليلى ..نهارىفى كل صلاتى
بدعى يأمى
ربى يسكن
أحسن جنة.

ادعولها بالرحمة

جميل احساسك ده يا حبيبة انا بجد اى كلام عن الام بيأثر فيه جدا
مشكورة
وربنا يرحم والدتك ويغفرلها
سندريلا

لواء عدد الرسائل : 1180 تاريخ التسجيل : 30/05/2008

احساسك جميل اوي في القصيده ديه حبيبه
وطبعا مهما كتبتي مش هاتقدري تعبري عن
المشاعر اللي جواكي لوالدتك
احساس جميل مشكوره

كلماتك جميله عن الام يا حبيبه
فعلا الام ميكفهاش كلام نكتبه عشانها
مشكوره

عسكري عدد الرسائل : 39 تاريخ التسجيل : 02/06/2008

الام فعلا اجمل هديه يا ريت نعرف قيمتها
رينا يبارك لكل واحد في امه
ويرحم كل ام ويصبر اولادها علي فقدهم لها.

رحمة الله على كل اموت المسلمين وفعلا اغلى شىء الام لانها بضحى كتيروبتستحمل كتيربس احنا برده مها عملنا مش هنقدرنوفى حقها او حق الاب بس نتمنى نكون صالحين وربنا يجعلنا فى ميزان حسناتهم0000000000حسااااااااااااااااااام

بدايه ادعو لوالدتك بالرحمه ولكل امهاتنا
وميرسي جدا علي الكلام الرقيق يا حبيبه
غايه في الجمال ربنا يوفقك

رائد عدد الرسائل : 269 تاريخ التسجيل : 05/07/2008

فعلا كلمات جميله اوى يارب يرحم جميع اموات المسلمين ويصبرك على بعادها

ربنا يرحمها حبيبتى ويجعلها من اهل الجنه ويرحم امواتنا المسلمين اجمعين . هى اكيد حاسه بيكى ومشاركاكى فرحتك فالارواح هائمه فى ملكوت الله ترى وتشعربأحبتها وبما لا يراه الانسان كل ما تتزكريها ادعى لها وكل ما تحتاجيها ترحمى وتصدقى عليها. ربنا يعينك على فراقها ويعينا على فراق احبتنا . هو ده الانسان راااااحل .

موضوع العمل جيد جدا وشدني جدا جدا لاني رايت به الخيال والاحساس بالحنين الذي يستغرق كل من يقرء العمل

ولكن عذرا فانها لاتندرج تحت مسمي قصيده شعريه فقد استخدمتي اكثر من اسلوب بها فقد استخدمتي اللغه العاميه ثم الفصحه وتنوعتي فيما بينهم ولا اجد بحر شعريا ينتمي اليه العمل
عسي ان تتقبلي نقدي وان صح
البحار مندي

الله ياحبيبه علي كلامك الجميل واحساسك العالي وفعلا
مهما طال الكلام عن الاحتياج لحنان الام مش هيكفينا
لان الام دي نور الحياة ..........ربنا يرحم والدتك
ويرحم ابويا امين يارب

مقدم عدد الرسائل : 230 تاريخ التسجيل : 13/08/2008

كلماتك جميلة جدا يا حبيبة واحسن ما فيها الاحساس العالى جدا لانها خارجة من القلب وميرسيه حبيبتى ونتمنا نشوف اعمل تانى ليكى

بجد اقسم بالله بكيت كلامك جميل واللى اجمل من كلامك احساسك واللى اجمل من احساسك الصدق فى التعبير واللى اجمل من صدقك حبك الكبير للغاليه الله يرحمها ويسكنها فسيح جناته واللى اجمل حبك لامك الوفاء العظيم ليها واللى اجمل من دهه كله هى امك رحمها الله لانها انجبتك وعلمتك كيف يكون الحب وكيف يكون الولاء دعواتى لها ولكل امواتنا واموات المسلمين بالرحمه والمغفره وان تكون فى جنه الخلد ان شاء الله مع الانبياء والشهداء الف الف الف شكر حبيبه

ربنا يرحمها ويرحم امواتنا جميعا
بجد انتى شعورك جميل وربنا يصبرك على بعدها

حبيبه انا قاريت الشعر بتاعك ده كتير اوى وكل ما احاول ارد
عليكى غصب عنى بعيط معلش بقه اعذرينى اتأخرت فى الرد
ربنا يرحم وولدتك وولدتى وجميع اموات المسلمين

ربنا يرحمها ويرحم اموات المسلمين جميعا اللهم ارحمنا يارحم الراحمين اعصب حاجه فراق الام ربنا يصبرك ياقلبى ويجعل مثواها الجنه
وكل سنه وانتى طيبه
اللهم اغفر لنا ذنوبنا يارحم الراحمين
مشكوووووووووووووووووووووووره ياقلبى

اللهم ما ارحم جميع امواتنا

» كن أو لا تكن ....... نصائح غالية
» هل نفسك عليك غالية؟؟؟